Fréttablaðið - 21.12.2010, Blaðsíða 64

21. desember 2010 ÞRIÐJUDAGUR60
sport@frettabladid.is
19
DAGAR
DANIR hafa oftast allra tapað leik um verðlaunasæti á HM í handbolta. Þeir hafa einu sinni tapað úrslitaleik (1967)
og hafa síðan tapað sex sinnum leik um bronsið, síðast fyrir Pólverjum á HM í Króatíu 2009. Danir hafa aðeins einu
sinni unnið leik um verðlaun á HM en það var þegar þeir unnu bronsið á HM í Þýskalandi 2007.
HANDBOLTI „Það lítur út fyrir að
fallbyssan fari ekki á HM,“ segir
Logi Geirsson en honum gengur
afar illa að ná bata vegna langvar-
andi axlarmeiðsla. „Það þarf
kraftaverk til þess að ég komist á
HM eins og staðan er í dag.“
Um eitt og hálft ár er síðan Logi
fór í aðgerð í Þýskalandi vegna
meiðslanna en þrátt fyrir mikla
hvíld og góða meðhöndlun hefur
honum gengið afar illa að fá bót
meina sinna.
Hann hefur ekki getað beitt
sér sem skyldi með FH í vetur
og tók sér frí frá handboltaiðkun
um mánaðamótin. Þá fór hann í
sprautumeðferð sem virðist ekki
hafa skilað neinu.
„Þessar sprautur hafa því miður
ekki skilað mér miklu. Ég er búinn
að fara á skotæfingar og er alls
ekki nógu góður. Ég mun vera
í góðum höndum sjúkraþjálfar-
ans Róberts Magnússonar næstu
daga og vona það besta. Ég get
ekki gert meira eins og staðan er í
dag,“ segir Logi, sem virtist vera
á fínum batavegi er hann átti mjög
góðan leik fyrir landsliðið gegn
Lettum í október.
„Eftir á að hyggja voru það lík-
lega mistök að spila þann leik.
Maður veit samt aldrei. Á þeim
tíma var ég að komast á gott
skrið.“
Ætlaði að vinna gull á HM
Logi getur ekki neitað því að það
séu gríðarleg vonbrigði að missa
væntanlega af HM enda sér hann
fyrir sér að landsliðið geti gert það
verulega gott í Svíþjóð.
„Ég var búinn að gíra mig upp
í að ég væri að fara til Svíþjóðar
til þess að vinna gull. Ég hef mjög
háleit markmið sem persóna og
íþróttamaður enda hef ég stefnt
leynt og ljóst að því að vinna gull í
Svíþjóð síðan við unnum bronsið í
Austurríki. Ég hef gríðarlega trú
á þessu landsliði sem við eigum og
það verður grátlegt að þurfa vænt-
anlega að fylgjast með úr sófanum
heima.
Það er verulega svekkjandi að
geta ekki spilað með Íslandi, sem
á möguleika á að vinna mótið. Ég
væri ekki eins svekktur ef ég væri
að spila með landsliði sem ætti
ekki möguleika á að vinna. Það er
eitthvað að fara að gerast á þessu
móti,“ segir Logi súr og svekktur.
Miðjumaðurinn úr Hafnarfirð-
inum getur ekki leynt því að hann
sé orðinn langþreyttur á þessum
meiðslum og hann segir vel koma
til greina að fara í aðra aðgerð á
öxlinni.
„Ég þarf að ræða við lækna-
teymi landsliðsins um framhald-
ið. Það er ekkert ólíklegt að við
opnum öxlina og kíkjum inn. Ein-
hvers staðar er lausnin og hana
verður að finna. Það er mjög
pirrandi að geta ekki beitt sér af
fullum krafti og ég tala ekki um
eftir allan þennan tíma. Það er í
raun fáránlegt að ég sé ekki orð-
inn betri en raun ber vitni. Ég er
búinn að reyna allt sem hægt er að
gera,“ segir Logi, sem leyfir sér
þó að brosa í gegnum tárin. „Það
eru ekki alltaf jólin þó svo að þau
séu núna.“ henry@frettabladid.is
Það þarf kraftaverk til
þess að ég komist á HM
Fátt bendir til þess að Logi Geirsson muni spila með íslenska handboltalands-
liðinu á HM í Svíþjóð í janúar. Öxlin er enn að plaga hann og batinn er ekki
hraður. Logi útilokar ekki að fara í aðra aðgerð vegna meiðslanna.
EKKERT GULL Í JANÚAR? Logi Geirsson ætlaði sér að vinna heimsmeistaratitil með
landsliðinu í janúar en þarf líklega að fylgjast með mótinu úr sófanum heima hjá sér.
FRÉTTABLAÐIÐ/ANTON
Önnur
þjónusta
Dekk Púst Smurning Bremsur Fjöðrun Rafgeymar
Skoðaðu www.bjb.is.
Komdu í BJB.
Opið: mánud. til fimmtudaga kl. 8:00 - 18.00, föstudaga kl. 8:00 - 16:30.
BJB | Flatahrauni 7 | 220 Hafnarfirði | Sími 565 1090 | www.bjb.is
Fullt af
ómissan
di
aukahlut
um fyrir f
jórhjól
Við hjá BJB þjónustum einnig
fjórhjólið þitt. Setjum aukahlutina á,
skiptum um olíu, rafgeymi eða
sinnum öðru reglulegu viðhaldi.
Njóttu þess að ferðast. Kauptu réttu
aukahlutina fyrir fjórhjólið hjá BJB.
Vertu rétt græjaður
HANDBOLTI Íslenska 21 árs lands-
liðið tapaði 32-35 á móti Noregi
í þriðja og síðasta æfingaleik
þjóðanna sem fram fór á Selfossi
í gærkvöldi. Ísland vann fyrsta
leikinn 29-29 en liðin gerðu síðan
25-25 jafntefli í öðrum leiknum.
Ísland var 15-12 yfir mínútu
fyrir hálfleik en Norðmenn skor-
uðu þrjú síðustu mörkin í hálf-
leiknum og gerðu síðan út um
leikinn með því að breyta stöð-
unni úr 24-24 í 25-30 þegar tíu
mínútur voru eftir.
Selfyssingurinn Ragnar
Jóhannsson var markahæstur en
hann skoraði 7 mörk, einu meira
en Guðmundur Hólmar Helga-
son og Oddur Gretarsson. Arnór
Stefánsson varði 16 skot þar af 12
þeirra í fyrri hálfleik. - óój
Íslenska 21 árs landsliðið:
Töpuðu fyrir
Noregi í gær
RÓBERT ARON HOSTERT Skoraði 4 af 5
mörkum sínum í fyrri hálfleik.
KÖRFUBOLTI Hlynur Bæringsson
og Jakob Örn Sigurðarson fóru
á kostum í 94-88 sigri Sundsvall
Dragons á toppliði LF Basket í
sænsku úrvalsdeildinni í körfu-
bolta í gærkvöldi.
Hlynur var stigahæstur hjá
Sundsvall með 23 stig og Jakob
Örn Sigurðarson var með 22 stig
og 5 stoðsendingar. Þeir hittu
saman úr 12 af 18 skotum sínum
utan af velli í leiknum og settu
enn fremur niður 16 af 17 vítum
sínum.
Sundsvall Dragons
hefur verið á miklu
skriði upp á síðkast-
ið, ekki síst fyrir
frábæra frammi-
stöðu þeirra
félaga. Þetta var
sjöundi sigur
liðsins í röð í
deildinni og
hann kom
liðinu
upp í 3.
sætið. - óój
Hlynur og Jakob í Sundsvall:
Skoruðu saman
45 stig í sigri
FÓTBOLTI Manchester City
tókst ekki að taka toppsætið af
nágrönnum sínum í Manchester
United í gærkvöldi og vera á
toppnum yfir jólin. Manchester
City tapaði 1-2 á heimavelli á móti
Everton en gestirnir úr Bítla-
borginni höfðu ekki unnið leik
síðan 30. október.
Manchester City er því áfram
með 32 stig, tveimur stigum á
eftir Manchester United en búið
að spila tveimur fleiri leikjum.
Tim Cahill og Leighton Baines
komu Everton í 2-0 á fyrstu 19
mínútum leiksins en Manchester
City náði að minnka muninn á 72.
mínútu með sjálfsmarki Phils Jag-
ielka tólf mínútum eftir að Evert-
on-maðurinn Victor Anichebe var
rekinn útaf með tvö gul spjöld.
Carlos Tevez tilkynnti fyrir
leikinn að hann væri hættur við
að vilja fara frá City og bar hann
fyrirliðabandið í leiknum. Tevez
tókst þó ekki að skora enda var
Tim Howard í miklu stuði í marki
Everton. - óój
Manchester City í gærkvöldi:
Tókst ekki að
taka toppsætið
ÁFRAM HJÁ CITY Carlos Tevez er hættur
við að fara frá Man. City. MYND/AP
FÓTBOLTI Emil Hallfreðsson skor-
aði tvö mörk fyrir Hellas Verona
sem vann 4-0 sigur á botnliði
Paganese í ítölsku C-deildinni í
gærkvöldi. Verona komst upp úr
fallsæti með þessum góða sigri.
Emil skoraði bæði mörkin í
fyrri hálfleik, það fyrra með
þrumuskoti af teig á 13. mín-
útu og það seinna með skoti eftir
skyndisókn á 31. mínútu. Emil
kom Verona í 1-0 og í 3-0 í leikn-
um en öll mörk liðsins komu á
fyrstu 45 mínútunum.
Emil hafði skorað 2 mörk í
fyrstu 14 leikjum tímabilsins og
tvöfaldaði því markaskor sitt í
þessum leik. - óój
Emil Hallfreðsson í gær:
Var með tvö
mörk í stórsigri
FR
ÉTTA
B
LA
Ð
IÐ
/VILH
ELM