Kylfingur - 24.04.1989, Blaðsíða 36

36
KYLFINGUR
Ábyrgðarmenn
Nýlega ákvað stjórn Golí'klúbbs
Reykjavíkur að breyta reglum varð-
andi inntöku nýrra félaga í klúbbinn.
Eins og áður, þarf hver sá sem sækir
um inngöngu í Golfklúbb Reykjavík-
ur að gera það skriflega á þar til
gerðu eyðublaði, og skal það eyðu-
blað undirritað af honum sjálfum
ásamt 2 aðilum, sem áður voru kall-
aðir meðmælendur, en hér eftir
verða kallaðir ábyrgðarmenn. Verð-
ur þeim framvegis gert að bera að
nokkru leyti ábyrgð á hinum nýja
meðlim skv. nánari reglum, sem hér
fara á eftir. Þá verður umsækjandi
að greiða inntökugjald og árgjald og
einnig verður honum gert að sækja
námskeið í golfi hjá kennara og fá
undirskrift hans. Þá verður hinn nýi
meðlimur að sækja 1 námskeið þar
sem fjallað er um golfsiði og golf-
reglur ásamt almennum upplýsingum
um golf, golfvelli og fleira.
Ábyrgðarmenn nýs umsækjanda
verða framvegis ekki einungis með-
mælendur, sem eru lausir allra mála
er þeir hafa ritað nafn sitt á umsókn-
areyðublað hins nýja verðandi með-
lims. Framvegis skulu ábyrgðar-
menn, eins og nafnið bendir til, bera
ábyrgð á hinum nýja meðlim meðan
hann er að komast inn í klúbbinn og
golfið á eftirfarnadi hátt:
Þeir skulu koma með hinn nýja
meðlim í klúbbinn, sýna honum
klúbbhúsið og kynna hann fyrir
framkvæmdastjóra og öðrum aðil-
um sem hann þarf að vita um og leita
til. Þeir skulu upplýsa hann um
helstu atriði varðandi golfsiði, um-
gengni um golfskala, golfvelli, flatir
og teiga og fylgja þannig eftir því
námskeiði, sem nýr meðlimur er
skyldugur til að sækja um golfsiði,
golfreglur, umgengni um golfvelli og
almennar upplýsingar um golfíþrótt-
ina. Einnig skulu ábyrgðarmenn
leika með skjólstæðingi sínum á vell-
inum af og til og bera ábyrgð á því,
að hann geti farið um völlinn án þess
að vera fyrir, til trafala eða honum
eða öðrum stafi hætta af. Þannig er
ábyrgðarmaður gerður ábyrgur fyrir
því að hinn nýi meðlimur komist inn
í klúbbinn og klúbblífið og verði ekki
utanveltu og einn, en einnig að hann
læri um golf, reglur þess og annað
er því viðkemur.
Stjórn Golfklúbbs Reykjavíkur
mun fylgja eftir þessari ákvörðun
sinni og sjá til þess að henni verði
framfylgt. □
Mótaskrá
fylgt úr hlaði.
Þegar þetta er skrifað eru ná-
kvæmlega tvær vikur þar til fyrsta
golfmót sumarsins á að fara fram
samkvæmt þeirri mótaskrá sem hér
er kynnt. Það verður hinsvegar að
segjast eins og er, að það þarf tölu-
verða bjartsýni, jafnvel enn meiri
bjartsýni en undirritaður hefur yfir
að ráða til þess að láta sér detta það
í huga á þessari stundu, að svo geti
orðið.
Á þessum grámyglulega mánu-
dagsmorgni er nefnilega enn að
kingja niður snjó. Að horfa út um
gluggann þessa stundina er líkast því
að horfa innum glerhurð á þvottavél
í fullum gangi. Það er engu líkara,
en að framundan sé „Snjóasumarið
mikla“. Við skulum hinsvegar vona,
að sumarið 1989 verði snjólétt sumar
þrátt fyrir verkfall veðurfræðinga nú
við sumarkomu.
Það er okkar helsta von á þessari
síundu, að með samstilltu jákvæðu
hugarfari GRinga takist okkur að
hjálpa Lóunni við að „kveða burt
snjóinn“ í Grafarholti.
Mótaskrá GR 1989 er með hefð-
bundu sniði, þar sem flest mótin
hafa skapað sér fastan sess.
Eins og áður sagði er fyrsta mótið
Einnarkylfukeppnin á dagskrá 1.
maí, venju samkvæmt. Síðan koma
mótin hvert af öðru í þeirri röð sem
verið hefur undanfarin ár. Rétt er þó
að vekja athygli á þeim nýjungum
sem Mótaskráin hefur að geyma. Þar
er fyrst að nefna, að á Golfþingi var
ákveðið að sérstök ,,Stigamót“
ætluð bestu kylfingum landsins
verða ráðandi um val landsliðsins
að nýju. Þessi mótaröð hefst í maí,
en fyrsta Stigamótið í Grafarholti
verður 3.-4. júni. Þessi mót eru
með þeim hætti, að fyrri daginn eru
leiknar 36 holur, en 18 holur seinni
daginn. Þannig er hér kærkomið
tækifæri til þess að fylgjast með
okkar bestu kylfingum í hörku-
keppni.