Fréttablaðið - 08.06.2010, Blaðsíða 46

30 8. júní 2010 ÞRIÐJUDAGUR
SJÓNVARPSÞÁTTURINN
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. tikka, 6. í röð, 8. meðal, 9. maka,
11. tveir eins, 12. lyf, 14. vörubyrgðir,
16. karlkyn, 17. örn, 18. drulla, 20.
klaki, 21. skjótur.
LÓÐRÉTT
1. íþróttafélag, 3. 49, 4. ölvun, 5.
kraftur, 7. fugl, 10. skel, 13. siða, 15.
tröll, 16. kóf, 19. slá.
LAUSN
LÁRÉTT: 2. tifa, 6. rs, 8. lyf, 9. ata, 11.
ll, 12. meðal, 14. lager, 16. kk, 17. ari,
18. aur, 20. ís, 21. frár.
LÓÐRÉTT: 1. fram, 3. il, 4. fyllerí, 5.
afl, 7. stelkur, 10. aða, 13. aga, 15. risi,
16. kaf, 19. rá.
Nýstofnaður Kallakór Kaffibarsins samanstendur af
syngjandi hesta- og bjórdrykkjumönnum sem hafa
lengi stundað hinn víðfræga skemmtistað.
„Hugmyndin kviknaði eiginlega eftir að einn með-
limurinn hafði séð skemmtilega auglýsingu fyrir
íþróttafyrirtækið Puma þar sem barrottur byrja
skyndilega að syngja lag saman. Við ákváðum að stofna
okkar eigin kór og fengum svo stórsöngvarann Jón
Svavar Jósepsson til að taka að sér hlutverk kórstjóra,
gerðum Facebook-hóp og buðum nokkrum fastakúnn-
um og starfsmönnum Kaffibarsins að vera með,“ segir
Hallbjörn Valgeir Rúnarsson, sem syngur rödd fyrsta
bassa í kórnum.
Kórinn var stofnaður í apríl síðastliðinn og eru með-
limir hans nú um tuttugu talsins og eru þeir flest-
ir að stíga sín fyrstu skref sem söngvarar. Æfingar
fara fram vikulega á efri hæð Kaffibarsins og hafa
gestir skemmtistaðarins margir hverjir orðið varir við
ómþýðan söng kórsins á sunnudagskvöldum. „Þetta eru
allt „amatörar“ þannig við erum kannski ekki að flytja
lög í sérstaklega flóknum útsetningum, en öll lögin eru
þó tvírödduð og eitt er meira að segja fjórraddað.“
Jómfrúartónleikar kórsins fara fram laugardaginn
12. júní á Humarsumri Kaffibarsins og að sögn Hall-
björns, sem er betur þekktur sem Halli Valli úr hljóm-
sveitinni Ælu, hafa æfingar kórsins verið færðar um
set svo hægt verði að æfa sönginn í ró og næði. „Við
ákváðum að æfa ekki á Kaffibarnum þessa vikuna því
lagavalið á að koma fólki á óvart. Við munum flytja
nokkur vel valin karlakórslög í eigin útsetningum og
byrja tónleikarnir stundvíslega klukkan fimm í boði
Thule.“ Inntur eftir því að lokum hvort ölið fari ekki
illa með söngröddina neitar Halli Valli því. „Nei, ef eitt-
hvað er þá mýkir þetta hana bara.“ - sm
Kallakór hefur upp raust sína
GLAÐBEITTUR KARLAKÓR Kallakór Kaffibarsins mun hefja upp
raust sína fyrir gesti í fyrsta sinn á Humarsumri Kaffibarsins.
FRÉTTABLAÐIÐ/VILHELM
„Það eru léttir stelpuþættir. Að-
allega Ally McBeal og Friends“
Ásbjörg Einarsdóttir, dúx Menntaskólans í
Reykjavík 2010.
Ólafur Páll Gunnarsson, útvarpsmaður á
Rás 2, frumsýnir á næstunni heimildar-
mynd um tónleikana Þyrlurokk sem hann
hélt í heimabæ sínum Akranesi fyrir tut-
tugu árum.
„Tíminn flýgur og nú eru tuttugu ár liðin.
Af því tilefni sótti ég um styrk til að búa til
úr þessu eitthvað sem fleiri en ég gætu haft
gaman af að sjá,“ segir Óli Palli, sem fékk
200 þúsund króna styrk frá Akranesbæ
til verksins. Afraksturinn verður sýndur í
Gamla kaupfélaginu á Akranesi 24. júlí.
„Þetta var allt saman myndað en reyndar
á frumstæðan hátt. Það eru fimm klukku-
stundir af efni sem eru til og margt mjög
lélegt. Sumt af þessu er einhver versta
músík-frammistaða sem hefur verið fram-
in á Vesturlandi í það minnsta og þeim mun
skemmtilegra,“ segir Óli.
Ellefu hljómsveitir tóku þátt í hátíðinni,
þar á meðal Bróðir Darwins og Bleeding
Volcano með Gunnari Bjarna úr Jet Black
Joe á gítar. „Ég á ekki von á að þetta verði
Óskarsverðlaunamynd en þetta er alla
vega skemmtilegt, þó ekki nema
fyrir þá sem voru þarna og þá
sem til þekkja. Þetta var gert
af miklum vanefnum. Ég var
tvítugur þegar ég var að
undirbúa þetta. Ég vonaði
að ég þyrfti ekki að borga
með mér því ég gekk í
persónulegar ábyrgð-
ir fyrir öllu saman,“
segir hann. Tónleikarnir
tókust vel og um sjö hundr-
uð manns borguðu 500
krónur fyrir að sjá Þyrlur-
okkið, sem var þarna haldið
í fyrsta og eina sinn. - fb
Óli Palli frumsýnir Þyrlurokks-mynd
ÓLAFUR PÁLL GUNNARSSON
Útvarps- og Skagamaðurinn
frumsýnir heimildarmynd
um Þyrlurokk í næsta
mánuði.
FRÉTTABLAÐIÐ/VILHELM
Gamanþátturinn
Steindinn okkar með
Steinda jr. í aðalhlut-
verki hefur slegið
í gegn svo um
munar. Galsinn
í Steinda þykir
nokkuð grófur og
margir hrukku í
kút þegar stjarnan sást berja Saxa
lækni, einhverja þekktustu persónu
Ladda. Auðvitað var þekktum
tæknibrellum beitt við tökurnar
en Steindi slysaðist hins vegar
óvart til að gefa hinum þjóðþekkta
gamanleikara einn á kjammann.
Laddi brást við því eins og sannur
karlmaður þótt Steinda sjálfum
væri nokkuð brugðið.
Og Baggalútssíðan er
komin í sitt árlega
sumarfrí. Spéfuglarnir
hafa farið hamförum á
síðunni að undanförnu
og greindu meðal
annars frá því á
sama tíma og nýr
borgarstjórnar-
meirihluti hafði tekið við völdum
að forysta Sjálfstæðisflokksins
hefði sent frá sér yfirlýsingu um
að morðóðir anarkistasjimpansar
hefðu tekið borgina yfir. Þetta skot
frá ritstjórninni þarf ekki að koma
neinum á óvart enda tekur Karl
Sigurðsson, einn meðlima Baggal-
úts, sæti í borgarstjórn í næstu viku
fyrir Besta flokkinn.
Og Rúnari Frey Gíslasyni hefur
verið falið það hlutverk að vera
kynnir Grímunnar sem verður í
beinni útsendingu á Stöð 2 þann
16. júní. Einkalíf Rúnars komst
óvænt á forsíðu hjá Séð & heyrt
þar sem greint var frá
því að hann og Selma
Björnsdóttir væru skilin.
Grímuverðlaunin fengu
óvart mikla athygli eftir
að Jón Atli Jónasson
lýsti því yfir að hann
hygðist ekki taka
við tilnefningum
sökum þess að
verndari hátíðar-
innar væri forseti
Íslands. - fgg
FRÉTTIR AF FÓLKI
„Bandaríkin og Ísland glíma við
sömu vandamálin. Við erum með
nokkra ráðandi flokka sem tala
alltaf um sömu hlutina og koma
engu í verk. Mér finnst Jón Gnarr
hafa áhugaverða nálgun,“ segir
bandaríski athafnamaðurinn Jona-
than Taplin.
Taplin keypti á sunnudaginn
lénið thebestparty.org, sem er nafn
Besta flokksins á ensku. Hann býr
í Los Angeles í Kaliforníu þar sem
Arnold Schwarzenegger er ríkis-
stjóri, en efnahagshrunið hefur
komið sérstaklega illa niður á rík-
inu. Ríkisstjórakosningar verða í
nóvember og Taplin útilokar ekki
að koma á fót framboði Besta
flokksins í Kaliforníu. „Hver veit
hvað gerist? Eins og ég segi, hið
gamla er að deyja og það nýja er að
fæðast. Það eru alls konar skrýtnir
hlutir að gerast,“ segir hann.
Jonathan Taplin var staddur á
Íslandi á dögunum þar sem hann
hélt meðal annars fyrirlestur á
vegum auglýsingastofunnar Hvíta
hússins. Hann segist ekki tengjast
Besta flokknum á nokkurn hátt og
neitar að hafa tekið þátt í að fjár-
magna flokkinn.
„Mér fannst skemmtilegt að
tryggja mér lénið,“ segir hann.
„Það var í boði þannig að ég hugs-
aði; af hverju ekki? Ég er bara
áhorfandi og samfélagsrýnir. Það
vildi svo til að ég var á Íslandi í
skemmti- og viðskiptaerindum og
kom á þessum skrýtna og áhuga-
verða tíma. Mér fannst það vera
táknrænt fyrir eitthvað áhuga-
vert.“
Hefurðu hitt Jón Gnarr?
„Ég hef ekki hitt hann, en ég hef
lesið heilmikið af því sem hann
hefur fram að færa. Mér finnst það
mjög áhugavert og hann hefur sér-
staka nálgun.“
atlifannar@frettabladid.is
JONATHAN TAPLIN: HEFUR TRYGGT SÉR LÉNIÐ THEBESTPARTY.ORG
Útilokar ekki að stofna
Besta flokkinn í Hollywood
■ Hóf feril sinn í tónleikabransanum og kom að skipulagningu frægra
góðgerðartónleika fyrir Bangladesh árið 1971. George Harrison,
Ringo Starr, Bob Dylan og Eric Clapton voru á meðal þeirra
sem komu fram á tónleikunum.
■ Framleiddi kvikmyndina Mean Streets, sem var fyrsta stór-
mynd Martins Scorsese.
■ Myndir sem hann hefur framleitt hafa verið tilnefndar til
Óskars- og Golden Globe-verðlauna ásamt því að hafa
verið sýndar á kvikmyndahátíðinni í Cannes sex sinn-
um.
■ Stofnaði fyrstu kvikmyndaleiguna á netinu árið 1996
ásamt stórum fjárfestum á borð við Intel, Microsoft,
Sony og NBC.
■ Starfar sem prófessor og sérhæfir sig í stafrænu
skemmtiefni og alþjóðasamskiptum.
5 MOLAR UM JONATHAN TAPLIN
HUGSANLEGT SAMSTARF? Jonathan Taplin sýnir starfi Besta flokksins mikinn áhuga,
en hefur þó ekki hitt Jón Gnarr, Óttarr Proppé og félaga. FRÉTTABLAÐIÐ/SAMSETT MYND
VEISTU SVARIÐ?
Svör við spurningum á síðu 8.
1 Hann verður alinn á korni.
2 Hann svindlaði og stytti sér leið.
3 Tæp nítján prósent.
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
HUMAR HUMAR HUMAR 2000 KR.KG.
EIGUM TIL MARKÍL Í BEITU FYRIR VEIÐIMENNINA