Fréttablaðið - 15.07.2010, Blaðsíða 16
16 15. júlí 2010 FIMMTUDAGUR
hagur heimilanna
Leiga á bíl yfir hásumar-
ið á Íslandi er dýrari en
víðast hvar annars staðar.
Ástæðan er sú að tekjur
bílaleiganna koma nær ein-
göngu yfir sumarið þegar
ferðamenn fjölmenna til
landsins.
Fréttablaðið skoðaði leiguverð
hjá stóru bílaleigunum þremur
á Íslandi og bar saman við bíla-
leiguverð samstarfsaðila þeirra
í Danmörku. Niðurstöðurnar
sýndu mikinn mun. Leiga í eina
viku á minnstu tegund á Íslandi
kostar á bilinu 104 til 128 þúsund
krónur yfir hásumarið en sam-
bærilegt verð í Danmörku er
48 til 66 þúsund krónur. Frétta-
blaðið leitaði skýringa á þessum
mikla mun.
„Við lifum á þessum þremur
mánuðum þegar hingað koma
túristar. Ef þú skoðar verðið
í febrúar þá er það jafnvel það
ódýrasta í heimi og hér standa
þúsundir bílaleigubíla óhreyfð-
ar,“ segir Hjálmar Pétursson,
framkvæmdastjóri hjá ALP-
Avis bílaleigu. Hjálmar segir
erfitt að bera saman verð hér og
annars staðar þar sem íslensku
bílaleigurnar starfi í allt öðru
umhverfi.
Sigfús Bjarni Sigfússon, fram-
kvæmdastjóri Hertz bílaleigu,
tekur í sama streng. „Rétt er það
að við erum örugglega eitthvað
dýrari. En núna frá svona 10.
júlí til 20. ágúst er verðið hæst
og strax eftir þann tíma lækk-
ar það töluvert,“ segir Sigfús.
„Uppistaðan af okkar leigjend-
um eru ferðamenn. Við erum að
keyra á 300 til 400 bílum á vet-
urna en allt upp í þúsund á sumr-
in. Þetta gengur út á að eiga bíl-
inn óhreyfðan í tíu mánuði á ári
og hala síðan inn tekjurnar á
þessum skamma tíma yfir sum-
arið. Það er ástæðan fyrir þessu
verði,“ bætir Sigfús við.
Bergþór Karlsson, fram-
kvæmdastjóri hjá Bílaleigu
Akureyrar, segir hrun krónunn-
ar hafa komið illa við fyrirtækin
en þetta stutta ferðamannatíma-
bil sé stóra ástæðan. „Verðið er
hátt og menn kannski halda
þess vegna að fyrirtækin séu að
græða á tá og fingri en svo er
ekki. Ég get til dæmis bent á að
tvær af þremur stóru bílaleigun-
um skiptu um eigendur í vetur
þar sem þær voru komnar í þrot
þannig að fyrirtækin eru ekki að
moka upp peningum.“
Talsmenn bílaleiganna segja
allir að viðskiptavinir sínir séu
að langstærstum hluta ferða-
menn enda erfitt fyrir Íslend-
inga að borga það verð sem tíðk-
ast yfir hásumarið.
Áhugavert er að séu bílar leigð-
ir til nokkurra vikna á Íslandi á
sumrin nálgast verð fljótt það
sem þekkist á notuðum bílum.
Þannig kostar leiga í þrjár vikur
á nýlegu eintaki af Opel Corsa
hjá ALP-Avis 292.600 krónur en
hægt er að kaupa Opel Corsa,
árgerð 2001 og ekinn 215 þúsund
kílómetra, á 320 þúsund hjá bíla-
sala. Svipaða sögu er að segja um
bíla hjá hinum bílaleigunum.
Af stóru bílaleigunum þrem-
ur, ALP-Avis, Hertz og Bílaleigu
Akureyrar, virðist sem bílarn-
ir séu ódýrastir hjá ALP-Avis
en ekki munar miklu. Þó ber að
hafa í huga að samanburður milli
bílaleiga er erfiður þar sem þær
bjóða í fæstum tilvikum upp á
sömu bílana auk þess sem samn-
ingsskilmálar kunna að vera
ólíkir. magnusl@frettabladid.is
Útgjöldin
> Kílóverð á tómötum í maí
„Ólífuolía er ótrúleg.
Ef það ískrar í gömlum
hurðarhjörum þá hellir
maður bara slurki af olíu
á þær og þær verða eins
og nýjar. Ef barn, eða
maður sjálfur, er með
eyrnaverk, þá er um að
gera að dýfa hreinni tusku eða bóm-
ullarhnoðra ofan í ólífuolíu og bleyta
vel í, bera það í eyrað og þá getur hún
læknað verkinn og mýkt eyrað upp.
Svo er ólífuolía auðvitað góð í hvers
kyns mat. Með salti og límónu er hún
til dæmis ómissandi út á salatið.“
GÓÐ HÚSRÁÐ
ALLT HÆGT MEÐ OLÍU
■ Völu Höskuldsdóttur, listnema og
húsfreyju á Borgarfirði eystri, finnst
ólífuolía ómissandi á heimilið.
29
3
kr
.
2002 2004 2006 2008 2010
20
3
kr
.
19
5
kr
.
29
8
kr
.
51
5
kr
.
Heimild: Hagstofa Íslands
Dýrt að leigja bíl á Íslandi yfir
hásumarið en ódýrt á veturna
BÍLAR TIL LEIGU Ferðamenn eru uppspretta milli 80 og 95 prósenta af tekjum
bílaleiganna. FRÉTTABLAÐIÐ/STEFÁN
Öryggishjálmar hér á landi þurfa að
vera CE-merktir og leiðbeiningar um
notkun eiga að fylgja með á íslensku
til þess að uppfylla tilskipun EES um
persónuhlífar til einkanota. Eru þetta
kröfur um öryggi og markaðssetn-
ingu. Neytendastofa tekur nú þátt í
verkefni um öryggi hjálma á vegum
PROSAFE, samstarfsnets evrópskra
stjórnvalda á sviði vöruöryggis. Verk-
efnið nær yfir skíða-, reiðhjóla- og
reiðhjálma en Neytendastofa hefur
markaðseftirlit með hjálmum sem
seldir eru neytendum til einkanota.
■ Öryggishjálmar
CE-merki nauðsynlegt
til að teljast öruggir
Við erum hér alla virka daga frá 9.00-16.00. Einnig getur þú hringt eða sent
okkur tölvupóst og við finnum hentugan tíma handa þér.
Okkur er ávallt sönn ánægja að taka vel á móti þér.
Með bestu kveðju,
starfsfólk Byrs.
byr@byr.is
VIÐ ERUM HÉR FYRIR ÞIG
BYR | Sími 575 4000 | www.byr.is
Við erum 200 starfsmanna liðsheild sem kappkostar að veita einstaklingum,
fjölskyldum og fyrirtækjum persónulega þjónustu og faglega ráðgjöf.
D
Y
N
A
M
O
R
E
Y
K
JA
V
ÍK
Svan Gunnar Guðlaugsson, útibússtjóri í Borgartúni.
Bílaleiga Tegund Verð í krónum
Avis-Ísland Opel Corsa 103.796
Hertz-Ísland Toyota Yaris 115.200
Bílaleiga Akureyrar (Europcar) Volkswagen Polo 128.000
Route1.is Toyota Yaris 105.800
Avis-Danmörk Volkswagen Fox 66.360
Hertz-Danmörk Ford Fiesta 52.126
Europcas-Danmörk Ford Focus 48.593
Ódýrasta tegund til leigu sem er í boði
Vikuleiga frá 20. til 27. júlí
„Bestu kaupin mín voru flugfarseðill aðra
leið til Ísafjarðar fyrir hartnær níu árum,“
segir Pétur Georg Markan, knattspyrnu-
maður í Fjölni, formaður Hallveigar,
félags ungra jafnaðarmanna í Reykjavík,
varaþingmaður Samfylkingarinnar og
guðfræðinemi við Háskóla Íslands. Hann
og félagar hans í Fjölni standa í ströngu
í fyrstu deildinni og sigruðu Leikni í
Reykjavík á þriðjudagskvöld.
Pétur hefur einnig spilað
fyrir Val og Boltafélag
Ísafjarðar. En hvers vegna
var flugmiðinn svona
góð kaup? „Ísafjörður er eins konar
Pól stjarna í mínu lífi, þar finn ég
ávallt rétta stefnu.“
Pétur segir hins vegar að verstu
kaup lífs hans sé allur sá tími sem
hann hafi keypt sér til að fresta
ókláruðum verkefnum. „Að fresta
hlutum er eins og sæðið sem beið
alltaf með að frjóvga eggið svo það gæti
lifað lengur. Klára verkefnin, frjóvga
eggið og byrja að lifa lífinu,
það er nýja mottóið,“ segir
Pétur.
NEYTANDINN: Pétur Markan, knattspyrnumaður og formaður Hallveigar
Flugmiði til Ísafjarðar bestu kaupin
Samræma ætti kröfur um skil á
tómum flöskum og dósum alls staðar
á Norðurlöndunum, samkvæmt
Ann-Kristine Johansson,
formanni umhverfis- og
auðlindadeildar Norður-
landaráðs. Rúmur milljarð-
ur áldósa frá öðrum nor-
rænum löndum liggur á
víðavangi á Norður-
löndunum sökum
þess að enginn
sameiginlegur stuðull
er til fyrir innheimtu
skilagjalda. Ann-Krist-
ine Johansson telur að
sameiginlegar kröfur
væri lausn á málinu.
Tvíhliða samningar á
milli Norðurlandanna
hafa verið lagðir til, en
slíkur samningur er
til staðar á milli Dan-
merkur og Þýskalands.
■ Skil á drykkjarumbúðum
Vilja sameina kröfur
á Norðurlöndum