Fréttablaðið - 05.05.2010, Blaðsíða 50

22 5. maí 2010 MIÐVIKUDAGUR
sport@frettabladid.is
HANDBOLTI Rúnar Sigtryggsson
er hættur sem þjálfari hjá hand-
boltaliði Akureyrar og félagið á
nú í viðræðum við Atla Hilmars-
son um að taka við starfi hans.
Þetta staðfesti Hannes Karlsson,
formaður handknattleiksdeildar
félagsins, við Fréttablaðið.
Samkvæmt heimildum Frétta-
blaðsins ganga viðræður vel við
Atla og líklegt að gengið verður
frá ráðningu hans í dag. Atli var
áður þjálfari kvennaliðs Stjörn-
unnar en hætti þar í gær. - esá
Þjálfaraskipti hjá Akureyri:
Atli í viðræðum
við Akureyri
FÓTBOLTI Roberto Mancini, knatt-
spyrnustjóri Manchester City,
segir það rangt að framtíð hans
hjá félaginu muni ráðast af leik
liðsins gegn Tottenham í kvöld.
Um afar mikilvægan leik er að
ræða en liðin eiga í harðri bar-
áttu um fjórða sæti ensku úrvals-
deildarinnar og þar með sæti í
Meistaradeild Evrópu á næstu
leiktíð. Tottenham getur tryggt
sér fjórða sætið með sigri í kvöld.
„Við erum alla vega öruggir
með sæti í Evrópudeildinni
og það er mikilvægt,“ sagði
Mancini. „Við getum náð lengra.
Ég hef verið hér í fimm mánuði
og get átt góða framtíð hjá City.
Við erum að reyna að endurskrifa
sögu þessa félags.“ - esá
Tottenham og City mætast:
Framtíðin ekki
undir í leiknum
N1-deild karla
3. leikur í úrslitaeinvígi:
Haukar - Valur 30-24 (13-11)
Mörk Hauka (skot): Sigurbergur Sveinsson 9/2
(15/3), Björgvin Þór Hólmgeirsson 5 (13), Pétur
Pálsson 4 (4), Elías Már Halldórsson 4 (5), Freyr
Brynjarsson 4 (6), Tjörvi Þorgeirsson 1 (1), Einar
Örn Jónsson 1 (2), Þórður Rafn Guðmundsson 1
(2), Gunnar Berg Viktorsson 1 (4/2).
Varin skot: Birkir Ívar Guðmundsson 12 (31/4,
39%), Aron Rafn Eðvarðsson 1 (6/1, 17%).
Hraðaupphlaup: 7 (Freyr 4, Sigurbergur, Elías,
Pétur)
Fiskuð víti: 5 (Pétur 4, Björgvin)
Brottvísanir: 14 mínútur.
Mörk Vals (skot): Arnór Þór Gunnarsson 9/5
(13/5), Sigurður Eggertsson 6 (13), Sigfús Páll
Sigfússon 2 (2), Ingvar Árnason 2 (2), Fannar
Þór Friðgeirsson 2 (9), Orri Freyr Gíslason 1 (1),
Gunnar Ingi Jóhannsson 1 (2), Elvar Friðriksson 1
(4), Jón Björgvin Pétursson (1)
Varin skot: Hlynur Morthens 12 (34/2, 35%),
Ingvar Kristinn Guðmundsson 5/2 (13/2, 38%)
Hraðaupphlaup: 0
Fiskuð víti: 5 (Fannar 2, Gunnar, Ingvar, Sigurður)
Brottvísanir: 10 mínútur.
Meistarakeppni KSÍ
FH - Breiðablik 1-0
1-0 Viktor Örn Guðmundsson (52.).
Þýska úrvalsdeildin
Melsungen - Flensburg 27-32
Alexander Petersson skoraði 1 mark fyrir Flensb.
Sænska B-deildin
Brage - Öster 3-1
Davíð Þór Viðarsson lék allan leikinn fyrir Öster
og skoraði mark liðsins í leiknum.
ÚRSLIT
MANCINI Stýrir City gegn Tottenham í
kvöld. NORDIC PHOTOS/GETTY
FÓTBOLTI Barcelona er enn í lykil-
stöðu í titilbaráttunni í spænsku
úrvalsdeildinni eftir 4-1 sigur á
Tenerife á heimavelli í gær. Lion-
el Messi skoraði tvö marka liðs-
ins og þeir Pedro og Bojan Krkic
hin tvö.
Barcelona er með fjögurra
stiga forystu á Real Madrid sem
getur minnkað muninn aftur í
eitt stig með sigri á Real Mall-
orca á útivelli í kvöld. - esá
Spænska úrvalsdeildin:
Barcelona vann
> FH meistari meistaranna
FH varð í gær meistari meistaranna eftir 1-0 sigur á
Breiðabliki í Meistarakeppni KSÍ í gær. Viktor Örn Guð-
mundsson skoraði eina mark leiksins á 52. mínútu.
Jökull Elísabetarson, leikmaður Breiðabliks, fékk svo
að líta beint rautt spjald undir lok leiksins. Keppni í
Pepsi-deild karla hefst svo á mánudaginn
þegar FH hefur titilvörn sína gegn Val á
Vodafone-vellinum. Breiðablik mætir svo
Keflavík á þriðjudagskvöldið en þá
lýkur fyrstu umferðinni með fimm
leikjum.
Haukar komust í 2-1 í einvíginu við Val í gær. Eftir að hafa
verið talsvert frá sínu besta náði Hafnarfjarðarliðið sér
loks almennilega á strik í gær.
„Við vorum ákveðnir í að sýna styrk okkar. Í hinum
tveimur leikjunum höfum við ekki náð að vera með í byrjun.
Nú vorum við hins vegar með frá fyrstu mínútu til hinnar síð-
ustu,“ sagði Freyr Brynjarsson, leikmaður Hauka.
„Valur er með mjög gott lið og stemningin var þeirra megin í
hinum leikjunum en við náðum að seiglast inn í þá báða. Þeir
eiga hrós skilið fyrir síðustu leiki en við eigum svo sannarlega hrós
skilið fyrir þennan.“
Hvað breyttist frá hinum leikjunum? „Við börðumst vel í
vörninni og gáfum ekkert eftir. Þeir áttu ekki eins auðvelt með
að skora. Sóknarleikurinn var líka miklu, miklu betri hjá okkur,“
sagði Freyr sem náði sér vel á strik í gær eftir að hafa alls ekki
fundið sig í hinum leikjunum.
„Ég var bara ekki með hausinn í lagi fyrstu tvo leikina
og bara tek það á mig. En nú var ég klár,“ sagði Freyr en Haukar
stefna að sjálfsögðu á að tryggja sér titilinn annað kvöld. „Við
förum í alla leiki til að sigra og næsti leikur er á Hlíðarenda.
Við hljótum að stefna á sigur þar.“
Ingvar Árnason, leikmaður Vals, var ekki eins hress og
Freyr. „Við vorum ekki alveg eins klárir í þennan leik eins og
í síðustu leikjum. Ég veit ekki alveg hvað veldur. Við þurfum
bara að skoða þetta og reyna að laga hlutina fyrir næsta
leik,“ sagði Ingvar.
„Þeir voru bara betri í dag. Þeir voru með undirtökin í
fyrri hálfleik en við ætluðum samt að klára þá og náðum
að komast inn í leikinn í seinni hálfleiknum. En svo
klúðruðum við þessu og það er bara lélegt. En þetta er
langt frá því að vera búið. Nú förum við heim og klárum
það bara, þá fáum við hreinan úrslitaleik. Við klikkuðum á
því í fyrra en klárum það núna.“
FREYR BRYNJARSSON: ÉG VAR EKKI MEÐ HAUSINN Í LAGI FYRSTU TVO LEIKINA
Sýndum af hverju við höfum unnið alla þessa titla
HANDBOLTI Haukar geta annað
kvöld tryggt sér Íslandsmeistara-
titilinn í handbolta þriðja árið í
röð. Þetta varð ljóst eftir að liðið
vann verðskuldaðan sigur á Val
á heimavelli sínum í gær 30-24.
Hafnarfjarðarliðið er því komið í
2-1 í einvíginu.
„Við vorum virkilega tilbúnir
í slaginn í kvöld og menn sýndu
hungur og vilja. Það var frábær
samstaða í liðinu og það er ekki
hægt annað með þennan stuðning
á pöllunum,“ sagði Aron Kristjáns-
son, þjálfari Hauka, eftir leikinn.
Það var mjög vel mætt á Ásvelli í
gær og setið í öllum sætum. „Þetta
er ekki bara keppni inni á vellinum
heldur líka á pöllunum og það var
vel mætt frá báðum liðum.“
Þrátt fyrir að staðan í einvíg-
inu hafi verið jöfn 1-1 fyrir leik-
inn höfðu Valsmenn leikið betur í
báðum leikjunum sem búnir voru.
Að þessu sinni voru það þó Haukar
sem voru öllu sterkari. „Fundurinn
okkar daginn fyrir leik var mikið
um hugarfarið. Við einbeittum
okkur að því að ná upp stemningu.
Í hinum leikjunum var stemning-
in meira með Val, bæði á vellin-
um og í stúkunni. Menn hugsuðu
málið heima og það skilaði sér,“
sagði Aron. „Nú nær maður sér
bara niður og fer að einbeita sér
að næsta leik. Við erum ekki búnir
að taka titilinn enn.“
Haukar höfðu forystuna nær
allan fyrri hálfleikinn. Valsmenn
náðu að jafna í 3-3 en annars voru
Haukar alltaf með nokkuð þægi-
legt forskot. Mestur var munurinn
fjögur mörk en þegar liðin gengu
til búningsherbergja í hálfleik var
staðan 13-11.
Snemma í seinni hálfleiknum
náðu Valsmenn að minnka muninn
í eitt mark en þá sögðu heimamenn
hingað og ekki lengra. Um miðjan
hálfleikinn voru þeir komnir með
fimm marka forystu og Valsmenn
í ansi erfiðri stöðu.
Þetta var staða sem gestirnir
náðu ekki að vinna sig upp úr og
Haukar fögnuðu sigri. Sterkur
varnarleikur skóp þennan sigur
að miklu leyti og í kjölfarið komu
mikilvæg mörk úr hraðaupphlaup-
um. Haukar sýndu sitt rétta and-
lit í fyrsta sinn í einvíginu. Liðin
mætast í fjórða sinn í Vodafone-
höllinni á fimmtudagskvöld.
elvargeir@frettabladid.is
Sýndum hungur og vilja
Haukar hafa tekið forystuna í einvíginu um Íslandsmeistaratitilinn. Þeir náðu
sér loks almennilega á strik og sigur þeirra í leiknum var í raun aldrei í hættu.
LÍFLEGUR ÞJÁLFARI Aron Kristjánsson, þjálfari Hauka, lætur vel í sér heyra á hliðarlínunni. FRÉTTABLAÐIÐ/STEFÁN