Sameiningin - 01.03.1953, Blaðsíða 22

20
Sameiningin
vegna óhagstæðs veðurs. Fyrsti lúterski söfnuður var mynd-
aður 11. ágúst 1878, en býst ekki við að minnast þessa af-
mælis síns fyrr en í október í haust. Þó má segja að starf
safnaðarins allt árið, miðist að nokkru við þessi tímamót.
Miklar og afar kostnaðarsamar umbætur á kirkjunni eru í
undirbúningi. Fjöldi fólks hefir nýlega gengið í söfnuðinn,
og kirkjusókn, einkum við árdegis guðsþjónusturnar, hefir
aldrei verið betri en nú.
☆ ☆ ☆ ☆
Annar stærsti söfnuður kirkjufélagsins, Selkirk söfnuð-
ur, er stöðugt að sækja fram; og sömuleiðis prestakallið að
Mountain. Hins vegar er lítið aðhafst í of mörgum söfnuðum
félagsins, veldur þar vandinn gamli, prestaskorturinn.
Hvernig á að bæta úr honum? Það verður eitt af vanda-
málum næsta kirkjuþings.
☆ ☆ ☆ ☆
Séra Skúli Sigurgeirsson, fyrrum prestur að Gimli,
þjónar nú enskumælandi söfnuði, í bæ þeim sem Walters
heitir, í suð-vestur hluta Minnesota ríkisins. Söfnuðurinn er
ekki mjög stór, (um 200 fermdir meðlimir), en er glaðvak-
andi í starfi. $6.500.00 er varið árlega til starfsins, bæði heima
fyrir og í hinu víðtæka trúboðsstarfi kirkjunnar. Sumir
safnaðar manna leggja fram í safnaðarsjóð $200.00 árlega, og
er tillagið borið fram á hverri helgi 1 samskotaumslögum.
Presturinn hefir leigulausa íbúð, hið prýðilegasta hús; föst,
laun hans eru $3000.00 á ári, auk þess fær hann $300.00 á
ári til ferðakostnaðar; einnig fær hann skrifstofukostnað
greiddan og síma. Aðsókn að guðsþjónustum á hverri helgi
samsvarar öllum fermdum meðlimum safnaðarins að
meðaltali.
Sameinmgin óskar þeim séra Skúla og frú Sigríði, konu
hans, til hamingju með ánægjulegt umhverfi þeirra og
blessunarríkt starf þar syðra. En betur hefði henni nú samt
liðið, ef kirkjufélagið, sem hún hefir þjónað svo lengi, hefði
borið gæfu til að njóta starfskrafta þessara góðu hjóna.