Fréttablaðið - 11.09.2010, Síða 44

11. september 2010 LAUGARDAGUR4
„Þessi hugmynd vaknaði fyrst
fyrir þrjátíu árum þegar ég fór
að leiði systur minnar sem er úti
á landi. Þá hugsaði ég um hvað það
væri gott ef einhver tæki að sér
að sjá um leiðið,“ segir Margrét
Rafnsdóttir, sem nýlega stofnaði
fyrirtækið Blóm á leiði sem sér
um að sinna leiðum í kirkjugörð-
um fyrir fólk á höfuðborgarsvæð-
inu.
Margrét er garðyrkjufræðingur
af blómaskreytingabraut en missti
vinnuna í kjölfar kreppunnar eins
og svo margir. Í stað þess að sýta
það ákvað hún að fara á námskeið
hjá Impru í nýsköpun og stofn-
un fyrirtækis. „Þá poppaði þessi
gamla hugmynd aftur upp kollin-
um á réttu augnabliki.“
Margrét segir mikla þörf fyrir
þessa þjónustu. „Það er misjafnt
hversu vel fólk á heimangengt auk
þess sem fólk er í mismunandi lík-
amlegu ástandi til að sinna garð-
verkum,“ segir Margrét og bætir
við að einnig þyki fólki sem búi
erlendis gott að vita af einhverjum
sem sinnir leiðum ástvina þeirra.
Margrét er með þjónustu allan
ársins hring og plantar þannig
blómum að vori, skiptir þeim út
að hausti og sér svo um að skreyta
leiðið í kringum jólin. Hún segir
einmitt rétta tímann núna að
skipta út sumarblómum fyrir
önnur sem standa lengur inn í
haustið.
En að hverju þarf almennt að
huga í viðhaldi á leiðum? „Yfir-
leitt líður ár frá jarðsetningu
þar til er tyrft því jarðvegurinn
þarf að síga en kirkjugarðurinn
sér yfirleitt um að tyrfa. Velja
þarf blómin miðað við staðsetn-
ingu kirkjugarðsins því blóm þrí-
fast misjafnlega vel í mismunandi
jarðvegi,“ útskýrir Margrét. Hún
nefnir að góð sumarblóm séu til
dæmis stjúpur, morgunfrúr, fjól-
ur, hádegisblóm og sólboði. Þau
blóm sem standi bæði að sumri og
fram á haust séu til dæmis silfur-
kambur, skrautnálar, skrautkál og
síprus. Að hausti má síðan skipta
út sumarblómunum fyrir til að
mynda erikur og calluna. „Á vet-
urna tengist starfið meira jólum.
Þá set ég upp skreytingar eða
kransa í byrjun desember.“
Margrét útbýr mismunandi
pakka fyrir fólk sem það getur
valið úr. Þegar hún hefur sinnt
leiðinu sendir hún fólki mynd-
ir af því. Nánari upplýsingar má
nálgast á facebooksíðu Margrétar
undir Blóm á leiði.
solveig@frettabladid.is
Tími til að skipta um
blóm á leiðum ástvina
Margrét Rafnsdóttir garðyrkjufræðingur sinnir leiðum ástvina fólks sem af einhverjum sökum getur ekki
gert það sjálft. Hún plantar blómum að vori, skiptir um að hausti og útbýr kransa eða skreytingar um jól.
Margrét segir skrautkálið og silfurkambinn standa vel fram á haustið og hentar því vel á leiði. FRÉTTABLAÐIÐ/PJETUR
Haustblóm á borð við skrautkál og erikur
eru mikil prýði.
Málþingið Útivera og hreyfing
í skjóli grænna skóga verður
haldið á vegum Skógræktarfé-
lags Eyfirðinga í dag milli 13.30
og 17.
Umfjöllunarefni málþingins er
mikilvægi skóga í þéttbýli og er
viðfangsefnið nálgast með ýmsu
móti.
Fyrirlesarar eru Hrefna Jóhann-
esdóttir, sérfræðingur hjá Skóg-
rækt ríkisins, og er yfirskrift
hennar erindis „Skógar efla
lýðheilsu í þéttbýli“. Þá tekur
Eiríkur Björn Björgvinsson,
bæjarstjóri Akureyrar, til
máls og talar um skóginn út
frá tækifærum til fjölbreyttr-
ar útivistar. Magne Kvam
hreyfihönnunarstjóri fjall-
ar um fjallahjólabrautir og
aðstöðu til slíkrar útivist-
ar og Jakob Frímann Þorsteins-
son, aðjúnkt við HÍ, flytur erindi
sem kallast „Orðin og umhyggjan
– um hvað og af hverju?“ Að síð-
ustu flytur Anna Guðmundsdótt-
ir, aðstoðarskólastjóri Hrafnagils-
skóla, erindi um útikennslu í skógi
en þónokkur aukning hefur verið á
að grunnskólar bjóði upp á þenn-
an kost þar sem þess gefst kostur.
Málþingið fer fram í Kjarna, húsi
Náttúrulækningafélags
Akureyrar. - ve
Mikilvægi grænna
skóga í þéttbýli Hér er listi yfir þær fjárréttir sem verða haldnar í dag. Nánari upplýs-
ingar er að finna á www.bondi.is.
Árskógsrétt á Árskógsströnd, Eyf.
Fljótstungurétt í Hvítársíðu, Mýr.
Flókadalsrétt í Fljótum, Skag.
Gljúfurárrétt í Höfðahverfi, S.-Þing.
Hamarsrétt á Vatnsnesi, V.-Hún.
Holtsrétt í Fljótum, Skag.
Melarétt í Árneshreppi, Strand.
Reistarárrétt í Arnarneshreppi, Eyf.
Reykjaréttir á Skeiðum, Árn. .
Reynisrétt undir Akrafjalli, Borg.
Sauðárkróksrétt, Skagafirði .
Selárrétt á Skaga, Skag.
Skaftárrétt í Skaftárhr., V.-Skaft.
Skarðarétt í Gönguskörðum, Skag.
Stafnsrétt í Svartárdal, A.-Hún.
Tungnaréttir í Biskupstungum
Víðidalstungurétt í Víðidal, V.-Hún.
Þorvaldsdalsrétt í
Hörgárdal, Eyf.
Þórustaðarétt í
Hörgárdal, Eyf.
Þverárrétt í
Vesturhópi, V.-Hún.
Réttardagur í dag
FJÁRRÉTTIR ERU VÍÐA Í DAG OG
ERU SANNARLEGA GÓÐ SKEMMTUN
FYRIR ALLA FJÖLSKYLDUNA.
Nýttu tímann!
Vikan 13.-17. sept.
Mánudagur 13. september
Kynning á Kópavogsdeild - Kl. 11 -12
Útileikfimi - Léttar æfingar á færi allra. Komdu og hreyfðu þig! Kl.12-13
Endurlífgun - Stutt verklegt námskeið í endurlífgun. Kl.13-14
Consult for immigrants. Kl.14-15
Rauðakrosshúsið í Kópavogi
Geymið
auglýsinguna!
Rauðakrosshúsið Hamraborg 11 Sími: 554 6626 kopavogur@redcross.is raudikrossinn.is/kopavogur
Þriðjudagur 14. september
Handavinnustund - Komdu með föndrið þitt! Kl. 11 -13
Jákvæð hugsun - Erindi um jákvæða hugsun. Kl. 13 -14
Ljósmyndun - Leiðbeint verður í ljósmyndun. Kl.14-15
Ráðgjöf hjá atvinnufulltrúum Kópavogsbæjar. Kl. 11-14
Föstudagur 17. september
Hugmyndabanki - Hvernig viltu móta starf hússins? Kl. 11 -12
Föstudagsfyrirlestur - Næring og hollt mataræði. Kl.12-13
Bingó - Við endum föstudagana á bingó! Kl.14-15
Ráðgjöf hjá félagsráðgjafa Kópavogsbæjar. Kl. 11-14
Vikan 20.-24. sept.
Mánudagur 20. september
Hugmyndabanki - Hvernig viltu móta starf hússins? Kl. 11 -12
Útileikfimi - Léttar æfingar á færi allra. Komdu og hreyfðu þig! Kl.12-13
VR atvinnuleitandi - Veistu hvað þér stendur til boða? Kl.14-15
Consult for immigrants. Kl. 14-15
Þriðjudagur 21. september
Handavinnustund - Komdu með föndrið þitt! Kl. 11 -13
Ræktun kryddjurta - Námskeið í ræktun kryddjurta. Kl.13-14.30
Ráðgjöf hjá atvinnufulltrúum Kópavogsbæjar. Kl. 11-14
Föstudagur 24. september
Föstudagsfyrirlestur - Meiri hamingja með jákvæðri sálfræði. Kl. 12-13
Bingó - Við endum föstudagana á bingó! Kl.14-15
Ráðgjöf hjá félagsráðgjafa Kópavogsbæjar. Kl. 11-14
Opið hús frá kl. 11-15. Allir velkomnir! Heitt á könnunni.
Sími 568 9009
gaski@gaski.is
www.gaski.is
Gáski sjúkraþjálfun
fagnar nýjum sjúkraþjálfara
Gunnlaugi Briem
Gunnlaugur er kærkomin
viðbót við hóp
20 sjúkraþjálfara sem vinna
í Gáska Bolholti og Mjódd
Opið
mán - fös 10-18,
laugardaga 10-16 Mörkinni 6 - Sími 588 5518
ÚTSALA
Útsala, síðustu dagar.
ÚLPUR, KÁPUR, JAKKAR
50% afsl. og margt fleira.