Fréttablaðið - 21.12.2010, Blaðsíða 2

2 21. desember 2010 ÞRIÐJUDAGUR
Sævar, verður þú með hálsríg
það sem eftir er dagsins?
„Já, og hann verður alveg þess virði.
Svo fæ ég mér bara gott nudd á
eftir.“
Sævar Helgi Bragason er formaður
Stjörnuskoðunarfélags Seltjarnarness. Að
morgni dagsins í dag, lengsta dags ársins,
frá klukkan 7.40 til 8.54 verður almyrkvi
á fullu tungli sem hægt verður að fylgjast
með frá Íslandi.
LÖGREGLUMÁL „Það er miklu minna
af ólöglegum fíkniefnum í umferð
hér á landi eftir hrun,“ segir Þór-
arinn Tyrfingsson, yfirlæknir á
Vogi.
„Kannabisefnin og hassið eru
ekki eins sterk og áður tíðkað-
ist. Nærtækasta skýringin er sú
að okkar toll- og löggæsla er að
skila góðum árangri. Við höfum
einnig fjarlægst erlenda markaði
vegna gjaldeyrishafta og fleiri
þátta. Þessi þróun sést ekki ann-
ars staðar. Í Bandaríkjunum hefur
meðalstyrkur kannabisefna aukist
á síðasta áratug. Þetta er fyrst og
fremst sigur lögreglunnar hér.“
Jakob Kristinsson, prófessor
hjá Rannsóknarstofu í lyfja- og
eiturefnafræðum, staðfestir að
styrkleiki sýnishorna af hassi sem
greind hafi verið sé minni heldur
en á síðasta ári.
„Það er alveg klárt að hassið
á götunni er ekki eins sterkt og
áður,“ segir Jakob og bætir við að
erfiðara sé að segja til um styrk-
leika heimaræktaðra kannabis-
efna.
„Það er meira háð tilviljunum
sem felast fyrst og fremst í því
á hvaða stigi ræktunin er þegar
lögregla stöðvar hana. Sumt er
fullbúið en annað skemmra á veg
komið,“ útskýrir Jakob.
Hann segir enn fremur að styrk-
leiki sterkari fíkniefna sé mjög
breytilegur milli ára. Sé tekin
stór sending geti rannsóknarsýnin
skipt tugum, sem hafi mikil áhrif
á meðaltalið. Fjöldi sýna fari eftir
stærð sendingar.
Karl Steinar Valsson, yfirmaður
fíkniefnadeildarinnar á höfuð-
borgarsvæðinu, segir deildina
hafa lagt áherslu á aðgerðir gegn
innflutningi, sölu og dreifingu á
fíkniefnum.
„Við höfum kortlagt þetta
og gengið með aðgerðum inn í
þessa hópa. Það er enginn vafi,
til dæmis í ljósi dómsmála, að
búið er að ganga þokkalega á
marga þeirra. Enn eru þó hópar
starfandi og við höldum áfram
að reyna að stöðva þá sem hafa
lifibrauð af þessari skipulögðu
brotastarfsemi.“
Fréttablaðið sagði frá því í síð-
ustu viku að reynt hefði verið að
smygla hálfu kílói af efninu met-
hedrone, áður nær óþekktu hér, til
landsins. „Menn hafa leikið þenn-
an leik lengi,“ segir yfirlæknirinn
á Vogi. „E-pillan var upphaflega
markaðssett af því að hún var
ekki bönnuð formlega víða. Mér
sýnist þetta vera eitt af þessum
efnumsem menn reyna að smygla
á milli landa í þeirri von að þau
séu ekki skrásett sem ólögleg
fíkniefni.“ jss@frettabladid.is
FÍKNIEFNAHLASS Yfirlæknir á Vogi þakkar lögreglu og gjaldeyrishöftum þá þróun að
miklu minna af fíkniefnum sé í umferð nú en fyrir fáeinum árum. Á myndinni má sjá
fíkniefnahlass, um 109 kíló af amfetamíni, maríjúana, hassi og e-töflum, sem reynt
var að smygla til landsins á síðasta ári.
Miklu minna fram-
boð af fíkniefnum
Miklu minna af ólöglegum fíkniefnum er í umferð hér á landi nú en var fyrir
fáeinum árum, segir yfirlæknirinn á Vogi. Hann þakkar það lögreglu og gjald-
eyrishöftum. Prófessor í lyfja- og eiturefnafræði segir sum efnin lélegri en áður.
Haldlögð kannabisefni
- fíkniefnadeildar LRH*
2010 2009
Fjöldi mála 60 54
Fjöldi plantna 4.800 8.211
Þyngd plantna 190 kg 623 kg
Maríjúana 15,6 kg 13 kg
Hass 9,5 kg 4,6 kg
*Bráðabirgðatölur LRH til
1. desember bæði árin.
SPURNING DAGSINS
SAMKEPPNI Fréttablaðið og Vísir
efna til samkeppni um bestu mynd-
ina af tunglmyrkvanum sem verð-
ur í dag frá 7.40 til 8.54. Í fyrstu
verðlaun er glæsileg Sony NEX
myndavél og leikhúsmiðar í önnur
og þriðju verðlaun.
Myndunum skal skila inn á net-
fangið ljósmyndakeppni@fretta-
bladid.is fyrir klukkan 15 í dag.
Vinningsmyndin verður birt bæði
í Fréttablaðinu á morgun og á Vísi
ásamt fleiri myndum sem dóm-
nefnd telur athyglisverðar.
Ef veður leyfir sést myrkvinn
vel frá Íslandi. Spáð er heiðskíru
veðri á höfuðborgarsvæðinu.
Tunglið verður tiltölulega lágt á
lofti á vesturhimni, rétt fyrir ofan
Óríon, milli fótleggja Tvíburanna
og horna Nautsins.
Glæsileg myndavél í verðlaun í ljósmyndasamkeppni Fréttablaðsins og Vísis:
Besta tunglmyrkvamyndin
Maðurinn sem lést í umferð-
arslysi á sunnudag hét Hörður
Ingvaldsson og var til heimilis
í Reykjavík. Hann var fæddur
12. október árið 1960 og var
því fimmtugur að aldri. Hann
lætur eftir sig eiginkonu og
tvö uppkomin börn.
Lést í um-
ferðarslysi í
Reykjavík
FR
ÉT
TA
B
LA
Ð
IÐ
/V
IL
H
EL
M
TUNGLMYRKVI Tungl-
myrkvinn verður frá
7.40 til 8.54 í dag. Ef
veður leyfir sést hann
vel frá Íslandi.
KÖNNUN Helmingur landsmanna,
49,6 prósent, ætlar að vera með
gervijólatré á heimili sínu um
þessi jól, samkvæmt nýrri könn-
un MMR. Nokkuð færri, 41,6
prósent, verða með lifandi tré á
heimili sínu.
Samkvæmt könnuninni ætla
því 91,2 prósent landsmanna að
vera með jólatré heima hjá sér.
Einungis 8,8 prósent ætla að
sleppa því.
Í sambærilegri könnun sem
gerð var í Bretlandi í byrjun
mánaðar kom í ljós að 66 prósent
þátttakenda ætluðu að hafa gervi-
tré, 16 prósent lifandi tré og heil
19 prósent ekkert tré. - sh
Langflestir með jólatré:
Fleiri með gervi-
tré en ekta tré
DÓMSMÁL Héraðsdómur Reykja-
víkur hefur dæmt Þorstein M.
Jónsson, kenndan við kók, til að
greiða Nýja Landsbankanum 150
milljóna króna
víxil ásamt
dráttarvöxtum.
Víxillinn var
á gjalddaga 10.
ágúst 2008 í
gamla Lands-
bankanum en
við fall þess
banka tveimur
mánuðum síðar
færðist krafan
yfir í Nýja Landsbankann.
Þorsteinn bar því við að hann
hefði aldrei séð frumrit víxils-
ins. Frumritið var hinsvegar lagt
fram í réttarhaldinu. Gerði Þor-
steinn þrautavarakröfu í málinu
að dráttarvextir yrðu ekki reikn-
aðir frá ágúst 2008, heldur frá
9. mars í ár þegar frumritið var
lagt fram og féllst héraðsdómur á
þá kröfu. - sh
Þarf að greiða gjaldfallinn víxil:
Þorsteinn greiði
150 milljónir
ÞORSTEINN M.
JÓNSSON
GERVIJÓLATRÉ Helmingur landsmanna
verður með gervijólatré þessi jól.
Bæjarráð Voga segir fyrirhugaða
vegatolla á Reykjanesbraut myndu
fela í sér aukna skattlagningu á íbúa
Suðurnesja sem hefðu enga aðra leið
til að komast inn í Reykjavík þar sem
margir sæki vinnu. „Hugmyndin er
ekki til þess fallin að styðja við byggð
á Suðurnesjum eins og ríkisstjórnin
hefur áætlanir um,“ segir bæjarráðið.
VOGAR
Mótmæla vegatollum
Bæjarstjórn Hafnarfjarðar hefur falið
þjónustu- og þróunarstjóra bæjarins
að undirbúa sérstakt atvinnuátaks-
verkefni til að örva sölu á atvinnu-
lóðum.
HAFNARFJÖRÐUR
Átak í sölu atvinnulóða
FÍLABEINSSTRÖNDIN Evrópusam-
bandið ætlar að meina Laurent
Gbagbo um vegabréfsáritun vegna
kosninga á Fílabeinsströndinni.
Gbagbo, sem var forseti Fíla-
beinsstrandarinnar fyrir kosning-
ar, og Alassane Ouattara segjast
báðir hafa sigrað í forsetakosn-
ingum í landinu í síðasta mánuði.
Báðir hafa valið sér ráðherra og
svarið embættiseið. Sameinuðu
þjóðirnar og leiðtogar margra Afr-
íkuríkja hafa viðurkennt Ouattara
sem sigurvegara kosninganna.
Ferðabann á hendur Gbagbo
og 18 samstarfsmönnum hans
verður líklega samþykkt á næstu
sólarhringum að sögn embættis-
manna. - þeb
Gbagbo meinað að ferðast:
Settur í ferða-
bann hjá ESB
FJÖLMIÐLAR Hagnaður Ríkisút-
varpsins ohf. á reikningstímabil-
inu 2009 til 2010 nam 205 milljón-
um króna samkvæmt ársreikningi
RÚV.
Eignir RÚV námu 5,5 milljörð-
um og bókfært eigið fé í lok reikn-
ingstímabilsins 720 milljónum.
Eiginfjárhlutfallið er 13,1 prósent.
Auglýsingatekjur RÚV voru 1,3
milljarðar og hækka um rétt tæp
fimm prósent frá síðasta ársreikn-
ingi. Afnotagjöld voru 3,4 millj-
arðar og lækka um tvö hundruð
milljónir frá síðasta rekstrarári.
1,3 milljarða auglýsingatekjur:
Hagnaður RÚV
205 milljónir
MENNTAMÁL Katrín Jakobsdóttir
menntamálaráðherra hefur boðað
Kristínu Ingólfsdóttur, rektor
Háskóla Íslands, á fund sinn eftir
áramót til að ræða fyrirhugað-
ar aðgangstakmarkanir að skól-
anum. Þetta kom fram í fréttum
RÚV í gær.
Ráðherra telur að aðgangstak-
markanir séu síðasta úrræðið
sem Háskólinn geti gripið til til
að bregðast við þröngri fjárhags-
stöðu og vill því fá skýringar á því
hvernig skólinn hefur í hyggju að
standa að þeim.
Stjórnendur HÍ hafa ákveðið að
grípa til ýmissa
aðgerða til að
bregðast við
niðurskurðar-
kröfu stjórn-
valda. Starfs-
fólki verður
fækkað, starfs-
hlutfall lækkað,
hagrætt verð-
ur í kennslu og
gripið verður til
aukins aðhalds í rekstri.
Háskólaráð hefur sömuleiðis
ítrekað beiðni til stjórnvalda um
að fá að hækka skrásetningargjald
nemenda í skólann um 20 þúsund
krónur.
Katrín Jakobsdóttir sagði í frétt-
um RÚV í gær að vandlega þyrfti
að fara yfir allt málið. Stjórnvöld
hefðu lagt á það ríka áherslu að
Háskóli Íslands stæði nemendum
opinn og þangað gætu sem flestir
sótt menntun við hæfi.
Ljóst væri að staðan væri þröng,
en takmarkanir væru síðasta
úrræðið sem unnt væri að grípa
til.
Áætlað er að 900 nemendur
verði við skólann á næsta ári sem
ekki fylgi fjárveiting með.
Menntamálaráðherra fundar með rektor vegna viðbragða við niðurskurði:
HÍ vill takmarkaðri aðgang
KATRÍN
JAKOBSDÓTTIR
SVEITARSTJÓRNIR Félags- og trygg-
ingamálaráðuneytið hefur
hafnað ósk Kópavogsbæjar um
fjölgun dagvistarrýma. Ráðu-
neytið bendir á að vegna erfiðr-
ar fjárhagsstöðu ríkissjóðs hafi
á árunum 2009 og 2010 þurft að
fækka öldrunarrýmum og lækka
fjárveitingar til öldrunarmála.
Í fjárlögum næsta árs séu engar
fjárveitingar til að fjölga dag-
vistarrýmum.
Bæjarráð Kópavogs segist
harma ákvörðun ráðuneytisins,
brýn þörf sé fyrir dagvistarrými
í Kópavogi. „Bæjarráð bendir
jafnframt á að hjúkrunarrými í
Kópavogi eru hlutfallslega færri
en í sveitarfélögunum á höfuð-
borgarsvæðinu og brýnna úrbóta
þörf.“ - gar
Ráðuneyti synjar Kópavogi:
Fær ekki fleiri
dagvistarrými
KÓPAVOGUR Bæjarráð segir hlutfallslega
fá hjúkrunarrými í Kópavogi.