Kylfingur - 01.01.1944, Blaðsíða 45

KYLFINGUR
43
en ekki varð það að almenningsnotum fyrr en 1942, að
náðist til Bandaríkjamanns af finnskum ættum, Robert
Waara að nafni, sem með leyfi herstjórnarinnar hefur notað
frítíma sína til þess að kenna hér, við mikla aðsókn, og fékk
jafnvel leyfi til að skreppa tvisvar til Isafjarðar og kenna
þar, og að vera á golfmótinu í Skagafirði í sumar. Hefur
hann reynzt kylfingum hinn þarfasti maður, enda vinsæll
vel. Þegar þetta er ritað, er hann farinn til U. S. A. í þriggja
mánaða herþjónustufrí, og tók með sér reykvískan golf-
meistara sem eiginkonu sína.
Vellir.
Eftir að kennarinn var fenginn og nokkrir kylfing-
ar höfðu fengið svo mikla trú á getu sína í sveiflum og
öðrum reglum golfsins að þeir treystust út með kylfu og
knött var næst að fá völl til að leika á. Lagði nú hinn ötuli
og óþreytandi formaður klúbbsins, Gunnlaugur Einarsson,
með kennarann til aðstoðar, í marga og langa leiðangra
um allt nágrenni Reykjavíkur í vallarleit, og fundu hent-
ugt tún, svonefnt Austurhlíðarland inn við Sundlaugar, sem
bráðabirgðarvöll. Var það 6 ha. lands og voru þar útbúnar
6 holur. Fyrsta, fimmta og sjötta braut lágu yfir djúpa og
hættulega læki, fulla af álum og öðru illfiski, er seiddu til
sín bolta byrjendanna og skiluðu þeim ófúsir aftur. Var
þessi völlur vígður hátíðlega þann 12. maí 1935, sem hinn
fyrsti golfvöllur á íslandi (sjá Kylfing I, bls. 9). Á þeim
velli var leikið til 1. júní 1937. Þá fékkst annar bráðabirgða-
völlur inni í Sogamýri, við Útvarpsstöðvarveg, og þar út-
búnar 6 holur. En ekki gekk greiðlega að halda því landi.
Eftir hálfan mánuð hurfu öll flögg og merki af vellinum
í súldveðri, en í staðinn komu um 20 kýr. En þar sem þær
voru á sífellu iði, og auk þess fleiri en holur áttu að vera
á vellinum, voru sumir kylfingar óánægðir með skiptin. Við
rannsókn málsins kom í ljós, að landsdrottinn klúbbsins
hafði landið á leigu fyrir kýr sínar, en ekki til framleigu
né golfleika. Varð hann því skelkaður mjög er landeigandi
kom og sá hóp manna að leikum, og kvað landið ætlað öðr-