Fréttablaðið - 10.03.2011, Blaðsíða 8
10. mars 2011 FIMMTUDAGUR8
landsbankinn.is 410 4000Landsbankinn
Námskeið
um réttindi
lífeyrisþega
Í kvöld 10. mars kl. 20
– Vesturbæjarútibú, Hagatorgi
Farið verður yfir núgildandi reglur á réttindum
og greiðslum lífeyrisþega hjá Tryggingastofnun.
Skráning og nánari upplýsingar á vef bankans
og í síma 410 4000.
Stuðningshandföng
Fastus ehf. | Síðumúla 16 | 108 Reykjavík | Sími 580 3900 | www.fastus.is
Gott úrval
stuðningshandfanga
1 Hvað þáðu handhafar forseta-
valds mikil laun í fyrra vegna fjar-
veru forsetans?
2 Hvenær hefst utankjörfundar-
atkvæðagreiðsla um Icesave-lögin?
3 Í hvaða byggingavöruverslunum
var lagt hald á gögn á mánudag
vegna gruns um ólöglegt samráð?
SVÖRIN
1. Þeir þáðu 1,6 milljónir króna hver. 2.
Miðvikudaginn 16. mars. 3. Í Húsasmiðj-
unni, Byko og Úlfinum byggingavörum.
BANDARÍKIN, AP Pat Quinn, ríkis-
stjóri í Illinois, afnam í gær
dauðarefsingar í ríkinu.
Meira en
áratugur er
síðan fulln-
ustu dauðarefs-
inga var hætt í
Illinois vegna
hættu á því að
saklaust fólk
yrði tekið af
lífi. Vitneskja
var þá um að
þrettán menn
hefðu ranglega verið dæmdir til
dauða.
Ríkisþingið í Illinois sam-
þykkti í janúar að dauðrefsing
yrði afnumin en Quinn tók sér
tvo mánuði í að velta málinu
fyrir sér, áður en hann féllst á
þetta. - gb
Ríkisstjóri lét undan:
Nam úr gildi
dauðarefsingar
PAT QUINN
LÍBÍA, AP Liðsmenn Múammars
Gaddafís vörpuðu í gær sprengjum
á olíuleiðslu og olíugeymslu í aust-
urhluta landsins. Miklar spreng-
ingar urðu og þykkur reykur steig
upp af eldinum á þremur stöðum.
Hart var bar-
ist í landinu,
meðal annars
u m borg i na
Zawiya í vest-
urhlutanum,
skammt frá höf-
uðborginni Trí-
polí. Stjórnar-
herinn gerði
harðar árásir á
Zawiya og virt-
ist hafa náð borginni úr höndum
uppreisnarmanna, sem þó gerðu
sig líklega til að ná henni aftur á
sitt vald.
Bretar og Frakkar hafa kann-
að möguleika á að banna flug
yfir Líbíu til að hindra loftárásir
á uppreisnarmenn og almenning,
en engin samstaða hefur verið um
það meðal aðildarríkja öryggis-
ráðs Sameinuðu þjóðanna, ekki
frekar en þegar Bandaríkjamenn
og Bretar hófu innrás í Írak árið
2003.
Rússar hafa lýst yfir andstöðu
við allar alþjóðlegar hernaðarað-
gerðir í Líbíu, þar á meðal flug-
bann.
Hillary Clinton, utanríkisráð-
herra Bandaríkjanna, hefur tekið
fram að Bandríkin telji sér ekki
fært að fara ein í slíkar aðgerðir,
ekki heldur með tilstyrk Evrópu-
ríkja, heldur verði að vera um það
samstaða meðal Sameinuðu þjóð-
anna.
Sjálfur sagði Gaddafí í gær, í
viðtali við tyrkneska sjónvarps-
stöð, að það myndi koma sér vel ef
Vesturlönd myndu reyna að fram-
fylgja flugbanni yfir Líbíu.
„Slíkt ástand væri gagnlegt,“
sagði hann. „Þá myndu íbúar
Líbíu átta sig á því að raunveru-
legt markmið þeirra væri að ná
völdum í Líbíu, svipta þá frelsinu
og olíunni, og þá myndi öll líbíska
þjóðin grípa til vopna og berjast.“
Gaddafí hefur sagt að útlending-
ar standi á bak við uppreisnina í
Líbíu. Hann hefur einnig kennt Al
Kaída um uppreisnina og sagt að
falli Líbía muni hryðjuverkaleið-
toginn Osama bin Laden ná allri
Norður-Afríku á sitt vald.
Átökin í Líbíu hafa orðið til þess
að olíuframleiðsla landsins hefur
dregist verulega saman og olíu-
verð á heimsmarkaði hækkað tölu-
vert.
Undanfarna viku hafa uppreisn-
armenn og stjórnarliðar barist í
næsta nágrenni þriggja olíuhafna
í austurhluta landsins: Brega, Ras
Lanuf og Sidr.
Þegar allt var með kyrrum kjör-
um voru um 715 þúsund tunnur af
hráolíu fluttar út daglega frá þess-
um þremur höfnum, eða um það bil
45 prósent af allri olíuframleiðslu
landsins.
gudsteinn@frettabladid.is
Átök í Líbíu
harðna enn
Stjórnarherinn í Líbíu farinn að sprengja olíustöðv-
ar. Hart er barist um olíuhafnir í austurhluta lands-
ins og um nágrannabæi höfuðborgarinnar Trípolí.
LOFTVARNIR UPPREISNARMANNA Uppreisnarmaður stendur við loftvarnarbyssu á
bílpalli meðan sprengjur falla í næsta nágrenni. FRÉTTABLAÐIÐ/AP
HILLARY CLINTON
SKÁK Stórmeistarinn Hannes Hlífar Stefáns-
son þurfti aðeins tíu leiki til að vinna fyrsta
andstæðing sinn á Reykjavíkurskákmótinu
sem hófst síðdegis í gær. Það var Spánverjinn
Jordi Agullo Herms sem tapaði fyrir Hann-
esi. Herms er aðeins með 2098 skákstig en
Hannes hefur 2557 stig.
Margir sterkir skákmenn tefla á Reykja-
víkurskákmótinu sem haldið er í 26. sinn.
Stigahæstur er enski stórmeistarinn Luke
McShane með 2683 stig. Ivan Sokolov frá
Bosnínu, sem sigraði á mótinu í fyrra, er
einnig mættur til leiks. Sömuleiðis úkraínski
stórmeistarinn Evgenij Miroshnichenko.
Geta má þess að bróðursonur hins heims-
fræga búlgarska knattspyrnumanns Dimitri
Berbatov hjá Manchester United er meðal
keppenda. Sá heitir Kiprian Berbetov og er
aðeins fjórtán ára – eins og yngsti stórmeist-
ari heims, Ilya Nyznhik frá Úkraínu sem líka
teflir á mótinu.
Evgenij Miroshnichenko tefldi blind-
skák við tíu manns í einu fyrir sjálft mótið.
Miroshnichenko vann níu andstæðinga en
tapaði fyrir Guðfríði Lilju Grétarsdóttur –
sem reyndar bauð Úkraínumanninum upp á
skiptan hlut í endataflinu. Þá var Guðfríður
með yfirhöndina en vildi sinna barni sem hún
er með á brjósti. Miroshnichenko þáði ekki
jafnteflið. „Ég held ég sé með tapaða stöðu
svo ég verð að hafna tilboðinu,“ sagði hann og
gafst upp við kátínu áhorfenda. - gar
Margir sterkir stórmeistararar á 26. Reykjavíkurskákmótinu sem hófst í Ráðhúsi Reykjavíkur í gær:
Hannesi Hlífari nægðu tíu leikir til sigurs
EVGENIJ MIROSHNICHENKO Tapaði aðeins einni af tíu
blindskákum. Það var fyrir alþingiskonunni og skák-
drottningunni Guðfríði Lilju Grétarsdóttur.
FRÉTTABLAÐIÐ/VILHELM
VEISTU SVARIÐ?