Fréttablaðið - 05.05.2010, Blaðsíða 40
MARKAÐURINN 5. MAÍ 2010 MIÐVIKUDAGUR10
H É Ð A N O G Þ A Ð A N
Hér mætti segja að kominn væri
forstjórabíll handa forstjóranum
sem hefur gaman af því að keyra.
Bíllinn hefur allt til að bera sem
prýða þarf ökutæki sem hvaða for-
stjóri sem er gæti verið stoltur af
því að ferðast um á. Að auki er ríf-
andi kraftur í bílnum og hann ótrú-
lega lipur miðað við hvað hann er
stór og þungur. Stærð og þyngd
gerir svo náttúrlega líka að verk-
um að hann er stöðugur eins og
klettur, jafnvel þó svo ekið sé á
miklum hraða.
Ljóst má vera að Volvo-inn (sem
fullu nafni heitir Volvo S80 SE
Turbo og er af árgerð 2006) er
mikið tryllitæki og krafturinn yf-
irdrifinn, 200 hestafla vél, 2,5 lítr-
ar að stærð. Bíll sem þessi nýtur
sín vel á hraðbrautum meginlands
Evrópu og mætti segja að hann sé í
kjörumhverfi sínu upp úr 120 kíló-
metra hraða. En það myndi undir-
ritaður náttúrlega ekki geta vitnað
um, enda 90 kílómetra hámarks-
hraði á Hellisheiðinni.
Þungur bíll með stóra bensínvél
er vitanlega ávísun á töluverða
eldsneytisnotkun, en þar ræður
líka aksturslagið nokkru. Þótt bíll-
inn sé sjálfskiptur er líka hægt að
smella „gírstönginni“ til hægri og
skipta sjálfur um gír með því að
hnika henni ýmist fram eða aftur.
„Geartronic“ skipting Volvo gerir
því að verkum að hægt er að mót-
orbremsa, eða, eins og undirrit-
aður prófaði, að láta bílinn renna
niður Kambana í sjötta og fimmta
gír og horfa á bensíneyðsluna
detta um stund niður í núll lítra á
hundraðið.
Í prufuakstrinum var bensín-
eyðslan 10,8 lítrar á hundraðið í
blönduðum akstri, en líklegt má
telja að bíllinn eyði á milli 14 og
15 lítrum á hundraðið innanbæjar,
allt eftir því hvað ökumaðurinn er
þungur á inngjöfinni.
Aksturstölva bílsins er líka næm
á aksturslag ökumannsins og lagar
bíllinn sig fljótt og vel að honum.
Þeir sem eru mjúkir á inngjöfinni
fá virðulega upptöku í stórum bíl,
en aðeins ákveðnari meðhöndlun
kallar fljótt fram villidýrið sem
undir húddinu býr.
Stjórntæki ökumanns eru þægi-
leg og má þar sem dæmi nefna
skriðstillinguna (e. cruise control)
sem er í stýrishjólinu. Hún er eink-
ar meðfærileg. Þá er hægt að stilla
hraða bílsins nákvæmlega með
hnöppunum, hægja á og gefa í,
svona ef einhver skyldi kjósa að
aka á nákvæmlega 96 kílómetra
hraða.
Bíllinn er rúmgóður og innrétt-
ingin smekkleg. Ljóst leður í sætum
og viðarinnrétting. Rafmagn í
sætum, hljómkerfið stórgott, 17
tommu álfelgur og hvaðeina. Þá
spillir ekki fyrir hvernig spegl-
arnir leggjast upp að hliðum bílsins
þegar honum er læst, hvernig bíll-
inn „man“ hvernig síðasti ökumað-
ur vill hafa sæti og spegla stillta,
fyrirstöðuskynjari í afturstuðara,
og margvíslegur annar búnaður
ökumanni til hægindaauka.
Bíllinn er náttúrlega ekki alveg
nýr en er fyrir mestanpart eins
og nýr. Hann getur verið hvort
heldur sem er virðulegur eða
villtur og hann sker sig úr á götu
fyrir glæsileika sakir. Það er mat
undirritaðs að hvaða forstjóri sem
er gæti verið stoltur af því að aka
á þessum bíl og blundi í honum lít-
ill akstursíþróttamaður þá kemur
hann til með að hafa gaman af því
líka.
YFIR HEIÐINA MEÐ ÓLA KRISTJÁNI
Fyrir fólk sem ann akstri
Vovo S80 SE Turbo, árgerð 2006
Ásett verð: 4.590.000 krónur
Ekinn: 33.160 km
Lengd: 485,1 cm
Breidd: 189,3 cm
Litur: Svartur
Sætafjöldi: 5
Þyngd: 1.553 kg
Burðargeta: 607 kg
Slagrými: 2.521 cm3
Afl: 147,0 kW
Eldsneyti: Bensín
H E L S T U S T A Ð R E Y N D I R
VOLVO S80 SE TURBO Kraftmikill kaggi sem eftir er tekið. Í það minnsta er prufuöku-
maður bílsins ekki frá því að augu „unglingspilta á öllum aldri“ hafi stundum fylgt honum
eftir þar sem hann átti leið um. FRÉTTABLAÐIÐ/VILHELM
Óli Kristján
Ármannsson
blaðamaður
tekur til kostanna
notaða bíla og
metur hvort þeir
fái staðið undir
því að kallast
forstjórabílar.
Nýsköpunarmiðstöð Íslands
hefur sýnt fram á að það er
bæði tæknilega mögulegt og
fjárhagslega hagkvæmt að nýta
kísilryk sem fellur til við fram-
leiðslu járnblendiverksmiðjunn-
ar á Grundartanga til að fram-
leiða háhitaeinangrun. Notagild-
ið er mikið og er einangrunin til
dæmis nýtt í kerfóðringar og
hafa íslensk álver sýnt vinnunni
áhuga.
Stofnað hefur verið sprota-
fyrirtækið Háhiti um framleiðslu
þessarar háhitaeinangrunar og
stefnt er að því að setja upp verk-
smiðju á Akranesi innan skamms.
Slík verksmiðja gæti skapað tíu til
tólf störf í upphafi.
Guðbjörg Óskarsdóttir, verk-
efnisstjóri hjá Nýsköpunarmið-
stöð, segir að hugmyndin hafi
vaknað haustið 2008, eða í miðju
hruninu. Þá hafi verið í anda tím-
ans að dusta rykið af gömlum
hugmyndum. Ein slík var að nýta
þetta innlenda hráefni sem fellur
til í töluverðu magni við fram-
leiðslu járnblendis hjá Elkem á
Grundartanga.
Guðbjörg útskýrir að einangr-
unin sem um ræðir sé ekki að-
eins mjög hitaþolin heldur sé hún
sterkari en sú sem til þessa hefur
verið nýtt í álverum hér. „Marg-
vísleg notkun kemur til greina
og sérstaklega í samhengi við
nálægð framleiðslunnar við há-
hitanotkun bæði í iðnaði og orku-
framleiðslu hérlendis. Tækifærin
eru fjölmörg,“ segir Guðbjörg.
- shá
FYRIRTÆKIÐ
FRÁ GRUNDARTANGA Kísilryk (SiO2)
er selt sem íblöndunarefni í sement.
Framleiðsla er yfir 20 þúsund tonn á
ári. Lengi var það urðað í malarnámum.
FRÉTTABLAÐIÐ/VILHELM
Snjöll nýting innlends
hráefnis í áliðnaði
Íslenskir sóldýrkendur eiga þess-
um mönnum mikið að þakka,
þeim Guðna Þórðarsyni í Sunnu
og Ingólfi Guðbrandssyni í Útsýn,
frumkvöðlum í sólarlandaferð-
um hér á landi. Það var kalsalegt
um að litast þegar þessi mynd var
tekin af „kóngunum í ferðaskrif-
stofubransanum“ á Austurvelli
veturinn 1969 – og kannski ekki
nema von að þeir félagarnir leit-
uðu út í sólina. Utanlandsferðir
voru ekki algengar í þá daga en
nú er öldin önnur. Rúmlega 400
þúsund Íslendingar fara nú um
Leifsstöð á ári hverju.
Sólkonungar að vetri
LJÓSMYNDASAFN REYKJAVÍKUR/ JÓN BIRGIR PÉTURSSON
Þrátt fyrir miklar fréttir af iPad-
spjaldtölvunni er hún langt í frá
sú eina í heimi. Microsoft kynnti
frumgerð fyrstu tölvunnar árið
2001 og hafa þær verið til í ýmsu
formi um nokkurra ára skeið
þótt lítið hafi farið fyrir vinsæld-
um þeirra. Öðru máli gegnir nú
enda búast tæknispekúlantar úti
í hinum stóra heimi við að iPad-
spjaldtölvan muni valda byltingu
í tölvunotkun. Hér eru nokkrar
tölvur sem sumir telja geta veitt
Apple harða samkeppni á nokkuð
heitum markaði:
HANVON TOUCHPAD
Kínverska tæknifyrirtækið Han-
von, sem er umsvifamikið á
lestölvumarkaðinum, setti nýverið
á markað spjaldtölvu undir nafn-
inu Hanvon B10 Touchpad. Tölvan
er með rúman 25 cm (horn í horn)
stóran snertiskjá og vegur tæpt
kíló. Tölvan keyrir á stýrikerfinu
Windows 7, er með 250 GB harð-
an disk, Wi-Fi, SD-minniskortar-
auf, sjónvarpstengi og 1,3 MP vef-
myndavél.
HEWLETT-PACKARD SLATE
Bandaríski tæknirisinn HP gaf
það út fyrir nokkru að hann hygð-
ist gera sig stóran á spjaldtölvu-
markaðinum. Tölvan er væntanleg
á markað í haust. Gert er ráð fyrir
að hún keyri Windows 7 og eru
tækniskríbentar erlendra tíma-
rita á því að hún geti veitt iPad-
inum harða samkeppni. Þeir telja
þó ólíklegt að hún muni keppa við
iPad-tölvuna þar sem Apple-fólk
kaupir almennt ekki vörur ann-
arra. Þegar hefur verið gefið út
að Slate-spjaldtölvan muni styðja
við Flash-tækni, með minniskorta-
rauf, USB-tengi og VGA-mynda-
vél að framan og 3 MP-myndavél
að aftan. Skjárinn er ívið minni
en í öðrum spjaldtölvum, eða rétt
rúmir 20 cm horn í horn. Reikn-
að er með því að rafhlaðan dugi í
fimm klukkustundir.
ICD GEMINI
Gemini-tölvan frá bandaríska
tæknifyrirtækinu ICD hefur
fengið nokkra athygli í netmiðl-
um upp á síðkastið. Búist er við
að hún komi á markað í ágúst og
segja þeir sem hafa fengið for-
skot á sæluna að tölvan geti velgt
Apple undir uggum. Hún keyrir á
Android-stýrikerfinu frá Google,
styður við Flash-tæknina og þykir
skila sínu jafnt í vídeóglápi sem
netrápi. Framan á tölvunni verð-
ur 2,0 MP myndavél en 5,0 MP að
aftan. Skjárinn er um 28 cm horn
í horn.
NÝTT OG VÆNTANLEGT
Spjald- og töflutölvur sem komn-
ar eru á markað: Töflutölvurnar
eru sumar hverjar með snertiskjá
en áfast lyklaborð og geta því nýst
betur en tölva með innbyggðu og
óþægilegu lyklaborði: Asus Eee
Pad, Lenovo IdeaPad S10-3t,
Fusion Garage JooJoo, Archos 9
PCtablet, Camangi WebStation.
Nokkrar væntanlegar: Dell
Mini 5, Microsoft Courier, Notion
Ink Adam, ExoPC Slate, Axiotron
Modbook Pro, MSI Tegra 2 Tab-
let, Freescale Smartbook Tablet.
Þá hefur netrisinn Google greint
frá því að tölva frá fyrirtækinu sé
væntanleg á markað.
- jab
Tölvuframleiðendur komnir í gírinnÚ R F O R T Í Ð I N N I
varmadaela.is • S: 823-9448
FRÁBÆRT
fyrir sumarbústaðinn
Sparið ca70% af
rafhitunarkostnaði með varmadælu
Panasonic fyrir 70m2
Verð frá 228.000,- kr. m/vsk
Panasonic fyrir 115m2
Verð frá 327.000,- kr. m/vsk
Kortalán
valitor
5 ára ábyrgð
á kælipressu