Fréttablaðið - 21.12.2010, Blaðsíða 8
8 21. desember 2010 ÞRIÐJUDAGUR
1. Hver er varaþingmaður
Þráins Bertelssonar?
2. Hvað hefur Gylfi Þór
Sigurðsson knattspyrnumaður
skorað mörg mörk á
tímabilinu?
3. Hvað hefur lögreglan á
Suðurnesjum tekið mikið af
fíkniefnum á árinu?
SVÖR:
1. Katrín Snæhólm Baldursdóttir 2. Sex
3. 65 kíló
Nóatúni 4 · Sími 520 3000
www.sminor.is
Heimilistæki, ljós og
símar í miklu úrvali.
Girnileg jólatilboð.
Líttu inn. Við tökum
vel á móti þér.
Smith & Norland
gleður þig um jólin.
A
T
A
R
N
A
fyrir
★★★★
SÝRÓPSMÁNINN EFTIR EIRÍK GUÐMUNDSSON
Fréttablaðið
„Textinn er eins og hunang ... fullur af ógleymanlegum myndum,
óvæntum vísunum og glænýrri sýn á raunveruleikann.“
– Friðrika Benónýsdóttir, Fréttablaðið
Eiríkur Guðmundsson hlaut í gær
viðurkenningu úr Rithöfundasjóði RÚV.
„Sýrópsmáninn
er ótrúleg bók.
Textinn er dása
mlegur,
hnyttinn, djúpu
r...“
Grímur Atlason,
Miðjan.is
★★★★
„Textinn er kraftmikill
og ljóðrænn.“
Skafti Halldórsson,Morgunblaðið
„Fallegt,
hugmyndaríkt, ljóðrænt ...“
Páll Baldvin, Kiljunni
BRETLAND, AP Tólf menn voru handteknir í
Bretlandi snemma morguns í gær. Mennirn-
ir eru grunaðir um að hafa skipulagt hryðju-
verkaárásir í landinu.
Mennirnir eru á aldrinum 17 til 28 ára,
fimm eru frá Cardiff, fjórir frá Stoke og þrír
frá London. Fregnir herma að einhverjir
hinna handteknu séu frá Bangladess.
Allir voru þeir handteknir á eða við heim-
ili sín, nema einn sem var handtekinn í
Birmingham. Þeir voru handteknir af óvopn-
uðum lögreglumönnum, sem þykir benda til
þess að ekki hafi verið talið líklegt að menn-
irnir myndu fremja árásir á næstunni.
Lögregla hefur litlar upplýsingar gefið um
málið og segir rannsókn þess á frumstigi.
Fylgst hafði verið með mönnunum í nokkrar
vikur og í tilkynningu kemur fram að nauð-
synlegt hafi verið talið fyrir þjóðaröryggi að
handtaka mennina nú.
Ekki er talið að þeir tengist hryðjuverka-
árásinni í Stokkhólmi fyrir skemmstu, en
árásarmaðurinn hafði búið í Englandi. Í kjöl-
far þeirrar árásar var því haldið fram að al
Kaída stæði fyrir mörgum árásum á evr-
ópsk og bandarísk skotmörk í kringum jólin.
Þessu hafa yfirvöld í Bretlandi og Þýska-
landi hafnað. - þeb
Tólf menn grunaðir um að hafa skipulagt hryðjuverkaárásir í Bretlandi:
Handteknir vegna gruns um hryðjuverk
Í STOKE Lögreglukona fer inn í eitt húsanna sem leitað
var í í borginni Stoke vegna meintu hryðjuverkamann-
anna í gær. NORDICPHOTOS/AFP
LÖGREGLUMÁL Mennirnir þrír sem
frömdu vopnað rán á Selfossi
fyrir rúmri viku eru allir komnir
í fangelsi.
Tveir af þeim hafa verið úrskurð-
aðir í héraðsdómi til að ljúka afplán-
un dóma sem þeir höfðu áður feng-
ið. Þeir voru báðir á reynslulausn.
Sá þriðji, Emil Freyr Júlíusson,
var dæmdur í tveggja ára fang-
elsi í Hæstarétti í síðustu viku
fyrir fjölda brota og er byrjaður að
afplána sinn dóm.
Við rannsókn málsins kom fram
að tveir þessara manna, Emil Freyr
ásamt öðrum, höfðu framið annað
rán nokkrum dögum áður en þeir
létu til skarar skríða laugardaginn
fyrir viku. Það rán átti sér einnig
stað á Selfossi og leikur grunur á
að þar hafi þeir einnig ógnað hús-
ráðanda, sem var einn heima, með
hnífum eins og í síðara skiptið. Hús-
ráðandi í fyrra málinu varð svo ótta-
sleginn eftir hótanir mannanna að
hann þorði ekki að kæra. Þeir hrifs-
uðu með sér tölvur og tölvubúnað
sem þeir fundu á heimilinu.
Mennirnir tveir sem dæmdir
hafa verið til að ljúka afplánun refs-
ingar sinnar sættu áður gæsluvarð-
haldi. Annar þeirra átti óafplánaða
156 daga, en hinn 255 daga.
Vonir standa til að rannsókn
ljúki á næstu dögum og málið
verði þá sent ákæruvaldi til frek-
ari ákvörðunar.
- jss
SELFOSS Mennirnir brutust tvisvar inn á heimili á Selfossi og rændu fólkið sem þar
bjó.
Fórnarlamb þorði ekki að kæra tvo menn af þremur sem rændu hann:
Þrír ræningjar komnir í fangelsi
FÓLK „Það var svolítið erfitt að læra
á þessi forrit en mjög gaman,“ segir
Adrian Sölvi Ingimundarson, þrett-
án ára rithöfundur. Adrian er búinn
að skrifa, myndskreyta og brjóta
um tvær barnabækur sem eru
komnar í sölu. Hann lærði á Adobe
Photoshop og InDesign frá grunni
og setti bækurnar sjálfur upp með
þeim forritum. „Ég fékk hugmynd-
ina að fyrstu bókinni þegar ég var í
göngutúr með ömmu minni í Frakk-
landi. Við ákváðum að fara heim og
myndskreyta hana og svo þróaðist
þetta út í fullgerðar bækur.“
Adrian Sölvi er búinn að gera
tvær barnabækur sem bera heitin
Grái litli og Ertu svona lítill? Móðir
hans er frönsk og hefur fjölskyld-
an dvalið þó nokkuð í Frakklandi.
Adrian talar frönsku reiprennandi
en segist þó ætla að búa á Íslandi í
framtíðinni. Eins og er langar hann
þó ekki að verða rithöfundur, held-
ur vinna sem leiðsögumaður og
stunda mikla útivist. „Það er best
að vera á Íslandi,“ segir Adrian.
Ingimundur Þór Þorsteinsson,
faðir Adrians Sölva, segir hug-
myndina alfarið vera sonar síns.
„Þessar bækur eru einnig skilaboð
frá foreldrum til annarra foreldra
um að börn hafa gott af því að gera
svona verkefni og takast á við þau.
Þau geta gert svona stóra hluti,“
segir hann. „Að fá hugmynd og
framkvæma hana alveg til enda er
þroskandi þó að það sé ekki alltaf
auðvelt.“
Ingimundur bendir einnig á
að Adrian hafi náð að nýta alla
þá kunnáttu sem hann afli sér í
skólanum meðfram því að búa til
bækurnar.
„Við notuðum stærðfræði mikið
þegar við vorum að átta okkur á því
hvaða verð ætti að setja á bækurn-
ar til þess að láta þær standa undir
kostnaði,“ segir hann. „Hann not-
aðist beint við það sem hann var
að læra í skólanum og gerði sér vel
grein fyrir því fyrir vikið að ekki
er allt sem maður lærir í skóla út
í loftið.“
Bækur Adrians Sölva eru til
sölu í versluninni Eitthvað íslenskt
á Skólavörðustíg 14 í Reykjavík
og verða líklega til í Pennanum
Eymundsson eftir áramót.
Adrian Sölvi áritar bækur sínar
í versluninni í vikunni.
sunna@frettbladid.is
13 ára rithöfundur
gefur út tvær bækur
Adrian Sölvi Ingimundarson er þrettán ára rithöfundur sem gefur út tvær bæk-
ur fyrir jól. Hugmyndirnar fékk hann á göngu með ömmu sinni í Frakklandi.
Adrian Sölvi annaðist hönnun og umbrot á bókum sínum einn síns liðs.
RITHÖFUNDURINN UNGI Adrian Sölvi með bækurnar sínar tvær, Ertu svona lítill? og
Grái litli. Bækurnar kosta 1.500 krónur og eru til sölu í Eitthvað íslenskt á Skóla-
vörðustíg. FRÉTTABLAÐIÐ/VILHELM
Að fá hugmynd og
framkvæma hana
alveg til enda er þroskandi þó
að það sé ekki alltaf auðvelt.
ADRIAN SÖLVI INGIMUNDARSON
ÞRETTÁN ÁRA RITHÖFUNDUR
VEISTU SVARIÐ?