Fréttablaðið - 21.12.2010, Qupperneq 56

21. desember 2010 ÞRIÐJUDAGUR
Leikkonan Courteney Cox þolir
ekki nýju vinkonu Jennifer
Aniston, spjallþáttastjórnandann
Chelsea Handler, og hefur hvatt
Aniston til að binda enda á þennan
nýja vinskap.
Samkvæmt tímaritinu Enquirer
er Cox mjög ósátt við Handler og
hefur meðal annars kallað hana
„hvítt hyski“. Handler þessi vakti
mikla athygli þegar hún blót-
aði Angelinu Jolie í sand og ösku
í uppistandi sínu nýlega. Þetta
uppistand átti sér stað stuttu eftir
að Handler eyddi heilli viku með
Aniston í Mexíkó og því halda
margir að Aniston sé enn miður
sín vegna skilnaðar síns við Brad
Pitt.
„Courteney þolir ekki Chel-
sea og finnst röflið í henni láta
Aniston líta illa út. Courteney er
líka enn góð vinkona Brads og
tekur því ekki létt þegar fólk talar
illa um barnsmóður vinar síns,“
var haft eftir heimildarmanni. Sá
sagði einnig að Aniston væri þegar
orðin þreytt á Handler því sú síð-
arnefnda væri stanslaust að gera
lítið úr henni.
Þolir ekki Handler
ÓVINKONUR Courteney Cox þolir ekki
spjallþáttastjórnandann Chelsea Hand-
ler og hefur meðal annars kallað hana
„hvítt hyski“. NORDICPHOTOS/GETTY
Leikkonan Gwyneth Paltrow hefur
eignað sér heiðurinn að sam-
bandi kántrísöngkonunnar Tayl-
or Swift og leikarans Jake Gyl-
lenhaal. Hvorugt hefur staðfest
sambandið til þessa en parið á
að hafa kynnst í matarboði hjá
Paltrow og manni hennar Chris
Martin. „Ég hef þekkt Gyllen-
haal lengi og hef mikið álit á
honum og Chris þekkir Swift og
okkur finnst þau passa mjög vel
saman,“ segir Paltrow um meint
samband en níu ára aldurmsunur
er í sambandinu.
Gyllenhaal hefur verið einn af
heitari piparsveinum í Hollywood
og til að mynda verið í sambandi
með leikkonunum Reese Wither-
spoon og Kirsten Dunst.
Hjúskaparmiðlarinn
Gwyneth Paltrow
STAÐFESTIR SAMBANDIÐ Gwyn-
eth Paltrow segir að hún og
maður hennar eigi heiðurinn af
sambandi Jakes Gyllenhaal og
Taylor Swift, til vinstri.
Chloé Sevigny hefur lengi þótt ein
best klædda kona heims og hannar
einnig eigin fatalínu í samstarfi við
hönnunarmerkið Opening Cerem-
ony. Sevigny segist þó heldur vilja
fá hrós fyrir góða frammistöðu á
hvíta tjaldinu en fyrir fötin sem
hún klæðist.
„Ég er ánægð að hafa verið ungl-
ingur á tíunda áratugnum
þegar heimurinn var enn
laus við netið og blogg-
in, þá var ekki allt svona
uppi á yfirborðinu. Ætli
ég sé ekki smekk-
leg, en ég vildi að
fólk kæmi upp að
mér og segði: „Þú
stóðst þig mjög
vel í þessu hlut-
verki,“ heldur
en að það hrós-
aði mér fyrir
fataval. Það
pirrar mig.“
Vill fá hrós
fyrir leik sinn
Leikkonan Julia Stiles hefur sent
frá sér tilkynningu þar sem hún
þvertekur fyrir að hafa átt í ást-
arsambandi við mótleikara sinn
úr sjónvarpsþáttunum Dexter,
Michael C. Hall. Samkvæmt heim-
ildum áttu Stiles og Hall að hafa
fallið fyrir hvort öðru
á tökustað og svo eytt
hrekkjavöku saman.
„Ég hef ekkert með
skilnað Michaels og
Jennifer að gera. Við
erum góðir vinir
og nutum þess að
vinna saman. Þetta
er þeirra persónu-
lega mál og fólk
ætti að sýna því
virðingu,“ sagði
leikkonan um málið.
Ég er saklaus
ÓSÁTT Leikkonan Julia Stiles segist ekki
hafa átt vingott við mótleikara sinn,
Michael C. Hall.
SMEKK-
LEG Chloé
Sevigny vill
frekar fá hrós
fyrir góðan
leik en góðan
fatasmekk.
Tekjuhæsta mynd áranna
2009 og 2010 er ævintýra-
myndin Avatar. Þessi árang-
ur á sér engin fordæmi í
íslenskri kvikmyndasögu.
Avatar var tekjuhæsta kvikmynd
áranna 2009 og 2010 á Íslandi.
Alls halaði myndin inn um 143
milljónir króna, þar af rúmar 90 á
þessu ári. 118 þúsund manns hafa
jafnframt borgað sig inn á mynd-
ina, þar af tæp 74 þúsund á þessu
ári, en myndin var frumsýnd á
annan í jólum í fyrra. Þá lenti hún
í fimmta sæti yfir aðsóknarmestu
myndirnar.
Þessar miklu tekjur tvö ár í röð
eru ótrúlegur árangur sem á sér
engin fordæmi hér á landi. „Þetta
er einstakur árangur. Við vorum
með gríðarlega mikla samkeppni
því Bjarnfreðarson var sýnd á
sama tíma en orðsporið og bíóupp-
lifunin var það mikil, enda bylting-
arkennd mynd,“ segir Guðmund-
ur Breiðfjörð hjá Senu. „Hvenær
fær maður að upplifa þetta aftur?
Kannski ef Avatar 2 kemur,“ segir
hann í léttum dúr.
Avatar varð í fimmta sæti yfir
aðsóknarmestu myndirnar í fyrra,
enda frumsýnd seint á árinu, en í
efsta sæti yfir þær tekjuhæstu. Það
sem af er þessu ári eru hún aftur á
móti langefst bæði ef miðað er við
tekjur og aðsókn. Í öðru sæti í ár
þegar bæði tekjur og aðsókn eru
tekin með í reikninginn er Incept-
ion með Leonardo DiCaprio í aðal-
hlutverki, og í því þriðja er teikni-
myndin Toy Story 3.
Avatar er þriðja aðsóknarmesta
mynd Íslands síðan opinberar mæl-
ingar hófust árið 1995. Aðeins stór-
myndin Titanic og Mamma Mia!
standa henni framar. 124 þúsund
manns sáu stórslysamyndina í bíói
á meðan um 119 þúsund sáu Abba-
söngvamyndina. Rétt á eftir kemur
Avatar með 118 þúsund, eins og
áður segir. Ein mynd til viðbótar
hefur náð yfir 100 þúsund manna
mörkin í aðsókn hér á landi, hin
sígilda Með allt á hreinu sem á bil-
inu 110 til 115 þúsund Íslendingar
sáu, að því er talið er.
freyr@frettabladid.is
Ævintýramyndin Avatar
tekjuhæst tvö ár í röð
1. Avatar 73 þúsund
2. Inception 58 þúsund
3. Toy Story 3 42 þúsund
4. Bjarnfreðarson 40 þúsund
5. Harry Potter and the Deathly Hallows 39 þúsund
6. Algjör Sveppi og dularfulla hótelherbergið 38 þúsund
7. Shrek Forever After 37 þúsund
8. Sex and the City 2 32 þúsund
9. The Expendables 31 þúsund
10. Despicable Me 28 þúsund
TÍU AÐSÓKNARMESTU ÞAÐ SEM AF ER ÁRINU:
AVATAR Stórmyndin Avatar var tekjuhæsta mynd áranna 2009 og 2010 sem er
einstakur árangur.
Lumex
Skipholti 37
Sími 568 8388
www.lumex.is Síðan 1985
5.900
17.900
20.500kr.
kr.
kr.
FUNK
128.700kr.
121.500kr.