Fréttablaðið - 15.07.2010, Blaðsíða 56

40 15. júlí 2010 FIMMTUDAGUR
G O L F Í d a g h efs t h ið
stórskemmtilega Opna breska
meistaramót í golfi. Það fer að
þessu sinni fram á St. Andrews-
vellinum sem er einn frægasti
golfvöllur heims. Tiger Woods
kann afar vel við sig á þessum
velli enda hefur hann unnið þar í
tvígang með stæl.
Hann mætir þó til leiks með
annan pútter en hann vann mótið
með í síðustu tvö skiptin. Tiger
hefur spilað með þeim pútter í
11 ár og unnið 13 risamót með
pútternum.
„Ég hef verið í vandræðum
með að pútta á hægum flötum og
ákvað því að gera þessa breytingu.
Hún hefur gengið ágætlega,“
sagði Tiger um þessa áhugaverðu
breytingu. Breskir fjölmiðlar hafa
reynt að þjarma að honum vegna
einkalífsins en Tiger hefur ekkert
viljað tala um það.
Mættur til þess að spila golf en
ekki tala um einkalífið
„Ég er ekki kominn til þess að
ræða mitt einkalíf. Ég er mættur
til þess að spila á gamla vellinum
á St. Andrews, heimavelli golfsins.
Það verður ekki betra og ég þrái
ekkert meira en að vinna þetta
mót. Að vinna á þessum velli er
einn af hápunktum míns ferils. Að
vera hluti af frábærri sögu þessa
vallar er góð tilfinning.“
St. Andrews-völlurinn er bæði
frægur og umdeildur. Sumir kalla
hann meistaraverk, aðrir eru
á því að bilaðir menn hafi búið
hann til og hreinlega hata völlinn.
Tiger Woods segir að þetta sé sinn
uppáhaldsvöllur og Phil Mickelson
vill halda Opna breska á þessum
velli á hverju ári. Lee Westwood
segir aftur á móti að hann sé
ekki á meðal 100 bestu vallanna í
Bretlandi.
Það er búið að spila golf á þessu
landsvæði síðan á 12. öld en af
alvöru frá 1552. Upprunalega var
völlurinn 22 holur en árið 1764
var búið að breyta honum í 18 holu
völl.
„Þetta er æðislegur golfvöllur.
Það þurfti algjöran snilling til þess
að hanna þennan frábæra völl,“
sagði Tiger Woods sem eðlilega
kann vel við völlinn.
„Þetta er andlegur staður og
yndislegur völlur. Maður verður
tilfinninganæmur er maður mætir
út á þennan völl því maður veit að
á þessum velli byrjaði golfið. Jack
Nicklaus sagði að maður yrði aldrei
sáttur við ferilinn fyrr en maður
væri búinn að vinna hérna. Ég held
að allir kylfingar séu sammála
því,“ sagði Phil Mickelson.
Þeir sem gagnrýna völlinn hvað
harðast benda á að Gamla konan,
eins og völlurinn er gjarnan
kallaður, treysti of mikið á vindinn
til þess að vernda orðspor vallarins.
Þarna er yfirleitt vindasamt og því
þurfa kylfingar stöðugt að breyta
um taktík á vellinum. Jafnvel oft
á hverjum hring. Svo má reyndar
ekki gleyma því að á vellinum eru
112 djúpar sandgryfjur.
„Það er afar snúið að spila
þarna. Ef það er logn þá gæti
maður líklega spilað á 65 höggum.
En ef það er vindur eins og oftast
þá gæti efsti maður verið að spila á
80 höggum. Það er ótrúlegt hverju
vindurinn getur breytt,“ sagði
Tiger.
„Maður þarf líka að taka mörg
mjög löng pútt á þessum velli.
Það er ekkert alltaf auðvelt að ná
tvípútti. Það er hægt að komast
inn á 18 flatir en samt koma út á
lélegu skori. Það er snilldin við
það hvernig þessi golfvöllur er
hannaður. Hann stendur tímans
tönn. Kylfingar slá lengra,
búnaðurinn verður sífellt betri
en völlurinn verður alltaf jafn
erfiður,“ bætti Tiger Woods við.
Mótið er sýnt beint á Skjá einum
í opinni dagskrá. Nánari umfjöllun
um mótið má finna á golfsíðu
Fréttablaðsins sem er á næstu
opnu. henry@frettabladid.is
Tiger stefnir á sögulegan sigur
Tiger Woods getur um helgina orðið fyrsti maðurinn í sögunni til þess að vinna Opna breska
meistaramótið í golfi í þrígang á hinum heimsfræga St. Andrews-velli. Tiger hefur unnið í bæði skiptin
sem hann hefur keppt þar. Öll umræða um mótið er í kringum Tiger sem mætir til leiks með nýjan pútter.
© GRAPHIC NEWS
Magnaður Tiger
Woods vann ótrúlegan átta högga
sigur og fór alla fjóra hringina á
undir 70 höggum. Hann er aðeins
þriðji meistarinn sem nær þeim
árangri.
2001
David Duval USA
274 (-10)
Royal Lytham & St. Annes
2002
Ernie Els S-Afríka
278 (-6) Eftir umspil
Muirfield
2003
Ben Curtis USA
283 (-1)
Royal St. Georges
2004
Todd Hamilton USA
274 (-10) Eftir umspil
Royal Troon
2005
Tiger Woods USA
274 (-14)
St. Andrews
2006
Tiger Woods USA
270 (-18)
Royal Liverpool
2007
Padraig Harrington ÍRL
277 (-7) Eftir umspil
Carnoustie
2008
Padraig Harrington ÍRL
283 (+3)
Royal Birkdale
2009
Stewart Cink USA
278 (-2) Eftir umspil
Turnberry
2010
Woods snýr aftur á St. Andrews
Woods hefur unnið í bæði skiptin sem hann hefur
keppt á St. Andrews. Með sigri um helgina verður
hann fyrsti kylfingurinn sem nær þrennu á
„heimavelli golfsins“.
Tvöfaldir sigurvegarar á St. Andrews
Tiger Woods USA 2000 2005
Jack Nicklaus USA 1970 1978
James Braid SKO 1905 1910
John H. Taylor ENG 1895 1900
Bob Martin SKO 1876 1885
Heimildir: Opna breska meistaramótið Myndir: Getty Images
2000
Tiger Woods USA
269 (-19)
St. Andrews
Flottur Duval
Frábær lokahringur á fjórum undir
pari ásamt hringjum upp á 69
og 65 tryggðu Duval sigur á 130.
Opna breska mótinu.
Alvöru umspil
Els, Levet, Elkington og Appleby
fóru fyrstir allra í fjögurra manna
umspil. Els tryggði sér sigur með
frábæru pútti.
Vann í fyrstu tilraun
Curtis vann eftir baráttu við
Woods, Singh og Björn. Þetta var
í fyrsta sinn sem kylfingur vinnur
mótið í fyrstu tilraun síðan Tom
Watson gerði það 1975.
Óvæntur sigurvegari
Hamilton fór í lokahollið með
Ernie Els og hafði betur eftir
æsispennandi hring. Sigurinn var
innsiglaður með stuttu pútti.
Sögulegt mót
Tiger í sínu allra besta formi
og leiðir frá upphafi til enda.
Frammistaða hans skyggði á þá
staðreynd að Jack Nicklaus tók þátt
í síðasta skipti á Opna breska.
Þrefaldur Tiger
Tiger náði forystunni á öðrum
hring. Hélt Els, DiMarco og Furyk
fyrir aftan sig og vann í þriðja
skipti á Opna breska – hans ellefti
risatitill.
Mót Evrópumannanna
Harrington átti eitt högg á Garcia
fyrir lokaholuna. Klúðraði holunni
og endaði á sex höggum. Kom til
baka í umspilinu og vann.
Tvöfaldur Íri
Harrington verður sextándi
kylfingurinn sem nær þeim
árangri að vinna tvö ár í röð á
Opna breska. Vann með fjórum
höggum og fékk örn á 17.
Óvæntur sigur hjá Cink
Cink vinnur sitt fyrsta risamót
eftir umspil við gömlu kempuna
Tom Watson sem missti pútt á
18. holu. Watson var bensínlaus
í umspilinu.
Skorkort Tigers
Hringur 1 2 3 4 Samtals
2005 66 67 71 70 274 (-14)
2000 67 66 67 69 269 (-19)
Síðustu tíu meistarar á Opna breska meistaramótinu
GOLF Englendingurinn Justin
Rose mun spila í áhugaverðasta
hollinu á Opna breska meistara-
mótinu í dag en hann spilar
með þeim Tiger Woods og
Kólumbíumanninum Camilo
Villegas.
Rose hefur tröllatrú á breskum
og írskum golfurum sem hann
segir það góða að þeir gætu keppt
í Ryder-bikarnum án aðstoðar
annarra Evrópumanna.
Alls eru átta breskir og
írskir kylfingar á topp 20 á
heimslistanum.
„Við munum veita Bandaríkja-
mönnunum keppni. Við höfum
alltaf átt einn eða tvo frábæra
kylfinga en nú eru þeir
miklu fleiri,“ sagði Rose en
Bandaríkjamenn hafa oftar en
ekki verið sigursælir á Opna
breska meistaramótinu.
„Ég býst við okkur á meðal
efstu manna og að minnsta kosti
einum okkar alveg við toppinn.“
- hbg
Englendingurinn Justin Rose:
Hefur trú á
heimamönnum
ROK Rose er hér við æfingar í erfiðu
veðri á St. Andrews.
NORDIC PHOTOS/GETTY IMAGES
HANDBOLTI Dagur Sigurðsson er
hættur sem landsliðsþjálfari
austurríska landsliðsins og mun
nú einbeita sér að fullu að þjálfa
þýska liðið Füchse Berlin. Dagur
tók við landsliðinu í febrúar 2008
og undir hans stjórn náði Austur-
ríki sínum besta árangri frá upp-
hafi þegar liðið endaði í 9. sæti á
EM 2010.
„Þetta var ekki erfið ákvörðun
því hún var eiginlega óumflýjan-
leg. Þetta var ekkert drama. Ég
kannaði hvort að það væri ein-
hver grundvöllur fyrir samstarfi
og var ágætis vilji fyrir því. Þegar
upp var staðið þá náðum við ekki
saman og því fór sem fór,“ sagði
Dagur Sigurðsson en hann hefur
verið í viðræðum síðan í apríl.
„Þetta er búið að vera mjög
gaman og ég geng stoltur frá
þessu. Þeir eiga alla möguleika til
þess að halda sér á floti. Þeir eru
að fara inn í skemmtilegan riðil í
undankeppni EM og svo inn á HM.
Þeir ættu að geta fengið góðan
mann til að taka við,“ segir Dagur
en hann hefur ekki hugmynd um
hver tekur við af honum.
„Ég sá fyrir mér að ég gæti
hreyft svolítið við þessu og það
hefur alveg tekist. Svo er bara
stöngin inn og stöngin út hvort það
verði alvöru árangur eða ekki. Við
vorum heppnir með það á Evrópu-
mótinu að það datt með okkur,“
segir Dagur en auk frábærs árang-
urs á EM þá skilaði hann liðinu inn
á HM í Svíþjóð en þetta er fyrsta
heimsmeistarakeppni austurríska
landsliðsins síðan 1993.
„Það er mjög gaman að því að
hafa skilað liðinu inn á HM. Það
hefðu flestir búist við því að ég
myndi hætta strax en ég hafði
mjög gaman af því að taka að mér
þetta aukaverkefni og hjálpa þeim
svo að þeir þyrftu ekki að ráða
mann strax undir pressu. Það var
líka gott fyrir liðið að það væru
engar hræringar fyrir þá leiki.
Nú hafa þeir fínan tíma til að finna
góðan mann,“ segir Dagur. Austur-
ríki mætir Íslandi bæði á HM og í
næstu undankeppni EM en það eru
þó ekki Íslandsleikirnir sem hann
sér mest eftir að missa af.
„Sárasti parturinn af þessu er að
missa af því að spila á móti Japan.
Ég hefði haft rosalega gaman af
því þar sem gamli þjálfarinn minn
í Japan er orðinn landsliðsþjálfari
Japana og kom þeim inn á HM.
Það hefði verið virkilega gaman
fyrir mig persónulega að mæta
þeim. Það er það sárasta því ég er
búinn með Íslandspakkann,“ segir
Dagur. Hann segist alveg geta
hugsað sér að verða aftur lands-
liðsþjálfari en nú hafi hann nóg að
gera við að undirbúa Füchse Berl-
in fyrir komandi tímabil. - óój
Dagur Sigurðsson hættur með austurríska landsliðið í handbolta eftir farsælt tveggja og hálfs árs starf:
Sárast að missa af Japansleiknum á HM
DAGUR SIGURÐSSON Austurríki vann
Þýskaland, Slóveníu, Úkraínu, Rússland
og Serbíu undir hans stjórn. MYND/DIENER
GOLF Opnunaratriði Opna breska
meistaramótsins var aflýst vegna
aftakaveðurs í gær. Þá áttu
fyrrverandi meistarar að keppa í
fjögurra holu móti.
Það var bæði rok og rigning
í Skotlandi í gær eða hreinlega
skítaveður eins og það kallast á
íslensku. Skipuleggjendur sáu því
ekki fram á að geta haldið mót
meistaranna með neinni reisn.
Þrátt fyrir leiðindaveðrið í
gær fóru keppendur aðalmótsins
út á völl í gær og æfðu sig. Það
gekk misvel hjá mönnum enda
aðstæður nánast glórulausar.
Engu að síður er stefnt að
því að spila í dag þó svo spáð
sé áframhaldandi roki og
rigningu en það á að rigna alla
keppnisdagana.
Þetta gæti því orðið skrautlegt
og afar áhugavert mót. - hbg
Veðrið setur strik í reikninginn:
Skítaveður í
Skotlandi
VANDRÆÐI Daninn Thomas Björn gat
vart haldið á regnhlífinni sinni í gær.
NORDIC PHOTOS/GETTY IMAGES