Fréttablaðið - 08.06.2010, Blaðsíða 22

8. JÚNÍ 2010 ÞRIÐJUDAGUR2 ● fréttablaðið ● landið mitt
Eftir samverustundir við náttúruna er
fátt sem jafnast á við góða hvíld í tjaldi.
Tjaldstæðið í Grindavík er 13.500 fermetrar með fullkominni aðstöðu fyrir ferðamenn.
Egilsstaðir. Þar er verið að leggja lokahönd á nýtt tjaldsvæði.
Nýtt tjaldsvæði er við Sólbrekku í Mjóafirði á Austfjörðum.
Safnahúsið á Húsavík verður opnað
aftur eftir breytingar nú á laugar-
daginn 12. júní. Sett hefur verið
upp ný grunnsýning úr munum og
myndum safnsins sem ber heitið
Mannlíf og náttúra – 100 ár í Þing-
eyjarsýslum.
„Sýningin fjallar um sambúð
manns og náttúru á árunum 1850
til 1950. Yfirleitt eru náttúruminja-
söfn og menningarminjasöfn sitt-
hvor hluturinn en á þessari sýn-
ingu blöndum við saman bæði nátt-
úruminjum og menningarminjum
til þess að sýna fram á þetta marg-
slungna samband,“ útskýrir Sigrún
Kristjánsdóttir, safn- og sýningar-
stjóri Safnahússins.
Eftir breytingar hefur verið
opnuð lítil safnbúð og kaffihús þar
sem hægt er að tylla sér og fara á
Netið og einnig er að finna ný sýn-
ingarrými. „Hér er sjóminjasafn
líka og listasalur þar sem settar
verða upp breytilegar listsýning-
ar svo við opnum nýtt og fjölbreytt
safn um helgina,“ segir Sigrún.
Opnunarhátíð verður nú á laug-
ardaginn og ókeypis verður inn á
safnið frá sunnudeginum 13. júní
til sunnudagsins 20. júní.
Heimasíða safnahússins er
www.husmus.is. - rat
Safnahúsið endurnýjað
Íslendingar eru útileguglaðir
og árlega spretta upp nýir
áfangastaðir fyrir ævintýra-
gjarna tjaldbúa.
Tjaldmiðstöðin á Flúðum tók í
fyrra í notkun nýtt og glæsilegt
tjaldsvæði, á einkar fallegum
stað við Litlu-Laxá. Tjaldstæðið er
margfalt stærra og fullkomnara
en forverinn og eitt frumlegasta
tjaldstæði landsins með tveimur
fótboltavöllum, flugdrekavelli og
tveimur blakvöllum, svo eitthvað
sé nefnt. Sérstakt stæði fyrir hús-
bíla er í brekkunum, með góðu út-
sýni yfir næsta nágrenni. Vatn og
rafmagn er á stæðunum.
Í Grindavík verður boðið upp
á nýtt og glæsilegt tjaldsvæði í
sumar. Tjaldsvæðið er 13.500 fer-
metrar, með snyrtingum, leiktækj-
um og grillaðstöðu. Þá er þjónustu-
hús á tjaldsvæðinu í undirbúningi,
en áætlað er að húsnæðið verði til-
búið síðar í sumar. Tjaldsvæðið er
fjögurra stjörnu, en eina skilyrðið
sem vantar upp á til að komast í 5
stjörnu flokkinn er að sólarhrings-
vakt sé á svæðinu.
Nýtt tjaldstæði er við Sól-
brekku í Mjóafirði á Austfjörðum,
en tjaldsvæði eru nú í öllum sex
fjörðum Fjarðabyggðar. Einnig
má fá gistingu í tveimur tveggja
manna sumarhúsum og í svefn-
pokaplássi á Sólbrekku, þar sem
er eldunaraðstaða, borðstofa,
setustofa með sjónvarpi, þvotta-
vél, þurrkari og þrjár snyrtingar
með sturtum. Heitir pottar eru í
sérhúsi og möguleiki á sjóstang-
veiði og bátsferðum um fjörðinn,
ásamt skemmtilegum gönguleið-
um og útreiðartúrum í ægifegurð
Mjóafjarðar.
Á Egilsstöðum er verið að
leggja lokahönd á nýtt tjaldstæði.
Þar er rafmagn fyrir húsbíla- og
hjólhýsaeigendur og skemmtilegt
leiksvæði fyrir börn. Tjaldstæðið
er á fallegum stað undir Hömrun-
um þar sem búið er að taka gamalt
trésmíðaverkstæði og breyta í að-
stöðu fyrir ferðamenn en í hinum
helmingi hússins verður kaffibar
og matsalur. Í þjónustuhúsinu eru
þvottavélar og þurrkari, snyrting-
ar og bað. - þlg
Tjaldað á nýjum áfangastað
● NOTALEG NESTIS-
STUND Í NÁTTÚRUNNI
Á ferð um Ísland er mikilvægt
að gera hlé á langkeyrslu til að
njóta náttúrunnar beint í æð
og setjast niður á grasbala til að
rétta úr skrokknum og anda að
sér sveitaloftinu yfir góðu nesti.
Spennandi er að nostra við
óvenjulegt nesti fyrir langþráð
ferðalag, sem unun er að gæða
sér á í sveitasælu þegar mag-
inn kallar á sitt bensín. Vitaskuld
verður að hafa eitthvað fyrir alla,
en smurt brauð, kaldar kótel-
ettur í raspi, ostar og kex hitta
ferðalangana örugglega í hjarta-
stað. Gleymið ekki að bera nest-
ið fram á fallegum dúk og hafa
meðferðis hugguleg drykkjar-
mál, diska og servíettur..
Ný sýning í endurnýjuðum sýningarsal í Safnahúsinu á Húsavík. MYND/FINNUR ARNAR
● FJÖLBREYTT DAG-
SKRÁ Sólseturshátíðin í Garði
verður haldin dagana 25. til 27.
júní. Dagskráin er fjölbreytt að
vanda og er hátindur hátíðar-
innar varðeldur þar sem allir
koma saman og njóta stundar-
innar. Hátíðin er haldin á Garð-
skaganum þar sem er góð að-
staða er fyrir húsbíla, fellihýsi,
tjöld og hjólhýsi. Stutt er inn í
þéttbýlið sjálft í meiri þjónustu.
Nánar á www.reykjanes.is.
0000