Fréttablaðið - 11.09.2010, Síða 105

LAUGARDAGUR 11. september 2010 65
FÓTBOLTI Allra augu verða enn
eina ferðina á Wayne Rooney um
helgina. Að þessu sinni vegna
þess að Rooney er að snúa aftur til
uppeldisfélags síns, Everton.
Rooney hefur hingað til fengið
afar óblíðar móttökur er hann
hefur snúið aftur á Goodison Park
og fastlega er búist við því að
stuðningsmenn Everton muni níð-
ast enn frekar á honum um helgina
í ljósi kynlífshneykslisins sem upp
kom um síðustu helgi. Phil Jagi-
elka, leikmaður Everton og félagi
Rooney hjá landsliðinu, staðfesti
það. Þrátt fyrir það verður engin
aukaöryggisgæsla á leiknum.
Blaðamenn reyndu að spyrja
Sir Alex Ferguson, stjóra Man.
Utd, út í málefni Rooney í gær en
hann var fljótur að þagga niður í
þeim. Sagðist ekki ræða einkalíf
leikmanna sinna við blaðamenn.
David Moyes, stjóri Everton,
vildi heldur ekki ræða einkalíf
Rooneys. „Ef maður er fótbolta-
blaðamaður þá á maður ekki að
spyrja slíkra spurninga,“ sagði
Moyes á sínum blaðamannafundi
í gær.
Ferguson mun stýra Man. Utd
í 700. skiptið á ferlinum í dag og
hann segir alltaf erfitt að spila á
Goodison Park.
„Það er alltaf martröð að spila
þarna. Andrúmsloftið alltaf frá-
bært og þó svo það sé erfitt að
spila þarna hefur okkur oftar en
ekki gengið vel þar,“ sagði Fergu-
son en United tapaði samt illa
þar í fyrra. United hefur samt
aðeins tapað þrisvar á Goodison
Park undir stjórn Ferguson síðan
úrvalsdeildin var sett á laggirnar.
- hbg
Rooney snýr aftur til Everton:
Mun fá það
óþvegið
UNDIR PRESSU Rooney á erfiðar 90
mínútur í vændum gegn Everton.
NORDICPHOTOS/GETTY
Leikir helgarinnar
Laugardagur:
Everton - Man. Utd
Arsenal - Bolton
Fulham - Wolves
Man. City - Blackburn
Newcastle - Blackpool
WBA - Tottenham
West Ham - Chelsea
Wigan - Sunderland
Sunnudagur:
Birmingham - Liverpool
Mánudagur:
Stoke - Aston Villa
FÓTBOLTI Íslenska 21 árs landslið-
ið hafði heppnina með sér þegar
dregið var í umspilið um sæti í
úrslitakeppni Evrópumótsins
sem fram fer í Danmörku næsta
sumar. Íslenska liðið mætir
Skotum og slapp bæði við langt
ferðalag sem og að mæta hinum
geysisterku Hollendingum eða
Ítölum.
Íslenska liðið átti líka mögu-
leika á að mæta Svíþjóð, Rúmen-
íu eða Króatíu.
„Mér líst bara mjög vel á þetta
ef ég segi alveg eins og er því ég
held að Skotarnir henti okkur
ágætlega. Ég var að vonast til
þess að við slyppum við Hollend-
ingana og Ítalana og líka þessar
þjóðir frá Austur-Evrópu, Rúm-
eníu og Króatíu. Þetta er mjög
gott fyrir okkur og við eigum
mikla möguleika á því að komast
áfram,“ segir Bjarni Þór Viðars-
son, fyrirliði íslenska liðsins.
Margir þessara stráka mættu
Skotum í fjórum leikjum með 19
ára landsliðinu á árunum 2006
og 2007. Eldri strákarnir í lið-
inu voru með fyrra árið og þeir
yngri seinna árið. Íslenska 19 ára
liðið vann þá alla leikina. „Þetta
er samt allt annað núna og verð-
ur miklu erfiðara þó svo að við
eigum góða möguleika,“ segir
Bjarni Þór.
Bjarni Þór hefur ekki miklar
áhyggjur af því að Skotarnir fái
seinni leikinn á heimavelli
„Við verðum bara að ná því
að spila svipaðan leik og á móti
Þjóðverjunum og að sjálfsögðu
að vinna leikinn, hvort sem það
verður 1-0 eða 2-0. Við verðum
síðan að spila eins og menn úti,“
segir Bjarni Þór.
- óój
Dregið var í umspilið fyrir úrslitakeppni Evrópumóts 21 árs landsliða í gær:
Strákarnir ánægðir með að fá Skotana
STERKIR Á HEIMAVELLI Íslensku
strákarnir þurfa að ná góðum
úrslitum úr fyrri leiknum við Skota
sem fer fram á Íslandi. Hér fagna
þeir einu af fjórum mörkum
sínum gegn Þýskalandi.
Fylgstu vel með Fréttablaðinu og Bylgjunni. Þú getur unnið 3 ferðir með Icelandair.
HELGARGETRAUN FRÉTTABLAÐSINS OG BYLGJUNNAR
Skilaðu inn þínum svörum á visir.is fyrir miðnætti á mánudaginn!
TAKIÐ
EFTIR!
MUNDU: Leitin á visir.is vísar líka á efni í Fréttablaðinu.
1. Hvað heitir þingmaðurinn á Lögþingi í Færeyinga
sem neitaði að mæta til kvöldverðarboðs í Færeyjum
til heiðurs Jóhönnu Sigurðardóttur forsætisráðherra
og hvers vegna neitaði hann að mæta í boðið?
2. Hvað heitir skólastjóri Íþróttaskóla Latabæjar
á Íslandi og hvar er Íþróttaskólinn staðsettur?
3. Í vikunni var í frétt fjallað um ótta yfirmanns herafla
Bandaríkjanna og Nató í Afganistan um bókabrennu
í dag, 11. september, í Bandaríkjunum. Hvað heitir
yfirmaður herafla Bandaríkjanna og Nató í Afganistan?
4. Söngvari Dimmu ræddi um ábreiðulög í viðtali í
vikunni. Hvað heitir hann og við hvað vinnur hann?
5. Í vikunni komu upp deilur um verð á makríl og ásakanir
um að færeyskt skip hefði fengið hærra verð fyrir aflann
en íslensku skipin. Hvaða verð fá íslensku skipin fyrir
makrílinn?
Svörin við spurningunum er að finna í greinum og
fréttum Fréttablaðsins í vikunni. Dregið verður úr
innsendum lausnum í Reykjavík síðdegis í næstu viku
og vinningshafi fær tvær ferðir frá Icelandair. Hringt
verður í vinningshafann í beinni útsendingu og gefst
honum færi á því að svara aukaspurningu og vinna
þriðju ferðina með Icelandair!