Fréttablaðið - 28.02.2011, Síða 16

28. febrúar 2011 MÁNUDAGUR16
timamot@frettabladid.is
„Ég sá þessa stöðu auglýsta og sótti
um. Mér fannst þetta spennandi starf
sem ég ætti erindi í,“ segir Aino
Freyja Jarvela, nýráðinn forstöðu-
maður Salarins í Kópavogi, spurð
hvernig það hafi komið til að hún
fékk starfið. „Ég kem reyndar ekki
úr tónlistargeiranum heldur sviðs-
listunum, er menntuð leikkona, sem
tók hagnýta fjölmiðlun í H.Í. eftir að
ég kom heim frá leiklistarnámi í Bret-
landi og síðan MBA-próf frá Háskól-
anum í Reykjavík síðastliðið vor. Ég
hef verið í alls konar framkvæmda-
störfum fyrir ýmsa leikhópa, var ein
af stofnendum dansleikhússins Með
ekka og var starfandi formaður Sjálf-
stæðu leikhúsanna í nokkur ár, þannig
að ég fer úr baráttu fyrir listamenn og
yfir í framkvæmdastjórastöðu í svona
sal. En mér finnst þetta mjög spenn-
andi verkefni, þar sem ég veit að tón-
listarmenn hafa mikið fram að færa
og hér er rétti vettvangurinn.“
Nafn Aino Freyju er ekki dæmigert
íslenskt nafn, hvaðan kemur það? „Það
er finnskt, ég er finnsk í föðurættina,
en hef búið á Íslandi frá þriggja ára
aldri og lít nú bara á mig sem Íslend-
ing. Nafnið vefst þó fyrir fólki, það
er hringt hérna og spurt um Færey-
inginn og spurt hvort ég tali íslensku,
mjög fyndið.“
Verða einhverjar breytingar á
starfsemi Salarins með nýjum for-
stöðumanni? „Það verða náttúrulega
alltaf einhverjar breytingar og reynd-
ar hafa orðið hér töluverðar breyting-
ar undanfarið, áður en ég tók við. Í
upphafi var þetta hugsað sem vett-
vangur fyrir klassíska tónlist, en
þeim tónleikum hefur fækkað veru-
lega á síðustu árum og í tíð forvera
míns, Elísabetar Sveinsdóttur, var
húsið opnað meira fyrir alls konar
tónlist. Þannig hafa orðið fjölbreytt-
ari viðburðir í Salnum og því munum
við halda áfram, en mig langar til að
styrkja klassíska hlutann aftur,“ segir
Aino Freyja.
Meðal þeirra tónleika sem boðið
verður upp á í Salnum fram eftir vori
má nefna tónleika Herdísar Önnu
Jónsdóttur og Semjons Skigin þann 5.
mars, þar sem þau flytja blómatóna
inn í vorið. Þann 27. mars spila Aladár
Rácz og Helga Bryndís Magnúsdóttir
á tvö píanó verk eftir Mozart, Chopin,
Ravel og fleiri. Bryndís Halla Gylfa-
dóttir og Edda Erlendsdóttir flytja
verk fyrir selló og píanó þann 9. apríl
en lokatónleikar Tíbrárraðar vetrar-
ins verða söngónleikar þann 16. mars
í flutningi Sigríðar Óskar Kristjáns-
dóttur, Önnu Guðnýjar Guðmunds-
dóttur og Bryndísar Höllu Gylfadótt-
ur. fridrikab@frettabladid.is
NÝR FORSTÖÐUMAÐUR SALARINS: KEMUR ÚR SVIÐSLISTAGEIRANUM
Oft spurt eftir Færeyingnum
KLASSÍSKUR SALUR „Mig langar til að styrkja klassíska hlutann aftur,“ segir Aino Freyja Jarvela,
nýr forstöðumaður Salarins í Kópavogi. FRÉTTABLAÐIÐ/GVA
SVEN OLOF PALME (1927-1986), forsætisráðherra Svíþjóðar, var myrtur þennan dag.
„Fyrir okkur er lýðræði spurning um mannlega reisn og mannleg reisn er pólitískt
frelsi.“
1854 Repúblikanaflokkurinn í
Bandaríkjunum stofnað-
ur.
1909 Alþjóðlegur baráttu-
dagur kvenna haldinn
hátíðlegur í fyrsta skipti.
1920 Þilskipið Valtýr ferst og
með því þrjátíu manns
fyrir sunnan land.
1941 Belgíska flutningaskip-
ið Persier, 8.200 lest-
ir, strandar á Dynskóga-
fjöru austan Hjörleifs-
höfða. Skipið næst út og
er dregið til Reykjavík-
ur, en brotnar í tvennt í
fjörunni við Kleppsvík.
1950 Breska olíuflutninga-
skipið Clam strand-
ar við Reykjanes. Björg-
unarsveitin Þorbjörn
í Grindavík bjargar 23
mönnum en 27 farast,
flestir þeirra frá Kína.
1953 James D. Watson og
Francis Crick tilkynna
vinum sínum að þeir
hafi leyst gátuna um
byggingu DNA-sam-
eindarinnar.
2003 Kvikmyndin Nói albinói
eftir Dag Kára Pétursson
frumsýnd.
Um þessar mundir eru 125 ár liðin frá því
hinn 22 ára bandaríski háskólanemi Charles
Martin Hall uppgötvaði álið. Við það urðu
merkileg tímamót í iðnaðarsögu heimsins.
Charles Martin Hall sendi rafstraum í gegnum
bráðnaða krýólít-súrálslausn og afurðin varð
kubbur sem hann molaði niður með hamri.
Hann var þá með í höndunum litlar kúlur úr
hreinu áli. Þar með var kominn lykillinn að
álframleiðslu eins og við þekkjum hana nú.
Þetta varð til þess að Hall stofnaði álfyrir-
tækið Pittsburgh Reduction Company árið
1888. Nokkrum árum síðar var nafni fyrir-
tækisins breytt í Alcoa Inc.
Í tilefni þessara tímamóta ætlar Alcoa Inc.
að minnast uppfinningar Charles Martins
Hall með fjölmörgum uppákomum víða
um lönd. Meðal annars að gróðursetja tré
á 125 stöðum um allan heim til að fagna
afmælinu.
ÞETTA GERÐIST: Í LOK FEBRÚAR 1886
Álið var uppgötvað
Stórmynd Stevens Spiel-
berg, Listi Schindlers er
kvikmynd Mánudagsbíós
Háskóla Íslands og Háskóla-
bíós í kvöld.
Mánudagsbíóið er nýlegt
framtak Háskóla Íslands
og Háskólabíós, í tilefni af
aldarafmæli HÍ og hálfrar
aldar afmæli kvikmynda-
hússins, og hefur það hlotið
góðar viðtökur. Til stend-
ur að sýna klassískar perl-
ur kvikmyndanna. Mynd-
irnar verða sýndar í Stóra
salnum á mánudögum og
hver þeirra aðeins sýnd
einu sinni. Síðasta mánudag
voru kvikmyndir Krzysztof
Kieslowski, Blár, Hvítur og
Rauður sýndar.
Miða er bæði hægt að
kaupa á midi.is og í miða-
sölu Sinfóníunnar en allar
upplýsingar um sýningar
fram undan er að finna á
heimasíðunni hi.is/manu-
dagsbio. Miðaverð er 300
krónur.
- jma
Sígildar myndir
sýndar í Háskólabíó
Í TILEFNI AFMÆLIS Klassískar kvikmyndir eru sýndar á mánudögum í
Háskólabíói um þessar mundir í tilefni af afmæli Háskóla Íslands og
Háskólabíós.
Merkisatburðir 28. febrúar
Senn bryddir á Barða nefn-
ist fræðsluerindi um eld-
fjallið Kötlu sem Bergrún
Arna Óladóttir jarðfræðing-
ur heldur í dag klukkan 17.15
í Öskju, húsi náttúrufræð-
inga. „Þetta verður bara létt
samantekt um Kötlu gömlu
en ekki stórvísindalegt jarð-
fræðierindi,“ segir Bergrún
Arna glaðlega. „Ég er búin
að safna saman einhverjum
upplýsingum um gossöguna
bæði á sögulegum tíma og
forsögulegum tíma og fer
yfir þær á hálfgerðu hunda-
vaði.“ Titil erindisins kveðst
hún sækja í gamla þjóðsögu
um stórbrotna vinnukonu í
Þykkvabæjarklaustri sem
Katla hét en því verður ekki
ljóstrað upp hér hvernig sú
saga fer.
Bergrún Arna er uppalin
í Vestur-Skaftafellssýslu og
viðurkennir að hafa gruflað
talsvert í Kötlu gegnum tíð-
ina, meðal annars gert um
hana mastersverkefni.
Fræðsluerindið heldur
Bergrún Arna á vegum Hins
íslenska Náttúrufræðifélags.
-gun
Kötlufróðleikur
fluttur í Öskju
BERGRÚN ARNA „Þetta verður
bara létt samantekt um Kötlu
gömlu,“ segir hún.
Elsku frænka okkar,
Ragna Sigurbjörg
Guðmundsdóttir
Norðdahl
hjúkrunarkona,
er látin. Útförin fer fram frá Hallgrímskirkju
þriðjudaginn 1. mars kl. 13.00.
Margrét Pálsdóttir
Norma Norðdahl
Sonur minn og bróðir okkar
Ævar Gíslason
Vanabyggð 2f Akureyri
lést 23. febrúar. Útför hans fer fram frá Akureyrarkirkju
miðvikudaginn 2. mars kl.13.30

Elín Sigurjónsdóttir
Kári Gíslason
Árni Gíslason
og fjölskyldur