Fréttablaðið - 21.12.2010, Qupperneq 34

21. desember 2010 ÞRIÐJUDAGUR34
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
timamot@frettabladid.is
Tímaritið Furðusögur leit dagsins ljós
á dögunum. Ritstjóri þess er Alex-
ander Dan Vilhjálmsson, nemi í rit-
list við Háskóla Íslands. Hann hefur
unnið að blaðinu í að verða heilt ár.
„Ég var hins vegar búinn að ganga
lengi með þá hugmynd að gera eitt-
hvað tengt furðuskáldskap,“ segir
Alexander. Hann er beðinn um að
útskýra fyrir blaðamanni í hverju
sú bókmenntastefna felist. „Furðu-
skáldskapur er íslenska orðið yfir
„Weird fiction“ sem er yfirheiti yfir
fantastískan skáldskap á borð við
vísindaskáldskap, hryllingsskáld-
skap og fantasíur. Furðuskáldskap-
ur er því blanda af þessum og fleiri
bókmenntastefnum.“
Alexander hefur ávallt haft áhuga á
bókmenntum af þessum toga og von-
ast til þess að skapa nýja strauma í
íslenskum skáldskap og listum með
því að bjóða upp á opinn vettvang
fyrir tilraunir á sviði furðuskáldskap-
ar sem lítið hafi farið fyrir hér á landi
hingað til.
Fyrir tæpu ári auglýsti Alexander
eftir efni í blaðið og fékk fleiri grein-
ar en hann hafði búist við. „Þær féllu
ekki allar undir þessa bókmennta-
stefnu en ég hafði þó úr nógu að velja
í fyrsta tölublaðið,“ segir Alexander
sem á sjálfur eina sögu í blaðinu.
En hverjir lesa svona sögur? „Ster-
eótýpan er vitanlega fólkið sem sækir
í Nexus. En hins vegar hefur orðið
breyting á síðustu árum og svona
sögur eru farnar að öðlast stærri
sess hjá bókmenntaunnendum,“ segir
hann og vill meina að mun breiðari
hópur lesi fantastískar sögur í dag
en var áður. „Það þykir mun sjálf-
sagðara að lesa slíkar sögur í dag,“
segir Alexander og nefnir sem dæmi
Harry Potter, Hringadróttinssögu og
Narníubækurnar.
Alexander hlaut nýlega nýræktar-
styrk Bókmenntasjóðs og segir hann
það hafa skipt sköpum. Hann gerir ráð
fyrir að tímaritið verði árlegt til að
byrja með en vonast til að geta fjölg-
að þeim í tvö á ári.
Í fyrsta tölublaði Furðusagna eru tíu
smásögur eftir átta höfunda, umfjall-
anir um tvo myndlistarmenn, ein
teiknimyndasaga og viðtal við Emil
Hjörvar, sem nýlega gaf út Sögu Eft-
irlifenda – Höður og Baldur. Tímarit-
ið er til sölu í Nexus, Bóksölu stúdenta
og Farmers market á Granda. Hann
býst við að eintök verði í helstu bóka-
búðum á næstunni.
Í framtíðinni verður hægt að leita
upplýsinga á vefsíðunni www.furdu-
sogur.is en hún er nú í vinnslu.
solveig@frettabladid.is
ALEXANDER DAN VILHJÁLMSSON: GEFUR ÚT TÍMARITIÐ FURÐUSÖGUR
Æ fleiri fíla furðuskáldskap
RITSTJÓRINN Alexander Dan Vilhjálmsson með eintak af Furðusögum, tímariti sem hann gaf nýverið út. FRÉTTABLAÐIÐ/VILHELM
FRANK ZAPPA tónlistarmaður (1940-1993) fæddist þennan dag.
„Rokkblaðamennska felst í því að fólk sem kann ekki að skrifa tekur viðtöl
við fólk sem kann ekki að tala fyrir fólk sem kann ekki að lesa.“
Þennan dag árið 2007 bættust níu aðild-
arlönd við Schengen-svæðið. Það voru
Eistland, Lettland, Lithá--en, Malta, Pólland,
Slóvakía, Slóvenía, Tékkland og Ungverja-
land. Alls hafa 28 Evrópuríki skrifað undir
Schengen-samninginn, það eru öll aðildar-
ríki Evrópusambandsins, fyrir utan Bretland
og Írland, og Noregur, Ísland og Sviss að
auki, en Ísland gekk í Schengen árið 2001.
Hins vegar hefur samningurinn ekki tekið
gildi ennþá nema í fimmtán ríkjum.
Upphaflegi Schengen-samningurinn
var undirritaður af fimm ríkjum (Belgíu,
Frakklandi, Hollandi, Lúxemborg og
Þýskalandi) 14. júní 1985 um borð í skipi
á ánni Moselle rétt hjá þorpinu Schengen í
Lúxemborg.
Markmið samstarfsins er að auðvelda
ferðir fólks innan Schengen-svæðisins með
því að afnema persónueftirlit á innri landa-
mærum þess en styrkja eftirlitið á sameig-
inlegum ytri landamærum svæðisins.
ÞETTA GERÐIST: 21. DESEMBER 2007
Schengen-svæðið stækkar
Elskulegur eiginmaður minn, faðir
okkar, tengdafaðir, afi og langafi
Jón Haukur
Sigurbjörnsson
Stekkjagerði 8, Akureyri,
lést að heimili sínu sunnudaginn 12. desember. Útför
hans fer fram frá Akureyrarkirkju þriðjudaginn
28. desember kl. 13.30. Þeim sem vilja minnast hans er
bent á að láta Heimahlynningu á Akureyri njóta þess.
Halldóra Júlíana Jónsdóttir
Haukur Jónsson Þóra Kristín Óskarsdóttir
Sigurbjörn Jónsson
Rósa Jónsdóttir
Örn Kató Hauksson
Arna Katrín Hauksdóttir
Sigurður Pálmi Sigurbjörnsson
Jóhanna Sól Sigurbjörnsdóttir
Ásta Björk Birgisdóttir Þorsteinn Gunnarsson
Berglind Rósa Birgisdóttir
Snæbjörn Kári Þorsteinsson
Innilegar þakkir fyrir auðsýnda samúð
við andlát og útför okkar elskulega
föður, tengdaföður og afa,
Alexanders
Alexanderssonar
Melalind 8, áður Holtagerði 62,
Kópavogi.
Guð gefi ykkur öllum gleðileg jól.
Hjördís Alexandersdóttir Guðmundur Jón Jónsson
Bára Alexandersdóttir Þórarinn Hjálmarsson
Erla Alexandersdóttir Sigurður Jón Ragnarsson
barnabörn og barnabarnabörn
Elskulegur faðir okkar, tengdafaðir, afi
og langafi
Bjarki Þorvaldur
Baldursson
Smárahlíð 6d Akureyri,
lést fimmtudaginn 9. desember. Útför hans hefur farið
fram.
Anna Guðrún Bjarkadóttir
Sigríður Hrönn Bjarkadóttir Hafsteinn Pétursson
Heiðrún Edda Bjarkadóttir
Bjarki Þór Bjarkadóttir Ingibjörg M.
Ingibergsdóttir
afa- og langafabörn
Okkar ástkæri
Ólafur Bergmann
Ásmundsson
Geislalind 4, Kópavogi
lést að morgni föstudagsins 17. desember á Land-
spítalanum Fossvogi. Útför hans fer fram frá Linda-
kirkju Kópavogi miðvikudaginn 22. desember kl. 11.00.
Málfríður Ólína Viggósdóttir
Aðalbjörg Ólafsdóttir
Halldóra Ólafsdóttir
Heiðrún Ólafsdóttir
Ragnheiður Ólafsdóttir
Ólafur Már Ólafsson
og fjölskyldur.
AFMÆLI
ÁSDÍS OLSEN
dagskrárgerð-
armaður er
48 ára.
REGÍNA ÓSK
ÓSKARSDÓTT-
IR söngkona
er 33 ára.
GÍSLI SNÆR
ERLINGSSON
kvikmynda-
gerðarmaður
er 46 ára.
ÖRLYGUR
HÁLFDÁNAR-
SON bókaút-
gefandi er 81
árs.
merkisatburðir
1844 Jónas Hallgrímsson yrkir stökur sem hefjast á orðunum:
„Enginn grætur Íslending.“
1929 Varðskipið Þór strandar á Sölvabakkafjörum við Húnaflóa.
1945 Ölfusárbrú við Selfoss er formlega opnuð fyrir umferð.
1952 Kveikt er á stóru jólatré við Austurvöll, en það var fyrsta
jólatréð sem Óslóarbúar gáfu Reykvíkingum.
1969 Árnagarður er vígður, en húsið var meðal annars byggt til
að búa í haginn fyrir komu handritanna.
1989 Sigurður Þorvaldsson á Sleitustöðum í Skagafirði deyr,
elstur íslenskra karla, 105 ára og 333 daga.