Fréttablaðið - 19.04.2010, Blaðsíða 13

MÁNUDAGUR 19. apríl 2010 13
Öll fjölskyldan velkomin!
Komdu í heimsókn og kynntu þér fjölbreytta námsmöguleika
og glæsilega aðstöðu. Skemmtileg dagskrá fyrir alla fjölskylduna.
Á S B R Ú - S Í M I : 5 7 8 4 0 0 0 - W W W . K E I L I R . N E T
Opinn dagur hjá Keili, fi mmtudaginn 22. apríl kl. 12-16
Skýrsla rannsóknarnefndar Alþingis á eftir að hafa var-
anleg áhrif á íslenskt þjóðlíf,
því að þar segir af óhugnanlegri
nákvæmni frá því hvernig „til-
raunin Ísland“ fór út um þúfur. Þar
segir í löngu máli frá stórkostlega
illa reknu þjóðfélagi. Þar er spill-
ingin þykk og vanhæfnin altæk.
Stjörnulögfræðingar liðinnar
glópagullaldar kalla það reynd-
ar „múgsefjun“ þegar almenn-
ingi gefst færi á að virða fyrir sér
stjórnarfar á Íslandi síðustu ára-
tugina og dirfist að hneykslast en
ætli nærtækara sé ekki að tala hér
um „siðbót“.
Óhjákvæmileg siðbót
Enginn þeirra sem léku aðalhlut-
verkin í þessum leik á afturkvæmt.
Einstaklingarnir eru hrifnir með
í þessum feiknum og berast með
flaumnum, hver í áttina að sínum
óhjákvæmilega stað. Ekkert verð-
ur sem áður. Þeir atburðir sem við
lifum nú í kjölfar Skýrslunnar eru
stærri og meiri en svo að nokkur
einstaklingur fái stöðvað þá eða
snúið þeim sér í hag.
Þó þeir reyni. Nokkrir lykilþátt-
takenda hafa brugðist við Skýrsl-
unni þó að flestir þeirra reyni enn
að fela sig inni í gosmekkinum, nú
þegar þeir geta ekki lengur dulist
inni í Icesave-moldviðrinu. Því eins
og segir í Jobsbók 34:22: „Ekkert
það myrkur er til eða niðdimma
þar sem illvirkinn geti falist.“
Ekki byrjaði það vel. Það var
beinlínis líkamlega óþægilegt að
sjá Geir Haarde birtast daginn
eftir Skýrslu eins og sjálfan Pont-
íus Pílatus. Hann sagði nei. Nei og
nei og nei-nei-nei: ekki ég, ekki við,
og alls ekki Davíð. Þegar maður
heyrði og sá þennan Herra Hrun
svona gersamlega ósnortinn af öllu
endurlifði maður þessa skelfingar-
daga veturinn 2008 þegar hann var
daglegur gestur í sjónvarpi að full-
vissa okkur um endaleysur.
Og ekki tók betra við þegar
Ólafur Ragnar Grímsson kom í
viðtal í útvarpinu. Hann virtist
telja að þjóðaratkvæðagreiðsl-
an um Icesave hefði veitt honum
slíkt endurnýjað umboð til sjálfs-
réttlætinga að hann gæti með
gamalkunnum mælskubrögðum
sópað burt þeim áfellisdómi sem
er að finna um hann í Skýrslunni.
Hann reyndi að láta líta svo út að
siðferðishluti Skýrslunnar væri
ómarktækur út af missögn um
brall hans með Al-Thani ættinni
í Katar (en Ólafur hefur eins og
kunnugt er unnið um árabil ötul-
lega að inngöngu Íslands í Asíu)
en hinn „eiginlegi hluti“ hreins-
aði hann af ábyrgð. Hann skynj-
aði ekki hinn þunga dyn Skýrsl-
unnar. Þarna mistókst honum að
finna samhljóminn með þjóðinni á
örlagastundu – og á eftir að reyn-
ast honum dýrkeypt.
Fari þau vel
Illugi Gunnarsson og Björgvin
G. Sigurðsson hafa báðir ákveð-
ið að horfast í augu við raunveru-
lega stöðu sína og láta af þing-
mennsku. Gott hjá þeim, fari þeir
vel. Og Þorgerður Katrín. Heyrst
hefur að ósanngjarnt sé að hún
skuli gjalda fyrir lánabrask eig-
inmanns síns, en málið snýst ekki
um það. Í merkri ræðu sinni á
Flokksstjórnarfundi Sjálfstæðis-
flokksins tók hún á sig ábyrgð á
stefnu- og aðgerðaleysi ríkisstjórn-
ar Geirs Haarde og virtist afsögn
hennar fyrst og fremst vera út af
þeim áfellisdómi sem störf þeirrar
ríkisstjórnar hlýtur í Skýrslunni.
Hún dregur sem sé sínar eðlilegu
pólitísku afleiðingar af því sem
þar stendur. Gott hjá henni. Fari
hún vel.
Rétt eins og Ingibjörg Sólrún
gerði í sinni ræðu hjá Samfylking-
unni: Hún hafði manndóm til að
standa frammi fyrir því fólki sem
trúði henni til þess á sínum tíma
að vera í fararbroddi við siðbót
íslensks samfélags og segja: Ég
brást bæði sjálfri mér og ykkur og
kjósendum.
Gerum ekki lítið úr því sem
þessar konur hafa gert. Þær hafa
gert afneiturum erfiðara um vik,
skapað hollan þrýsting á aðra þá
sem brugðust í aðdraganda hruns-
ins – Halldór Ásgrímsson, Davíð
Oddsson og alla hina sem tóku
afdrifaríkustu ákvarðanirnar um
íslenskt efnahags- og fjármálalíf.
Og Bjarna Benediktsson sem
telur sig hafa gert hreint fyrir
sínum dyrum, vafningalaust, en
er nokkurn veginn einn um það.
Hann var flæktur í eitt ógeðfelld-
asta gróðabrall glópagullaldarinn-
ar, þegar Sjóvá var tæmt.
Að ekki sé talað um banksterana
sem nú segja: það átti að líta eftir
mér, ég var bara villingur, ég var
alltaf að bíða eftir því að einhver
stoppaði mig. Þeir eru sinnar og
okkar ógæfu smiðir. Þeir eiga nú
loksins að reyna að haga sér eins
og fullorðnir menn. Þeir eiga að
koma heim með sinn rangfengna
auð og skila honum, játa syndir
sínar, finna sér heiðarlega vinnu,
temja sér dyggðir, leita ljóssins.
Því að ekkert það myrkur er til þar
sem þeir geti falist.
Langþráður draumur Reykja-víkurborgar um að halda sér-
staka barnamenningarhátíð verð-
ur að veruleika við setningu fyrstu
Barnamenningarhátíðar í Reykja-
vík í dag, en hátíðin verður haldin
dagana 19. til 25. apríl.
Börnin í borginni fá þá daga ein-
stakt tækifæri til að sýna hvað í
þeim býr á hinum ólíku sviðum
lista- og menningar en dagskráin
er undirbúin af börnum, fyrir börn.
Um 1.300 tíu ára börn taka þátt í
setningarhátíðinni í Hljómskála-
garðinum ásamt Fíusól, sirkuslista-
mönnum og götuleikhúsfólki. Að
hátíðinni koma grunnskólar í borg-
inni, leikskólar, tónlistar- og mynd-
listarskólar, bókasöfn, listasöfn og
aðrar menningarstofnanir og svo
fjölmargir aðrir með spennandi
verkefni. Listsköpun barna verður
sýnileg á óvæntum stöðum eins og
á botni Vesturbæjarlaugar, á inn-
kaupakerrum í matvöruverslunum
og í Strætó. Leik- og grunnskólar
borgarinnar munu iða af lífi með
sýningum og opnum húsum þar
sem foreldrum og öðrum aðstand-
endum barna verður boðið upp á
spennandi dagskrá.
Börnin leggja land undir fót og
taka yfir aðrar stofnanir en þeirra
eigin á hátíðinni. Þannig syngur 300
leikskólabarna þjóðkór í Háskólabíó
og nemendur úr Háteigsskóla frum-
flytja frumsamda óperu „Jörðina
okkar“ í Hallgrímskirkju. Barna-
menningarhátíðinni lýkur með stór-
um tónleikum með lögum af Vísna-
bókarplötunum Einu sinni var og
Út um græna grundu í Fjölskyldu-
og húsdýragarðinum þann 25. apríl
næstkomandi.
Þema hátíðarinnar að þessu sinni
verður forvitni og kennir ýmissa
forvitnilegra grasa í dagskránni.
Ítarlegt yfirlit yfir alla dagskrár-
liði hátíðarinnar er aðgengilegt á
slóðinni barnamenningarhatid.is.
Ég hvet fjölskyldur til að taka
öflugan þátt í fyrstu Barnamenn-
ingarhátíðinni í Reykjavík og njóta
þess hvað börnin okkar í borginni
eru hugmyndarík, skapandi og
skemmtileg.
Barnamenningarhátíð
hefst í dag
Hanna Birna
Kristjánsdóttir
borgarstjóri
Menning
Guðmundur Andri
Thorsson
rithöfundur
Í DAG
„Ekkert það myrkur er til …“