Fréttablaðið - 08.06.2010, Blaðsíða 6

6 8. júní 2010 ÞRIÐJUDAGUR
ALÞINGI Heimild til að semja við
Verne Holding um gagnaver í
Reykjanesbæ varð að lögum á
Alþingi í gær, þremur vikum eftir
að umræðu um málið lauk. Þrjátíu
og átta þingmenn studdu málið við
lokaatkvæðagreiðslu, fimm voru á
móti, sjö greiddu ekki atkvæði en
þrettán voru fjarstaddir.
Þeir sem studdu málið vísuðu til
mikilvægis þess að laða að erlenda
fjárfestingu og tryggja atvinnu á
Suðurnesjum. Tvö hundruð störf
eru talin fylgja verkefninu en
atvinnuleysi er hvergi meira en
á Suðurnesjum. Andstæðingar og
þeir sem sátu hjá gagnrýndu að
með samningnum sé verið að ívilna
Björgólfi Thor Björgólfssyni, eig-
anda hins fallna Landsbanka, sem
er frumkvöðull að verkefninu.
Meðal þeirra tólf þingmanna
sem tjáðu sig á þann veg voru þrír
þingmenn Suðurkjördæmis, Mar-
grét Tryggvadóttir, Hreyfingunni,
sem greiddi atkvæði á móti málinu,
og Sigurður Ingi Jóhannsson og
Eygló Harðardóttir, Framsóknar-
flokki, sem sátu hjá.
Þráinn Bertelsson, óháður, sagð-
ist ekki vera „til í að láta sama aul-
ann plata sig tvisvar“. „Við skul-
um fyrst klára að borga skuldirnar
sem kaup hans á Landsbankanum
ollu okkur.“
Vigdís Hauksdóttir, Framsókn,
sagði stjórnvöld eiga von á kæru
frá Eftirlitsstofnun EFTA vegna
þessa. Það brjóti samkeppnisregl-
ur EES að ívilna einu fyrirtæki á
þennan hátt enda hafi annað fyrir-
tæki getað byggt hér upp gagnaver
án nokkurrar ívilnunar.
Allir viðstaddir þingmenn Sam-
fylkingar og Sjálfstæðisflokks sam-
þykktu málið, auk sex þingmanna
VG og Guðmundar Steingríms-
sonar, Framsóknarflokki. Bjarni
Benediktsson, formaður Sjálfstæð-
isflokksins, sagðist spyrja sig um
siðferði þeirra sem sitja aðgerðar-
lausir þegar við jafnmikinn vanda
er að etja í atvinnumálum og í
Reykjanesbæ. Birgir Ármanns-
son, Sjálfstæðisflokki, sagði erfið
sjónarmið togast á í málinu. Hann
geti ekki annað en stutt það vegna
atvinnuleysisins á Suðurnesjum.
Sigmundur Ernir Rúnarsson, Sam-
fylkingu, sagðist í upphafi hafa
goldið varhug við aðkomu Björgólfs
Thors. „Síðan hefur margt vatn
runnið til sjávar,“ sagði Sigmund-
ur Ernir. Eftir vandaða meðferð
iðnaðarnefndar hafi málið breyst
til batnaðar. Með því að styðja það
taki hann meiri hagsmuni fram yfir
minni. peturg@frettabladid.is
Ívilnun til Verne
Holding fest í lög
Margir þingmenn gagnrýndu að ríkið semji um skattaívilnanir við fyrirtæki
með þátttöku Björgólfs Thors Björgólfssonar. Formaður Sjálfstæðisflokksins
spurði um siðferði þeirra sem vilji sitja hjá í atvinnuástandinu á Suðurnesjum.
LÖGÐUST Á EITT Bjarni Benediktsson og Steingrímur J. Sigfússon lögðust á eitt og
samþykktu samning á Alþingi í gær við Verne Holding um gagnaver í Reykjanesbæ.
Einn þingmaður Suðurkjördæmis var andvígur málinu, tveir sátu hjá vegna andstöðu
við ívilnun til Björgólfs Thors Björgólfssonar.
STJÓRNMÁL Umbótanefnd Samfylkingarinnar segir
í tilkynningu að starf hennar, sem á að vera lokið
í október, gefi „hvorki flokknum né einstaklingum
innan hans ástæðu til að bíða með að gaumgæfa
eigin ábyrgð og stöðu“.
Þá segir nefndin að hún muni ekki „fella dóma í
einstökum málum“. Hins vegar geri hún ráð fyrir að
niðurstöður vinnunnar „hafi áhrif á mat flokksins
og flokksmanna á stöðu þeirra sem gegna eða hafa
gegnt trúnaðarstörfum fyrir flokkinn“.
Ásgeir Beinteinsson, einn verkstjóra nefndarinn-
ar, segir nefndina með þessu ekki vera að fullyrða
að fólk þurfi að segja af sér. Mikil umræða hafi hins
vegar verið um þetta í samfélaginu.
„Þetta er frekar svar við þeirri umræðu og að ef
einhverjum finnst hann þurfa að skoða eigið hlut-
skipti þá komi þetta starf okkar ekki í veg fyrir það.
En við erum ekki byrjuð að draga neinar ályktanir,“
segir hann.
Nefndin mun skoða hvað stuðlaði að því að flokk-
urinn sá ekki bankahrunið fyrir. Stjórnarþátttak-
an, ábyrgð forystumanna flokksins og þeirra sem
tóku þátt í prófkjörum hans verður skoðuð. Þá mun
nefndin leggja til breytingar á stefnu, skipulagi og
starfsháttum flokksins, gefi niðurstöður hennar til-
efni til þess. - kóþ
Umbótanefnd Samfylkingar kemur saman og ætlar að ljúka verki í október:
Gefur ekki tilefni til biðleikja
ÁSGEIR BEINTEINSSON Einn fjögurra verkstjóra í sextán manna
umbótanefnd Samfylkingar segist ekki fullyrða fyrirfram að
fólk sem hefur gegnt trúnaðarstörfum fyrir flokkinn þurfi að
segja af sér. Það sé hins vegar ekki óhugsandi.
FRÉTTABLAÐIÐ/VILHELM
BÍLALÁN Íslandsbanki mun ekki
lækka höfuðstól bílalána frekar
en orðið er fyrr en að fenginni
niðurstöðu Alþingis og Hæsta-
réttar.
Í yfirlýsingu bankans segir að
Alþingi hafi frumvarp frá félags-
málaráðherra til meðferðar.
Hæstiréttur skeri úr réttaróvissu
um bílalánin um miðjan júní.
„Íslandsbanki telur mikilvægt
að viðskiptavinum eignaleigu-
fyrirtækja bjóðist samræmdar
lausnir í þessum efnum,“ segir
Íslandsbanki. - pg
Bílalán Íslandsbanka:
Bíða niður-
stöðu Alþingis
KJÖRKASSINN
Líst þér vel á nýjan meirihluta í
borgarstjórn Reykjavíkur?
JÁ 54,3%
NEI 45,7%
SPURNING DAGSINS Í DAG:
Borðaðir þú grillmat um ný-
liðna helgi?
Segðu skoðun þína á visir.is
VIÐSKIPTI Katarski sjeikinn Al-
Thani fékk jafnvirði 6,5 milljarða
íslenskra króna fyrir að lána nafn
sitt í viðskiptafléttu með fimm pró-
senta hlut í Kaupþingi. Viðskiptin
eru nú til rannsóknar hjá sérstök-
um saksóknara og Serious Fraud
Office í Bretlandi.
DV birti í gær samtal á milli
Halldórs Bjarkars Lúðvígssonar,
fyrrverandi starfsmanns fyrir-
tækjasviðs Kaupþings, og Lilju
Steinþórsdóttur, sem starfaði hjá
innri endurskoðun bankans. Þar
kemur fram að fléttan hafi meðal
annars haft þann tilgang að fela
aðild Ólafs Ólafssonar í Samskip-
um að málinu.
Í samtalinu ræða þau um það að
fléttan hafi verið samin af Hreið-
ari Má Sigurðssyni, fyrrverandi
forstjóra Kaupþings, og Magn-
úsi Guðmundssyni, fyrrverandi
forstjóra bankans í Lúxemborg.
Báðir sátu þeir nýlega í gæsluvarð-
haldi á Íslandi vegna rannsóknar
sérstaks saksóknara á málefnum
Kaupþings, meðal annars kaupum
sjeiks Al-Thani og Ólafs.
Lánveitingar Kaupþings til
Ólafs og Al-Thani voru ekki hlut-
höfum bankans til hagsbóta og
hvorki Ólafur né Al-Thani virðast
nokkru sinni hafa þurft að greiða
krónu vegna viðskiptanna. - sh
Reynt var að fela aðild Ólafs Ólafssonar að vafasömum viðskiptum Kaupþings:
Al-Thani fékk milljarða fyrir nafn sitt
SJEIK AL-THANI Fékk 6,5 milljarða fyrir
að lána nafnið sitt.