Kylfingur - 24.04.1989, Blaðsíða 30
30
KYLFINGUR
brugðu menn sér í bæinn í Bromley.
Verslunargatan eða verslunarhverfið
þar er ekkert síðra en Oxford Street,
jafnvel betra, því að ekki er sama
örtröð þarna og í aðalverslunargötu
London. Þarna eru samt allar sömu
verslanirnar.
Síðdegis var boð inni hjá Dorothy
og Jóhanni, þar sem þeim fjórmenn-
ingum gafst tækifæri á að kynnast
því fólki sem tæki drengina að sér á
meðan á dvöl þeirra í London stæði.
Var þetta fólk einkar vingjarnlegt
enda flestir góðvinir Dorothy og
Jóhanns.
Seint um kvöldið var síðan flogið
heim til íslands. Var ferð þessi i alla
staði hin ánægjulegasta. Það er eng-
um vafa undirorpið, að það er hag-
kvæmt og skemmtilegt fyrir íslenska
kylfinga að dveljast þarna. Enginn
verður fyrir vonbrigðum með golf-
vellina, hótelið er ágætt, og London
er jú alltaf London, án þess að verið
sé að fara nánar út í þá sálma.
í ágústmánuði sl. sumar kom
Jóhann síðan til íslands með þrjá
kylfinga úr forystuliði þeirra á
Sundridge Park til að endurgjalda
þessa heimsókn. Þeir sem komu voru
Ron Paterson liðsstjóri, Leslie Wil-
son formaður og Victor Sturdee fyrr-
verandi liðsstjóri. Fóru þeir fjór-
menningar fyrst norður á Akureyri,
en komu síðan til Reykjavíkur. Léku
þeir hring hér í Grafarholti, og fram-
kvæmdastjóri klúbbsins fór með þá
í ferð til Gullfoss, Geysis og Þing-
valla. Þaðan var farið til Hvamms-
víkur í Kjós og rennt fyrir silung hjá
Óla Skúla, sem bauð síðan til kvöld-
verðar. Þessir ensku vinir okkar urðu
áreiðanlega ekki fyrir vonbrigðum
með ferð sina til íslands og fóru
ánægðir heim. Vonandi sjáum við þá
sem fyrst aftur hér í Grafarholti.
Bestu golferðina færðu
hjá okkur.
Komdu með til Mallorka
þar eru vellirnir og við líka.
tmMIMC
FERÐASKRIFSTOFA
HALLVEIGARSTÍG 1 - SÍMAR 28388 - 28580