Fréttablaðið - 26.08.2010, Side 47

FIMMTUDAGUR 26. ágúst 2010 31
Borgarleikhúsið tilkynnti
í gær að útvarpsþátturinn
Orð skulu standa yrði á litla
sviði leikhússins, einu sinni
í viku frá 21. september.
Höfundur þáttanna segir
fyrirmyndina vera fengna
frá Ameríku.
„Hugmyndin kviknaði bara um
leið og við fengum þessi skilaboð
frá RÚV að þátturinn yrði ekki á
dagskrá,“ segir Karl Th. Birgis-
son, stjórnandi útvarpsþáttarins
og nú leikhúsþáttarins Orð skulu
standa þar sem allir krókar og
kimar íslensks máls eru skoðaðir.
Það vakti mikla athygli þegar yfir-
stjórn Ríkisútvarpsins ákvað að
skera niður þáttinn sem notið hafði
mikilla vinsælda.
Aðdáendur þáttanna geta hins
vegar tekið gleði sína að nýju því
þátturinn verður á „dagskrá“ Borg-
arleikhússins einu sinni í viku á
litla sviðinu frá 21. september. Karl
segir að þau muni nýta allt það sem
leikhúsið hafi upp á að bjóða en
listrænn stjórnandi þáttarins verð-
ur Hilmir Snær Guðnason. Lifandi
tónlist verður í boði undir stjórn
Pálma Sigurhjartarsonar auk þess
sem áhorfendum gefst kostur á að
taka þátt, eins og þeir hafa vilja og
áhuga til, að sögn Karls.
Ekki er vitað til þess að þetta hafi
áður verið gert á Íslandi. En Karl
fer ekki leynt með hvaðan hug-
myndin er komin. Einhverjir kunna
nefnilega að muna eftir myndinni
A Prarie Home Companion eftir
Robert Altman sem sýnd var á kvik-
myndahátíð hér á landi fyrir all-
nokkrum árum. Sú mynd byggði á
samnefndum útvarpsþætti Garris-
ons Keilor sem hefur verið á öldum
ljósvakans síðan 1974. „Mér er ljúft
að viðurkenna að ég hafi leitað í
smiðju Keilors. Hann er mikill snill-
ingur og þaðan kemur hugmyndin.
Þetta var helgistund á mínu heim-
ili í Ameríku þegar sá þáttur var á
dagskrá,“ segir Karl en mörgum
er enn í fersku minni þegar Keil-
or setti upp útvarpsþáttinn í Þjóð-
leikhúsinu í tilefni af frumsýningu
myndarinnar.
Karli til halds og traust á litla
sviði Borgarleikhússins verða, eins
og undanfarin ár, Davíð Þór Jóns-
son og Hlín Agnarsdóttir. „Hlín
þarf reyndar að bregða sér frá á
einhverju tímabili og þá mun Sól-
veig Arnarsdóttir setjast í henn-
ar stól.“ Karl vildi ekki gefa upp
hverjir yrðu fyrstu gestir þáttarins,
þeir myndu þó allir eiga það sam-
eiginlegt að hafa eitthvað fram að
færa. „Fólkið mun ekki bara sitja og
svara einhverjum spurningum um
íslenskt mál heldur fær að láta ljós
sitt skína.“ -freyrgigja@frettabladid.is
Orð fá að standa í leikhúsi
Í LEIKHÚSIÐ Orð skulu standa, útvarpsþátturinn vinsæli, verður á litla sviði Borgarleikhússins frá 21. september. Karl Th. Birgisson,
Davíð Þór og Hlín Agnarsdóttir verða við stjórnvölinn eins og endranær en listrænn stjórnandi er Hilmir Snær Guðnason.
Söfn sem varðveita dýrmæt lista-
verk eru ekki nægjanlega vel
undir það búin að óprúttnir lista-
verkaþjófar láti til skarar skríða.
Þetta segir Charles Hill, fyrrver-
andi rannsóknarlögreglumaður hjá
Metropolitan-listaverkalögregl-
unni, í viðtali við BBC. Nýverið var
verðmætu listaverki Vincents van
Gogh að verðmæti fimmtíu millj-
ónir punda stolið úr safni í Kaíró.
Menningarmálaráðherra Egypta-
lands er talinn vera flæktur í málið
en Hill telur að söfn sýni kæruleysi
þegar kemur að vörnum gagnvart
þjófum.
Hill bendir á að ránið í Kaíró sé
ekkert einsdæmi. Þegar þjófar létu
greipar sópa í nútímalistasafni Par-
ísar hafði öryggiskerfið ekki verið
virkt svo vikum skipti. Samkvæmt
fyrstu rannsóknum í Kaíró bendir
allt til þess að aðeins 7 af 43 örygg-
ismyndavélum hafi sinnt hlutverki
sínu. „Þetta er alltaf sama sagan,
stjórnendur listasafna virðast hafa
takmarkaðan áhuga á því að vernda
listaverkin og það er fremur auð-
velt fyrir þjófa að nálgast upplýs-
ingar um brotalamir á öryggiskerf-
um,“ sagði Hill við BBC Radio 4.
Hill telur jafnframt ólíklegt að
málverkinu hafi verið stolið fyrir
safnara en þetta er ekki í fyrsta
skipti sem því er rænt. Árið 1978
var því stolið frá þessu sama safni
og fannst ekki fyrr en áratug
seinna í Kúveit. - fgg
Auðveld bráð þjófa
LÍTIL ÖRYGGISGÆSLA Svo virðist sem
listaverkaþjófar eigi greiðan aðgang að
öryggiskerfum listasafna.
Áhugaleikhús atvinnumanna sýnir
áttunda örverkið af tólf um áráttur,
kenndir og kenjar í dag kl. 12.30 í
Útgerð Hugmyndahúss háskól-
anna.
Verkið, sem heitir Örverk um
ágúst eins og hann leggur sig, verð-
ur sýnt í beinni útsendingu á Net-
inu á síðunni Herbergi408.is en þar
er jafnframt hægt að skoða fyrri
verk úr örverkaröðinni. Örverk-
in 12 taka á áráttum, kenndum og
kenjum sem hafa áhrif á mannlega
tilvist í Reykjavík og eru kennd
við þann mánuð sem þau eru flutt
í. Viðfang verkanna ræðst af því
sem hrærist í samtímanum og
hefur áhrif á líf okkar.
Leikstjóri er Steinunn Knúts-
dóttir og leikarar eru Aðalbjörg
Árnadóttir, Árni Pétur Guðjóns-
son, Hannes Óli Ágústsson, Orri
Huginn Ágústsson og Sveinn Ólaf-
ur Gunnarsson.
Áttunda örverkið
60
Þú færð Fréttablaðið á kostnaðarverði
á 90 stöðum um land allt.
Nánari upplýsingar á
visir.is/dreifing