Fréttablaðið - 21.12.2010, Blaðsíða 24

24 21. desember 2010 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Í
drögum að breytingum á lögum um náttúruvernd, sem
umhverfisráðherra hefur lagt fram til kynningar, eru lagðar
til miklar og strangar takmarkanir meðal annars á skógrækt
og landgræðslu. Það má raunar fremur lesa það á milli línanna
en að það sé sagt beinum orðum, en tillögurnar gera ráð fyrir
að öll notkun erlendra trjá- og plöntutegunda við skógrækt og land-
græðslu verði háð ströngum skilyrðum og mikilli skriffinnsku og
umhverfisráðherra geti lagt við
henni blátt bann.
Skilgreiningarnar í frumvarp-
inu lúta að því að skilgreina allar
tegundir, sem menn hafa flutt
til landsins, sem annars flokks.
Þannig eru lífverur sem koma
náttúrulega fyrir í vistkerfum
landsins skilgreindar sem „lífver-
ur sem hér voru til staðar við landnám og lífverur sem síðan hafa
borist til landsins af eigin rammleik og haslað sér völl í lífríki þess
án íhlutunar manna“. Í tilviki plantnanna er miðað við útgáfu Flóru
Íslands frá 1948, þ.e. áður en innflutningur margvíslegra erlendra
plöntutegunda hófst að ráði. Þetta bendir til að frumvarpshöfundar
vilji helzt hafa gróðurfar á Íslandi eins og það var fyrir sextíu
árum.
Ekki virðist heldur mikið gert úr því þrotlausa starfi sem skóg-
ræktarfélögin hafa unnið áratugum saman, mikið til með erlend-
um trjátegundum, sem hafa stórbætt land- og lífsgæði á Íslandi.
Þannig segir í frumvarpinu: „Land sem er þaulræktað, svo sem tún,
akrar eða skógræktarsvæði sem í hefur verið plantað framandi
trjátegundum, telst ekki náttúrulegt.“
Skógrækt ríkisins, ein af undirstofnunum umhverfisráðuneytisins,
lízt augljóslega ekki á tillögurnar og spyr á heimasíðu sinni hvort
menn vilji banna skógrækt. Þar er skógræktarfólk hvatt til að kynna
sér frumvarpsdrögin og segja sitt álit. Stöð 2 sagði frá málinu í gær
og ræddi við Aðalstein Sigurgeirsson, forstöðumann Rannsóknar-
stöðvar Skógræktar ríkisins á Mógilsá. Aðalsteinn segir „ströngustu
hreintrúarmenn í náttúrufarsmálum“ ráða för við frumvarpssmíð-
ina og úr drögunum megi lesa að þar séu „mikil öfgasjónarmið“
ríkjandi.
Þetta er kannski djúpt í árinni tekið, en svo mikið er víst að hér
eru á ferð róttæk sjónarmið, í bókstaflegri merkingu þess orðs. Við
frumvarpssmíðina virðist hafa verið tekin afstaða gegn því mikla
og merkilega átaki, sem gert hefur verið í landgræðslu og skógrækt
undanfarna áratugi, meðal annars með því að finna erlendar trjá- og
plöntutegundir sem henta vel íslenzkum aðstæðum. Þessar hugmynd-
ir eru af sama toga og ofsóknirnar gegn hinni frábæru landgræðslu-
jurt, lúpínunni, sem umhverfisráðherra beitir sér nú fyrir.
Undarlegast af öllu er að þessar tillögur skuli settar fram í nafni
líffræðilegar fjölbreytni, því að ef þær ná fram að ganga munu þær
augljóslega valda meiri fábreytni í flóru Íslands.
Það er full ástæða fyrir hinn stóra hóp landgræðslu- og
skógræktarfólks, sem vill lífríki Íslands vel, til að láta í sér heyra
vegna þessara hugmynda.
HALLDÓR
Ólafur Þ.
Stephensen
olafur@frettabladid.is
SKOÐUN
Capacent spurði borgarbúa í október hvaða þjónustu Reykjavíkurborg þyrfti helst að
bæta. Það atriði sem flestir nefndu var að
það þyrfti að bæta almenningssamgöngur,
tæp 16%. Ég hef ekki séð neina umfjöllun
um þessar merkilegu niðurstöður. Meira en
þúsund Reykvíkingar voru í úrtakinu og 77%
svöruðu. Númer tvö á listanum yfir þjónustu
sem Reykjavíkurborg þyrfti helst að bæta
var þjónusta við eldri borgara. Númer þrjú
var svo: „Göngu-/hjólastígar/stuðningur við
bíllausan lífsstíl.“ Tæp 13% nefndu það.
Það eru þess vegna heldur kaldar kveðjur
sem meirihlutinn í Reykjavík sendir borg-
arbúum með því að skera niður þjónustu
Strætó. Hækkun á fargjöldum og lélegri
þjónusta er það sem borgarbúar fá, jafnvel
þótt þeir séu á sama tíma látnir borga meira í
sameiginlega sjóði Reykjavíkur. Þessi meiri-
hluti lofaði því í málefnasamningi að „efla
almenningssamgöngur og auka tíðni“.
Í kosningaloforðum Samfylkingarinnar í
vor sagði: „Strætisvagnar eiga að ganga á
10 mínútna fresti á álagstímum. Þeir ganga
alla daga ársins.“ Ekkert hefur verið gert
til að uppfylla þessi loforð, heldur eru fram-
lög til Strætó verulega skorin niður í fyrstu
fjárhagsáætlun þessa sama flokks. Þeir fáu
dagar sem akstur hefur verið felldur niður
eru áfram strætólausir, þótt Samfylkingin
hafi komist til valda.
Síðast þegar Samfylkingin var í meirihluta
í Reykjavík, í R-lista brallinu, var stöðugt
talað um betri almenningssamgöngur. En
mikill munur var á orðum og efndum. Á þeim
tíma versnaði nefnilega þjónusta Strætó og
farþegum fækkaði sífellt.
Undanfarið hafa hins vegar vaknað vonir
um að þetta væri að breytast. Fleira fólk
nýtir sér nú Strætó, þjónustan hefur batn-
að með auknum forgangi í umferðinni, góðu
viðmóti vagnstjóra, merktum biðskýlum og
nemakortum fyrir námsmenn, svo fátt eitt
sé nefnt. Borgarbúar átta sig vel á mikil-
vægi almenningssamgangna, líka þeir sem
ekki nota þær. Hver og einn fullur Strætó í
morgunumferðinni er í raun að fækka bílum
á götunni um 60-70, miðað við að notendur
hans væru ella akandi. Það er auðvelt að
sjá fyrir sér hversu slæmt ástandið væri á
götunum ef Strætó nyti ekki við. En einmitt
þegar jákvæð teikn virðast á lofti ákveður
meirihlutinn í Reykjavík að ganga á bak orða
sinna og skerða þjónustu Strætó.
Lofaði Samfylkingin líka að svíkja öll
loforðin sín?
Lofaði Samfylking að svíkja?
Borgarmál
Gísli Marteinn
Baldursson
borgarfulltrúi
Sjálfstæðis-
flokksins
Þú færð Fréttablaðið á kostnaðarverði
á 120 stöðum um land allt. Nánari
upplýsingar á visir.is/dreifing
Þú getur alltaf lesið Fréttablaðið frítt
á Vísi eða fengið sendan daglegan
tölvupóst með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
Rýnt í Árna
Út er komið nýtt hefti öndvegisritsins
Þjóðmála. Þar kennir ýmissa grasa,
en meðal þess allra bitastæðasta er
dómur um bókina Árni Matt – Frá
bankahruni til byltingar, eftir Árna
sjálfan og Þórhall Jósepsson. Það
er sannarlega þarft verk að rýna í
bækur sem umdeildir menn skrifa
um sjálfa sig og ritstjórinn Jakob
F. Ásgeirsson hefur því feng-
ið einvala mann í verkið:
Einar K. Guðfinnsson,
sem sat í ríkisstjórn
með Árna í fjögur ár og
var þar áður formaður
þingflokks Sjálfstæðis-
flokksins.
Árni upptekinn?
Í fljótu bragði kemur aðeins einn
maður upp í hugann sem hefur betri
forsendur en Einar til að meta bók-
ina. Það er Árni M. Mathiesen sjálfur.
Hann hefur líklega verið upptek-
inn þegar Jakob hringdi.
Forföll til styrkingar
Í ljós hefur komið að
varamaður Þráins Bertels-
sonar á þingi, Katrín
Snæhólm Baldurs-
dóttir, styður ekki
ríkisstjórnina.
Það þarf
ekki að
koma
á óvart, enda bauð hún sig fram
fyrir Borgarahreyfinguna. Þetta
þýðir hins vegar að Þráinn má ekki
forfallast án þess að hætta á að
stjórnarmeirihlutinn falli. Þeim sem
óttast þetta ástand er kannski
huggun í því að varamenn
Atla Gíslasonar, Ásmundar
Einars Daðasonar og
Lilju Mósesdóttur buðu
sig allir fram fyrir Vinstri
græna og styðja því líklega
stjórnina. Ef þremenn-
ingarnir forfallast ætti
stjórnarmeirihlutinn
því að styrkjast.
stigur@frettabladid.is
Tillögur um takmörkun á skógrækt eru af sama
toga og ofsóknirnar gegn lúpínunni.
Fábreytni í nafni
fjölbreytni?