Fréttablaðið - 03.09.2010, Page 50

30 3. september 2010 FÖSTUDAGUR
menning@frettabladid.is
> Ekki missa af ...
Duttlungum, málverkasýn-
ingu, Þrándar Þórarinsson-
ar á Laugavegi 26 (áður
Skífan) lýkur á sunnudag.
Duttlungar eru fjórða
einkasýning Þrándar og
samanstendur af olíu-
málverkum sem eru óður
til Reykjavíkur og sýna
borgina eins og Þrándur
vildi hafa hana.
„Þetta er sagan mín og ég legg
öll spilin á borðið,“ segir Kristján
Jóhannsson tenór um væntan-
lega ævisögu sína, Il grande ten-
ore. Þórunn Sigurðardóttir skráir
söguna og fer yfir feril söngvar-
ans, allt frá æskuárum hans á
Akureyri til dagsins í dag.
Í bókinni segir Kristján meðal
annars frá því, að hann ætlaði
sér aldrei að koma aftur til
Íslands eftir fjaðrafokið sem
varð út af umdeildum styrktar-
tónleikum í Hallgrímskirkju um
árið og frægu Kastljósviðtali í
kjölfarið.
„Það halda margir að þeir
þekki mig af því að ég hef verið
mikið í sviðsljósinu,” segir
Kristján. „En ímyndin sem
fjölmiðlar skapa er ekki allt.
Ég hef lifað viðburðaríku lífi,
upplifað glæsta sigra en líka
afar erfiða tíma. Þar sem ég
er bæði skapstór og ekki
orðvar maður kem ég mér
oft í vandræði. Það veldur
því kannski líka að þjóðin
vilji stundum misskilja mig.“
Þá ræðir Kristján líka um
veikindi eiginkonu sinnar,
sem ollu því að um tíma gat
hann ekki sungið.
Forlagið gefur út ævisögu
Kristjáns, sem kemur út í
byrjun nóvember.
Kristján leggur spilin á borðið
KRISTJÁN JÓHANNSSON
Leikhús ★★★
Nígeríusvindlið
16 elskendur
16 elskendur spruttu fram á svið-
ið í Kassanum þó þeir væru bara
tíu. Það var kannski fyrsta svindl-
ið. Þjóðleikhúsið hóf leikárið með
því að bjóða upp á blandaðan hóp
ungra áhugasamra leikara sem
sjálfir settu saman hraðnámskeið
í að græða á vitleysingum og beita
þá brögðum sem þegar eru þekkt
meðal svikahrappa.
Nígeríusvindlið gerir hópurinn
að sínu yrkisefni og heimfærir upp
á Ísland. Að leysa öll þau vandamál
sem nú hafa upp komið með svik-
um á svik ofan, er það sem þau sjá
fyrir sér.
Hópurinn bregður sér í ýmis
gervi og það er bongotrommustuð
þó þau veltist um á öskuhaugum
þriðja heimsins í plastpokahrúgum
sem mynda tvö fjöll á sviðinu.
Að fá fólk til þess að borga inn á
einhverja reikninga einhvers staðar
í von um fúlgur á móti er jú fyrir-
bæri sem allflestir hafa lent í. Slík-
ar fúlgur komu fljúgandi í Níger-
íusvindlinu, inn á reikninga hjá
útsmognum (eða sjálfbjarga) aðil-
um sem buðu vesalingum í hinni
heimsku Evrópu að ættleiða bónda-
garm sem orðið hafði hvað verst úti
í gosinu undir Eyjafjöllum.
Hugmyndirnar voru margar
hverjar brilljant og hlátrasköllin
létu ekki á sér standa. Þau unnu
verkið eins og dansverk og stund-
um með tækni kórsins. Margt var
smart unnið en eins og oft vill
verða þegar enginn einn er við
stjórnvölinn voru sum atriði hrein-
lega of matreidd oní mannskapinn
eins og þegar þau halda hvert sína
ræðuna á námskeiði sem áhorfend-
um var boðið á; í stað þess að gera
það kannski einu sinni eða tvisvar
gerðu þau það sex sinnum.
Frammistaða leikaranna var jöfn
þó svo að þau Hlynur Páll og Aðal-
björg Þóra hefðu leikið einna best
á salinn. Það verður athyglisvert að
sjá hverjum þau vefja inn í leikinn
síðar en á fyrstu sýningunni voru
það Stefán Jónsson leikstjóri og
Þórarinn Eldjárn skáld sem birtust
og urðu hluti af verkinu fyrir svo
utan að áherslupenninn Vilhjálm-
ur Bjarnason bregður upp miklum
mafíósahatti og vitnar í Stein Stein-
arr um draum sérhvers manns.
Þetta var á köflum mjög fyndið
og hugmyndin að gera eymd Afríku
og allra þriðjaheimsvesalinga að
okkar stórgróða er svo sem ekkert
ný. Draumurinn rætist; við verðum
fjármálaöskuhaugur. Hvað erum
við ekki búin að gera mikið grín að
vitlausum Ameríkönum sem ætt-
leiða hvali? María þýska Volfendorf
eða hvað hún nú hét sem ættleiddi
íslenskan bónda var líklega sú sem
kitlaði hláturtaugar áhorfenda hvað
mest.
Þetta var ágætt en hefði mátt
vinna betur og með aðeins meiri
auðmýkt gagnvart efninu. Öskur
og gassagangur verður því miður
oft bara öskur og gassagangur.
Elísabet Brekkan
Niðurstaða: Hugmyndaríkt verk og
á köflum bráðfyndið en hefði mátt
vinna betur.
Fjármálaöskuhaugar
Danshátíðin Reykjavík
Dance Festival hófst á mið-
vikudag og stendur fram
á sunnudag. Hátíðin er sú
umfangsmesta til þessa og
stefnir í að aðsóknarmet frá
því í fyrra verði slegið.
Þetta er í sjöunda sinn sem
Reykjavík Dance Festival er hald-
in. Lovísa Ósk Gunnarsdóttir, sem
situr í stjórn hátíðarinnar, segir
hana einkennast af meiri breidd í
ár en oft áður.
Hátíðin byrjaði af krafti á mið-
vikudagskvöld. Krökkt var út úr
dyrum á opnunarkvöldinu.
„Hátíðin hefur farið stækk-
andi frá ári til árs og miðað við
mætinguna á opnunarkvöld sýn-
ist mér allt stefna í að aðsóknar-
metið frá því í fyrra verði slegið,“
segir Lovísa.
Mest allt í sjálfboðavinnu
Vöxtur Reykjavík Dance Festival
er eitt dæmi um hvernig vegur
danslista hefur vaxið hér á landi
á liðnum árum, sem Lovísa þakk-
ar tilkomu Listaháskóla Íslands.
„Það útskrifast sífellt fleiri
danslistamenn og hópurinn
stækkar smám saman og þéttist.
Það er mikil samstaða innan stétt-
arinnar og mikil gróska og sköp-
unarkraftur, öðruvísi væri ekki
hægt að halda þessa hátíð.“
Stjórn Reykjavík Dance Festi-
val hefur úr litlu fé að moða og
hátíðin er að stóru leyti skipulögð
í sjálfboðavinnu.
„Við fáum styrki frá borginni
og menntamálaráðuneytinu sem
hrökkva fyrir hluta af yfirbygg-
ingunni. Annað er gert í sjálf-
boðavinnu. Þetta er mikið álag
en helgast af því að hátíðin hefur
sprungið út, sem er auðvitað
jákvætt.“
Vaxandi orðstír
Eitt af meginmarkmiðum hátíðar-
innar er að stækka markaðssvæði
íslenskra dansverka. Undanfar-
in þrjú ár hafa skipuleggjend-
ur varið hluta af því fé sem er til
umráða í að bjóða skipuleggjend-
um erlendra hátíða á Reykjavík
Dance Festival.
„Orðstír okkar er augljóslega
að aukast,“ segir Lovísa. „Fyrsta
árið þurfti nánast að draga erlenda
skipuleggjendur hingað. Í fyrra
komu aðeins fleiri og í ár tökum
við eftir að auk skipuleggjendanna
sem við bjóðum mæta fleiri á eigin
vegum. Það eru allmörg dæmi um
verk sem hafa verið sýnd á hátíð-
inni sem hafa verið keypt á aðrar
hátíðir erlendis og ferðast um alla
Evrópu..“
Sýningar hátíðarinnar fara fram
á þremur stöðum: Hafnarhúsinu,
Norðurpólnum á Seltjarnarnesi og
Brimhúsinu en boðið verður upp á
strætóferðir frá Hafnarhúsi út á
Seltjarnarnes og til baka.
bergsteinn@frettabladid.is
REYKJAVÍK DANCE FESTIVAL
SPRENGIR AF SÉR BÖNDIN
Á hátíðinni verða frumsýnd ný sviðsverk, auk vídeóverka og dansgjörninga.
Höfundar verkanna í ár eru: Erna Ómarsdóttir og Valdimar Jóhannsson,
Margrét Sara Guðjónsdóttir, Ólöf Ingólfsdóttir, Steinunn Ketilsdóttir, Isabelle
Schad og Laurent Goldring (Þýskaland/Frakkland) Saga Sigurðardóttir og
Anat Eisenberg (Ísrael), Dansfélagið Krummi, Valgerður Rúnarsdóttir, Hrafn-
hildur Einarsdóttir og Muscle And Hate Crew (Svíþjóð).
Nánari upplýsingar um dagskrána má finna á dancefestival.is.
LISTAMENN Á REYKJAVÍK DANCE FESTIVAL
LOVÍSA ÓSK Sífellt fleiri skipuleggjendur erlendra danshátíða mæta á Reykjavík
Dance Festival til að kynna sér íslenska danslist. FRÉTTABLAÐIÐ/STEFÁN
Hristu þig í haustgírinn
með 5 á Richter og Lísu
föstudags- og laugardagskvöld
Leiftur frá liðinni tíð
Klukkan 10 til 16
Í kúlunni í Ásmundarsafni
stendur nú yfir innsetning Ráð-
hildar Ingadóttur sem nefnist
Svefnljós.
Ásmundarsafn er opið daglega
í september frá kl. 10-16.
Á sunnudag mun Ráðhildur
ræða verk sitt.