Fréttablaðið - 08.06.2010, Blaðsíða 37

ÞRIÐJUDAGUR 8. júní 2010
Stúlknakór Kaupmannahafnar
kemur fram á tónleikum í Hall-
grímskirkju í kvöld kl. 20. Kór-
inn flytur fjölbreytta efnisskrá,
meðal annars verk eftir nor-
rænu tónskáldin Knut Nystedt,
Trond Kverno, Ola Gjelo, Michael
Bojesen auk verka eftir Olivier
Messiaen, J. Rheinberger, John
Rutter og fleiri. Stjórnandi kórs-
ins er Claus Vestergaard Jensen,
en Philip Schmidt-Madsen org-
anisti leikur á Klais-orgel Hall-
grímskirkju.
Kórinn tók um helgina þátt í
kórastefnu við Mývatn þar sem
hann vakti mikla athygli fyrir
góðan söng. Þetta er eina tæki-
færið fyrir íbúa höfuðborgar-
svæðisins til að hlýða á söng
þessa rómaða kórs að þessu
sinni.
Stúlknakór Kaupmannahafnar,
sem kennir sig við Sankt Annæ-
menntaskólann er talinn vera
einn besti stúlknakór Danmerk-
ur. Kórinn var stofnaður árið
1973. Kórinn starfar við Kirkju
heilags anda á Strikinu í Kaup-
mannahöfn. Samstarf þessarar
kirkju við hirðina og menntaskóla
heilagrar Önnu á sér aldagamla
hefð.
Á efnisskrá kórsins eru verk af
ólíkum stíltegundum, bæði hefð-
bundin kórtónlist og dægurtón-
list og höfðar kórinn því bæði
til yngri og eldri áheyrenda. Af
höfundum sem kórinn flytur oft
verk eftir má nefna Fauré, Poul-
enc, Brahms, Schubert og Rhein-
berger. Stúlknakór Kaupmanna-
hafnar hefur sungið inn á marga
hljómdiska og komið fram á tón-
leikum víðs vegar um heim, nú
nýlega í Bandaríkjunum, Kanada
og Kína. - pbb
Stúlknakór í Hallgrímskirkju
TÓNLIST Stelpurnar úr Sankt Annæ-skólanum syngja venjulega við Heilagsandakirkju
en koma fram í Hallgrímskirkju í kvöld.
Katrín Jakobsdóttir, mennta- og
menningarmálaráðherra, hefur
gert athugasemd vegna fréttar í
menningu á laugardag um fjár-
veitingar á síðustu ellefu árum
til ýmissa aðila
vegna bókaút-
gáfuverkefna
af ýmsu tagi.
Segir Katrín
að ranghermt
sé í fréttinni
að fjárveiting-
ar þessar séu
af ráðstöfunar-
fé mennta-
málaráðuneyt-
is, heldur komi þær inn í fjárlög
ár hvert frá fjárveitinganefnd.
Hún hafi þá stefnu að slíkar
fjárveitingar skuli alfarið vera
á vegum fagnefnda. Raunar séu
fjárveitingar til ýmissa safna-
stofnana sem vitnað var til í
fréttinni líka komnar til innan
fjárveitinganefndar og henn-
ar sjónarmið sé að þær eigi líka
að vera á valdsviði fagaðila.
Ríkisendur-skoðun hafi í skýrsl-
um sínum til Alþingis lagt það
til. Í svari ráðuneytis síns við
fyrirspurn Margrétar Tryggva-
dóttur hafi þetta ekki komið
fram. Er þessari athugasemd
ráðherra hér með komið á fram-
færi og beðist velvirðingar á
þessu ranghermi. - pbb
Athugasemd
frá ráðherra
KATRÍN
JAKOBSDÓTTIR
Fjölbreytt efnisskrá, m.a. verk eftir Knut Nystedt, Trond Kverno, Ola Gjelo,
Michael Bojesen, Olivier Messiaen, J. Rheinberger, John Rutter o.fl .
Stjórnandi Claus Vestergaard Jensen.
Philip Schmidt-Madsen organisti leikur á Klais-orgel Hallgrímskirkju.
Miðasala við innganginn, miðaverð kr. 2000,-/ 1500.
Listvinafélag Hallgrímskirkju 28. starfsár
www.listvinafelag .is
Yfirburðir
Fréttablaðsins
staðfestir!
Skörun blaðalesturs að meðaltali á dag, mán.-lau., höfuðborgarsvæðið 18-49 ára.
Heimild: Blaðakannanir Capacent nóv 2009 - apr 2010.
Lesa bæði
Fréttablaðið og
Morgunblaðið
Lesa bara
Morgunblaðið
Lesa bara
Fréttablaðið
68% 5%
27%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sinn eins
og síðasta könnun Capacent Gallup sýnir ótvírætt.
Allt sem þú þarft...
Auglýsing í
Fréttablaðinu
nær til yfir
95%
lesenda
blaðanna