Fréttablaðið - 28.01.2011, Blaðsíða 2

2 28. janúar 2011 FÖSTUDAGUR
SPURNING DAGSINS
Jón, var þetta áherslulaust
atkvæði?
„Ef þetta væru stóru mistökin í
þessu máli þá værum við í góðum
málum.“
Komið hefur í ljós að Jón Gunnarsson
greiddi óvart atkvæði með frumvarpi
um stjórnlagaþing. Hann var hins vegar
einarður andstæðingur frumvarpsins.
UMHVERFISMÁL „Við Mosfellingar
sættum okkur ekki við þetta,“ segir
Haraldur Sverrisson, bæjarstjóri
í Mosfellsbæ, um ólykt sem berst
frá starfsstöð Sorpu á Álfsnesi.
Samtök íbúa í nýju hverfi í
Leirvogstungu kvarta sérstak-
lega mikið undan óþef vegna urð-
unar á rusli og ólyktar af lífræn-
um úrgangi á Álfsnesi. Björn H.
Halldórsson, framkvæmdastjóri
Sorpu, segir fyrirtækið hafa gert
ýmsar úrbætur eftir að það frétti
af óánægjunni um mitt ár 2009
og varið til þess 30 til 40 milljón-
um króna á síðasta ári. Kannanir
sem Sorpa lét gera meðal íbúanna
sýna þó að þeir telja sig enn verða
fyrir álíka miklum óþægindum og
fyrr.
„Það er engin launung á því að
margir eru ekki sáttir,“ viður-
kennir Björn, sem kveður þó hafa
dregið úr ólyktinni. Reyna eigi að
minnka hana enn frekar með fleiri
aðgerðum.
Í bréfi til bæjaryfirvalda krefj-
ast íbúarnir þess að málið verði
tekið föstum tökum. „Samtök-
in telja það fullreynt að reyna að
plástra fyrir vandamálið og óska
eftir tafarlausri lokun á þeirri
starfsemi sem snýr að urðun og
lyktarmengun,“ segja íbúarnir.
Haraldur bæjarstjóri segir að
þegar íbúðarbyggð hafi verið
skipulögð í Leirvogstungu hafi
engar vísbendingar verið um að
slík hætta væri á lyktarmengun
frá Sorpu. Ástandið hafi hins
vegar farið versnandi með hlýrra
og stilltara veðri en áður. Harald-
ur segir bæjaryfirvöld hafa vegna
starfseminnar á Álfsnesi sett fram
fyrirvara og bókanir á samstarfs-
vettvangi sveitarfélaga á höfuð-
borgarsvæðinu, innan stjórnar
Sorpu og á fundum með forsvars-
mönnum fyrirtækisins. Einnig
hafi verið gerðar athugasemdir
við Reykjavíkurborg vegna breyt-
inga á svæðisskipulagi Álfsness
sem feli í sér útvíkkun á starfsemi
Sorpu.
Björn og Haraldur eru sam-
mála um að lausnin á vandanum
geti falist í gasgerðarstöð sem
áformað hefur verið að rísi í Álfs-
nesi og framleiði metangas úr líf-
rænum úrgangi. Þau áform hafa
frestast og óvíst er hvenær stöð-
in verður að veruleika. „Ef menn
ætla að hafa þessa starfsemi á
þessum stað verður gasstöðin að
koma. Annars þarf einfaldlega að
færa þennan urðunarstað. Við vilj-
um ekki hafa þessa lyktarmengun
í okkar nútímasamfélagi,“ segir
bæjarstjórinn.
Björn bendir hins vegar á að
Sorpa hafi verið á Álfsnesi frá
árinu 1991. „Þetta er nú bara stað-
urinn sem við fengum úthlutað.
Sveitarfélögin verða þá að úthluta
okkur nýju svæði ef við eigum að
fara eitthvert annað,“ segir fram-
kvæmdastjóri Sorpu.
gar@frettabladid.is
Mosfellingar ósáttir
við ólykt af Álfsnesi
Bæjarstjóri Mosfellsbæjar segir óþef frá Sorpu á Álfsnesi valda Mosfellingum
óþægindum sem þeir sætti sig ekki við. Íbúar í nýju hverfi í Leirvogstungu vilja
láta stöðva starfsemina. Framkvæmdastjóri Sorpu segir að dregið hafi úr ólykt.
ÁLFSNES OG MOSFELLSBÆR Dágóður spotti er frá starfssvæði Sorpu á Álfsnesi að
Leirvogstungu. Bæjarstjórinn í Mosfellsbæ segir þó að aðstæður séu þannig að
hverfið fái yfir sig meiri ólykt en önnur frá Sorpu. MYND/LOFTMYNDIR.IS
Mosfellsbær
Leirvogstunga
Álfsnes
Vesturlandsvegur
HARALDUR
SVERRISSON
BJÖRN H.
HALLDÓRSSON
GJALDÞROT Gjaldþrotum fyrir-
tækja fjölgaði um 25 prósent milli
desember 2009 og sama mánað-
ar 2010. Í fyrra varð 101 fyrir-
tæki gjaldþrota í desember en 81 í
sama mánuði 2009.
Þegar litið er yfir heilt ár fjölg-
aði gjaldþrotum fyrirtækja um 7,5
prósent árið 2010 miðað við 2009.
978 fyrirtæki urðu gjaldþrota í
fyrra en 910 árið 2009.
Af einstökum atvinnugreinum
voru gjaldþrot tíðust meðal fyrir-
tækja í byggingarstarfsemi og
mannvirkjagerð, að því er segir á
vef Hagstofu Íslands. - pg
Gjaldþrot fyrirtækja:
25% fjölgun
í desember
SLYS Lögreglan á Akureyri bíður
eftir niðurstöðum blóðrannsókn-
ar á ökumanninum sem var undir
stýri þegar maður lést á Eyjafjarð-
arbraut 20. janúar síðastliðnum.
Samkvæmt lögreglunni á Akur-
eyri virðist sem ökumaðurinn, sem
er 24 ára gamall, hafi keyrt yfir
á öfugan vegarhelming og lent á
manninum, sem var að skokka við
veginn. Bæði bíllinn og hinn gang-
andi voru á leið norður þjóðveg-
inn, í átt að Akureyri. Bíllinn lenti
aftan á manninum með fyrrgreind-
um afleiðingum. Einn farþegi var
í bílnum, einnig á þrítugsaldri.
Ekkert bendir til þess að ekið hafi
verið á ólöglegum hraða, en skyggni
var slæmt og mikill vindur. Bíllinn
stoppaði um leið og það voru öku-
maður og farþegi sem tilkynntu
slysið til lögreglu.
Gunnar Jóhannsson, yfirmaður
rannsóknardeildar lögreglunnar,
segir að leiði blóðrannsókn í ljós að
ökumaður hafi verið undir áhrif-
um, verði hann að öllum líkindum
ákærður.
„Ef fíkniefni eða áfengi mælist í
blóði ökumannsins, gæti farið svo
að hann verði ákærður fyrir mann-
dráp af gáleysi,“ segir Gunnar. „Það
er mjög algengt að það sé ákært í
svona málum.“
Ökumaður og farþegi hafa komið
áður við sögu lögreglu. - sv
Banaslysið á Eyjafjarðarbraut til rannsóknar hjá lögreglunni á Akureyri:
Bíða niðurstöðu blóðrannsóknar
AKUREYRI Banaslysið gerðist nokkrum
kílómetrum sunnan við Akureyri og er
blóðsýni úr ökumanninum nú til rann-
sóknar. FRÉTTABLAÐIÐ/VILHELM
STJÓRNMÁL Þingmennirnir Sig-
mundur Ernir Rúnarsson úr
Samfylkingu og Árni Johnsen
úr Sjálfstæðisflokki lögðu í gær
fram frumvarp um að veita rit-
höfundinum Madinu Salamovu
íslenskan ríkisborgararétt.
Madinu var fyrr í þessari viku
gert að yfirgefa Noreg eftir að
hafa búið þar ólöglega frá barns-
aldri og gengið þar undir nafn-
inu Marie Amelie. Madina, eða
Marie, er nú komin til fæðingar-
lands síns, Rússlands.
Árna Johnsen segir að honum
hafi runnið til rifja framkoma
Norðmanna gagnvart Marie.
„Það er einstakt á Norðurlöndum
að það sé komið svona fram við
manneskju sem hefur búið þar frá
blautu barnsbeini. Þetta er fyrst
og fremst mannvonska. Það hefur
komið fram að hún á enga að í sínu
fæðingarumhverfi. Henni er bara
hent út á gaddinn,“ segir Árni.
Óljóst er hvort Marie kærir
sig um íslenskan ríkisborgara-
rétt. „Við höfum ekkert náð í
hana heldur göngum bara inn í
þetta. Við getum þó brugðist við
á þennan hátt ef okkur sýnist og
það setur líka kannski einhverja
pressu á Norðmenn að hugsa
sitt mál,“ segir Árni, sem kveð-
ur vissulega ekki hægt að veita
fólki ríkisborgararétt nema það
óski þess sjálft. Nú sé ferill máls-
ins að hefjast. „Við erum kannski
að skipta okkur af innanríkis-
máli Norðmanna en þeir hafa
sýnt okkur lítilsvirðingu og dóna-
skap á liðnum misserum. Þá skul-
um við líka sýna þeim í tvo heim-
ana og að við gætum haft áhrif á
það þetta breyttist á annan veg en
þeir vilja.“ - gar
Þingmenn leggja til að gera Marie Amelie að ríkisborgara án hennar vitneskju:
Sýna Norðmönnum í tvo heimana
MARIE AMELIE Kom ólöglega á barns-
aldri til Noregs með rússneskum foreldr-
um og hefur nú verið gerð brottræk.
MYND/NORDICPHOTOS/AFP
FÓLK Íslensk stjórnvöld hafa gefið
út vegabréf fyrir Jóel Færseth
Einarsson, sem
hefur verið fast-
ur á Indlandi
ásamt foreldr-
um sínum frá
því fyrir jól.
Allt útlit er því
fyrir að fjöl-
skyldan komi
heim á næstu
dögum. Frétta-
stofa Stöðvar 2 greindi frá þessu í
gærkvöld.
Helga Sveinsdóttir og Einar
Færseth eignuðust Jóel litla úti á
Indlandi. Þarlend kona gekk með
hann gegn greiðslu. Alþingi veitti
honum íslenskan ríkisborgararétt
fyrir jólin. Töf varð á útgáfu vega-
bréfsins þar sem óvíst hefur verið
hver fer með forræði yfir drengn-
um. Í frétt Stöðvar 2 kom jafn-
framt fram að ekki hefði fengist
staðfest ytra að indversk stjórn-
völd hefðu gefið ákveðin svör um
forræðið. - ikh
Jóel á leið heim frá Indlandi:
Búið að gefa
út vegabréfið
JÓEL FÆRSETH
MENNTAMÁL Borgarfulltrúar
minnihluta Sjálfstæðisflokks og
Vinstri grænna vilja að fulltrúum
foreldra sé veitt kröftug aðkoma
að hagræðingarvinnu og öðrum
breytingum í skólastarfi.
Á fundi borgarráðs í gær vís-
uðu fulltrúar minnihlutans til
þess að samtök foreldra skóla-
barna, Samfok, segðust hafa litla
sem enga aðkomu að málinu og að
upplýsingum væri haldið leynd-
um. „Er þess krafist að úr þessu
verði bætt, fulltrúum foreldra
verði veittur eðlilegur aðgangur
að þessari vinnu, enda augljóst
að árangur í þessu stóra verkefni
næst ekki án góðs samstarfs við
sem flesta foreldra í Reykjavík,“
segir í bókun minnihlutans. - gar
Vilja samráð í niðurskurði:
Skólaforeldrar
komi að borði SJÁVARÚTVEGUR Ákveðið hefur verið að hætta frystingu á loðnu
hjá HB Granda á Vopnafirði að
svo stöddu. Ástæðan er sú að
mikil óvissa hefur verið á mörk-
uðum fyrir frysta loðnu og hefur
hún farið vaxandi frekar en hitt
í kjölfar þess að Rússar bjóða
nú ódýra, frysta loðnu úr Bar-
entshafi á sömu mörkuðum og
íslenska loðnan er seld á.
Vilhjálmur Vilhjálmsson,
deildarstjóri uppsjávarsviðs HB
Granda, segir að þegar hafi tek-
ist að selja alla loðnu sem fryst
hefur verið á vertíðinni. Gott
verð fáist nú á mjöl- og lýsis-
mörkuðum og því lögð áhersla
á að framleiða frekar fyrir þá
markaði í stað þess að safna
birgðum af frystri loðnu.
- shá
HB Grandi bræðir loðnu:
Hætt að frysta
vegna markaða
BJÖRGUNARMÁL Þjóðverja á miðj-
um aldri var leitað á Eyjafjalla-
jökli fram eftir kvöldi í gær.
Maðurinn gekk
ásamt tveim-
ur félögum frá
Baldvinsskála
á Fimmvörðu-
hálsi á mið-
vikudag og að
gígnum á Eyja-
fjalljökli. Hann
sneri til baka
á undan félög-
unum og varð
síðan viðskila við þá í þoku.
Að sögn Ólafar Snæhólm Bald-
ursdóttur, upplýsingafulltrúa
Slysavarnafélagsins Landsbjarg-
ar, er maðurinn vanur útivist,
ágætlega búinn og vel á sig kom-
inn. Um 150 manns voru við leit-
ina í gærkvöld. Maðurinn var
með síma en hefur ekki svarað
hringingum í hann. - gar
Miðaldra Þjóðverji týndur:
Hvarf í þokuna
á Eyjafjallajökli
ÓLÖF SNÆHÓLM
BALDURSDÓTTIR