Fréttablaðið - 06.01.2011, Blaðsíða 44
36 6. janúar 2011 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Þegar maður lítur til baka yfir tónlistarárið 2010
þá koma ekki margar snilldarplötur upp í hugann
og árslistar tónlistartímaritanna staðfesta þá til-
finningu að þetta hafi ekki verið sérstaklega gott
tónlistarár. Það var ekki mikið að gerast.
Arcade Fire-platan The Suburbs er plata
ársins ef maður tekur meðaltal af listum
helstu tónlistarmiðla. Það segir sitt.
Ágæt plata, en Neon Bible var töluvert
betri. Sama á við um margar aðrar
plötur sem skora hátt. LCD Sound-
system platan This Is Happening
er t.d. fín og James Murphy fær
hrós fyrir að hjakka ekki í sama far-
inu, en síðasta plata, Sound of Silver,
var mikið betri. Svipaða sögu er að
segja af plötum Sufjans Stevens,
Vampire Weekend og Gorillaz. Og
svo eru nýrri nöfnin, Beach House,
Sleigh Bells, Janelle Monáe, John
Grant, Gonjasufi – ekki vond tónlist,
en maður er ekkert að missa jafn-
vægið af geðshræringu yfir henni.
Er ekki kominn tími á endurnýjun?
Eitthvað nýtt og klikkað?
Ég var reyndar í mestu vandræð-
um með plötu ársins lengst af. Hvaða
plata gat eiginlega staðið undir þeim
titli? Það var ekki fyrr en Kanye
West kom með My Beautiful Dark
Twisted Fantasy sem svarið við
spurningunni var komið. Og þar voru
engar væntingar. Síðasta plata Kanye,
808‘s & Heartbreak, var algjörlega mis-
heppnuð. Svo vond að það verður gaman
að skella henni í tækið eftir tuttugu ár
til að hlæja að henni. En nýja platan
er hreinasta snilld. Alvöru stórvirki.
Hvert lagið öðru betra og einhver galdur
í gangi hvað útsetningar og sánd varðar.
Það má því segja að Kanye Omari West
hafi bjargað árinu.
Kanye bjargaði árinu
YFIRBURÐAPLATA My Beautiful Dark Twisted
Fantasy með Kanye West var besta platan á
slöku poppári, 2010. NORDICPHOTOS/GETTY
Fimmta og síðasta plata
The Streets, Computers and
Blues, er væntanleg í næsta
mánuði. Forsprakkinn Mike
Skinner er orðinn þreyttur
á bandinu og vill feta nýjar
slóðir í lífinu.
Mike Skinner, maðurinn á bak
við The Streets, hefur lýst því
yfir að næsta plata sveitarinnar,
Computers and Blues, verði sú síð-
asta. Hún kemur út í næsta mán-
uði og verður sú fimmta sem The
Streets gerir fyrir útgáfufyrir-
tækið Warner. Þrátt fyrir mikl-
ar vinsældir undanfarin tíu ár er
Skinner búinn að fá nóg og ætlar
að snúa sér að öðrum verkefnum.
„Ég hef verið að þessu í tíu
ár og hef reynt að gera eitthvað
alveg nýtt á hverri plötu. Sumar
hafa fengið frábærar viðtökur en
aðrar ekki og núna er ég uppis-
kroppa með efni,“ sagði Skinner
í viðtali við breska sunnudags-
blaðið The Observer og bætti því
við að þetta væri síðasta stóra
viðtalið sem hann myndi gefa.
Hinn 32 ára Skinner sló í gegn
með fyrstu plötu sinni Original
Pirate Material árið 2002. Þar
blés hann ferskum vindum inn
í hiphop-heiminn með öðruvísi,
sér-breskum hljómi þar sem hann
söng á skondinn hátt um líf sitt á
götum ensku borgarinnar Birm-
ingham. Biðraðir eftir kebab-
skyndibita, grasreykingar og
kvennafar komu meðal annars
við sögu. „Ég get ekki notfært
mér dramatíkina í kringum morð
og ofbeldi eins og rappið gerir.
Þess vegna reyni ég að búa til eitt-
hvað dramatískt úr engu,“ sagði
Skinner um textagerð sína.
Önnur plata The Streets, A
Grand Don’t Come for Free,
hlaut einnig góðar viðtökur og
sér í lagi smáskífulagið Dry Your
Eyes. Platan fór á toppinn í Bret-
landi, rétt eins og sú næsta, The
Hardest Way to Make an Easy
Living. Síðasta plata The Streets,
Everything Is Borrowed, náði á
hinn bóginn aðeins sjöunda sæt-
inu í Bretlandi, þó svo að viðtök-
ur gagnrýnenda hafi verið fremur
jákvæðar.
Núna er svo komið að Skinner
vill breyta til, leggja The Streets á
hilluna og gera eitthvað allt annað.
„Ég hef ekki áhuga á The Streets
lengur. Ég hefði átt að breyta til
fyrir löngu,“ sagði hann og bætti
við að með nýju plötunni væri hann
að kveðja fyrirtækið Warner. „Ég
skrifaði undir fimm platna samn-
ing. Það hefði verið asnalegt að
hætta með The Streets eftir fjórðu
plötuna og gera síðan eina í viðbót
bara til að uppfylla samninginn.“
Computers and Blues þykir á
meðal hans bestu verka og lítur því
allt út fyrir að The Streets muni
hverfa af sjónarsviðinu með stæl
en um leið mikilli eftirsjá tónlistar-
áhugamanna. freyr@frettabladid.is
Skinner kveður The Streets
THE STREETS Mike Skinner er maðurinn á bak við The Streets, sem gefur út sína
fimmtu og síðustu plötu í næsta mánuði. NORDICPHOTOS/GETTY
TÓNLISTINN
Vikuna 30. desember 2010 - 5. janúar 2011
LAGALISTINN
Vikuna 30. desember 2010 - 5. janúar 2011
Sæti Flytjandi Lag
1 Dikta ......................................................................Goodbye
2 Björgvin Halldórsson & Mugison ................... Minning
3 Hjálmar ....................................................Gakktu alla leið
4 Bruno Mars ..................................Just The Way You Are
5 Katy Perry .............................................................Firework
6 Rihanna .......................................Only Girl In The World
7 Jón Jónsson ...................................When You’re Around
8 P!nk .........................................................Raise Your Glass
9 Tinie Tempah ................................. Written In The Stars
10 Coldplay ................................................ Christmas Lights
Sæti Flytjandi Lag
1 Jónsi ..................................................................................Go
2 Elly Vilhjálms .......................................... Heyr mína bæn
3 Páll Rósinkranz ...........................................Ó hvílík elska
4 Spilverk þjóðanna ........................................... Allt safnið
5 Sigurður Guðmunds og Memfism. ......Nú stendur...
6 Ýmsir .................................................................Pottþétt 54
7 Bubbi ..................................Sögur af ást, landi og þjóð
8 Blaz Roca ............................. Velkomin til KópaCabana
9 Baggalútur ..........................................................Næstu jól
10 Ólafur Gaukur ......................................Syngið þið fuglar
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
> Plata vikunnar
Kalli - Last Train Home
★★★
„Huggulegt kántrí sem Kalli
syngur af mikilli yfirvegun.“ - FB
> Í SPILARANUM
Duran Duran - All You Need is Now
Gerry Rafferty - City to City
Mogwai - Hardcore Will Never Die, But You Will
Cake - Showroom Of Compassion
Tennis - Cape Dory
Skoski tónlistarmaðurinn
Gerry Rafferty er látinn,
63 ára gamall, eftir
langvarandi veikindi.
Hann var þekktastur
fyrir lögin Baker Street
og Stuck in the Middle
With You sem hljómaði í
kvikmynd Quentins Tar-
antino, Reservoir Dogs,
sem kom út 1992. Baker
Street var valið eitt af
hundrað bestu gítarlögum
allra tíma í lesendakönn-
un tímaritsins Rolling Stone árið 2008.
Rafferty, sem var einnig þekktur fyrir
lögin Right Down the Line, Get It Right
Next Time og Don’t
Give Up On Me, var
lagður inn á sjúkrahús í
Bournemouth á Englandi
vegna lifrarvandamála.
Hann fæddist í bænum
Paisley, skammt frá Glas-
gow, og náði lengst sem
sólótónlistarmaður á átt-
unda áratugnum. Vinsæl-
ustu plöturnar hans voru
City to City sem kom út
1978 og Night Owl sem
kom út ári síðar. Raffer-
ty, sem barðist lengi við áfengisfíkn, gaf
út sína síðustu plötu, Another World, árið
2000.
Gerry Rafferty látinn
GÓÐUR MAÐUR KVEÐUR Gerry Rafferty
var þekktastur fyrir lögin Baker Street og
Stuck in the Middle With You.
NORDICPHOTOS/GETTY