Fréttablaðið - 10.03.2011, Blaðsíða 46
10. mars 2011 FIMMTUDAGUR30 30
menning@frettabladid.is
Leikhús ★★★★
Allir synir mínir
Þjóðleikhúsið
Höfundur: Arthur Miller. Leik-
stjóri: Stefán Baldursson. Leik-
arar: Arnbjörg Hlíf Valsdóttir, Atli
Rafn Sigurðarson, Baldur Trausti
Hreinsson, Björn Thors, Edda
Arnljótsdóttir, Guðrún Snæfríður
Gísladóttir, Hannes Óli Ágústsson,
Jóhann Sigurðarson og Vigdís
Hrefna Pálsdóttir.
Frumsýning í Þjóðleikhúsinu á
föstudaginn. Án Íbsen enginn
Miller, alla vega eru áhrifin sterk
og leikritið „Allir synir mínir“
mjög svipað nokkrum verkum
norska skáldrisans.
Leikritið „Allir synir mínir“ er
hér flutt í leikstjórn Stefáns Bald-
urssonar sem velur fremur hefð-
bundna nálgun með raunsæjum
leik. Leikmyndina gerir Grétar
Reynisson og er í henni hið eina
raunverulega brot við raunsæið
þar sem húsakynnin og veröndin
er í leikmyndinni vængur flug-
vélar. Þetta er tákn hinnar undir-
liggjandi sorgar og þess lygavefs
sem fjölskyldan lifir í. Hér er
mikið fjölskyldudrama þar sem
örlagasögur allra persónanna
fléttast inn í atburðarásina. Fal-
leg fjölskylda í fullkomnu húsi.
Ríkidæmi sem byggir á stríðs-
gróða. Leikurinn hefst á því að
von er á Ann kærustu Larrý. En
Larrý fórst í stríðinu þó svo að
móðirin neiti að viðurkenna það.
Það er eldri bróðirinn Chris sem
boðið hefur henni heim en þau
hafa ruglað saman reytum. Faðir
Ann situr í fangelsi fyrir glæp
sem hann framdi sem starfsmað-
ur Joe Keller í stríðinu, seldi gall-
aða varahluti í flugvélar sem varð
til þess að 21 ungur maður lét lífið.
Þaðan kemur titillinn „Allir synir
mínir“.
Spurningin um þátt Joe í glæpn-
um liggur í loftinu en hann er
afhjúpaður að lokum. Bróðir Ann
kemur eftir að hafa heimsótt
föður sinn í fangelsið og varpar
sprengju inn í samkomuna. Faðir-
inn Joe ver sig með því að halda
því fram að það hafi verið ástin á
fjölskyldunni sem stjórnaði gjörð-
um hans. Samviskan lætur á sér
kræla en hann vinnur ötullega í
því að leyfa rödd hennar ekki að
hljóma.
Varnarræða hans verður hjóm
eitt í samanburði við fórnirnar,
alla ungu drengina sem fórust í
stríðinu. Joe Keller velur að horf-
ast ekki í augu við gjörðir sínar
hérna megin landamæra lífs og
dauða. Jóhann Sigurðarson leikur
þennan kraftmikla en kjarklitla
föður. Nærvera hans og nálgun er
mikilfengleg um leið og hann er
alltaf á barmi hins bannaða.
Guðrún Snæfríður Gísladóttir
fer með hlutverk Kate, eiginkonu
Joe. Meðvirkni er driffjöður allra
gjörða hennar og það sýnir Guð-
rún snilldarlega í samskiptum við
alla þá sem fyrir koma í verkinu;
hún missir aldrei sjónar á því að
feluleiknum er ekki lokið. Stóra
þema verksins er vitaskuld það
sem við öllum vitum en lærum svo
seint: illa fengið fé leiðir alltaf til
ógæfu að lokum, en segja mætti
líka að þema í þessari uppfærslu
væri meðvirkni og lífslygi.
Syninum sem eftir er heima
kynnumst við gegnum Björn
Thors. Einnig þessi persóna,
Chris, er meðvirknifórnarlamb
sem brýst út úr fastmótuðu fjöl-
skylduhlutverki sínu. Frábær
leikur í einu orði sagt. Kærastan
Ann sem Arnbjörg Hlíf Valsdóttir
leikur, birtist eins og álfamær, en
sýnir fljótlega að talsverður kraft-
ur er í henni og að eins og aðrir
ber hún sitt eigið leyndarmál. Arn-
björg hefur sterka útgeislun og
nærveru. Með því að hún afhjúp-
ar sitt leyndamál, það er hvern-
ig Larrý dó í raun og veru, leys-
ist lygavefurinn upp. Bróðir Ann,
ungur lögfræðingur mjög skadd-
aður úr stríðinu, sem hafði alist
upp í næsta húsagarði, birtist til
þess að afhjúpa þátt Joes í hinum
meinta glæp föður hans. Atli Rafn
Sigurðarson ljær þessum unga
manni, sem er þjáður af sorg og
reiði, mjög vel líf. Vigdís Hrefna
Pálsdóttir birtist eins og falleg
dúkka. Stúlkan Lydia velur að
hlæja og flissa, sauma og skreyta
hatta fremur en að takast á við
erfiðleika lífsins. Baldur Trausti
Hreinsson í hlutverki læknisins,
sem vandi komur sínar á Keller-
heimilið, virtist eins og stokkinn
úr einhverju rússnesku leikriti.
Gervi Eddu Arnljótsdóttur sem
eiginkona læknisins var aðeins
of ýkt eða vúlgert þó svo að hún
hafi það skýra hlutverk í leikrit-
inu að vera grímulaus fulltrúi
hinna fégráðugu. Læknirinn á
aðra drauma, en hún sér til þess
að hann haldi sig við skaffarahlut-
verkið. Edda er fyndin og nýtir vel
allan líkamann í túlkun sinni.
Samsetning leikarahópsins var
mjög góð. Tónlistin í upphafi þar
sem við sitjum í myrkri og mars-
inn þekkti um Johnny sem er að
koma heim leiðir okkur inn í þann
hugarheim sem síðan tröllbindur
áhorfendur næstu þrjá klukku-
tímana. Leikurinn er upp á fimm
stjörnur meðan verkið sjálft er
nokkuð barn síns tíma. Sviðið er
ekki notað til þess að hanga í köðl-
um eða sprikla upp um veggi held-
ur sem frásagnarundirstaða fyrir
fágaðan sígildan sjónleik.
Elísabet Brekkan
Niðurstaða: Fantagóð sýning á allan
hátt!
GRÆÐGI DREPUR HVAÐ? HVENÆR? HVAR?Fimmtudagur 10. mars 2011
➜ Tónleikar
21.00 Í kvöld stígur á svið Sódómu
Reykjavíkur „tribute-band” sem flytur
lög íslensku pönksveitarinnar Purrkur
Pillnikk. Húsið opnar kl. 21. Aðgangs-
eyrir er kr. 1.000.
21.00 Gítartríóið Guitar Islancio leikur
á Kaffihúsinu á Álafossi í kvöld og hefj-
ast tónleikarnir kl. 21. Miðasala fer fram
við innganginn.
í Perlunni 9.-13. mars
Veitingahúsið Perlan · Sími: 562 0200 · Fax: 562 0207
Netfang: perlan@perlan.is · Vefur: www.perlan.is
Heilsteikt öndHEIL ÖNDT
1
3
5
7
9
2
4
6
8
10
Ég man þig - kilja
Yrsa Sigurðardóttir
Ljósa - kilja
Kristín Steinsdóttir
Sjöundi himinn - kilja
James Patterson
Skólaljóð
Ýmsir - Halldór Pétursson
Fátækt fólk - kilja
Tryggvi Emilsson
Sumarlandið
Guðmundur Kristinsson
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
02.03.11 - 08.03.11
Svar við bréfi Helgu - kilja
Guðmundur Kristinsson
Góða ferð - Helen Garðars-
dóttir/Elín Magnúsdóttir
Máttur viljans
Guðni Gunnarsson
Eyjafjallajökull
Ari Trausti/Ragnar TH.
➜ Námskeið
21.00 Jörmundur Ingi
fyrrum alsherjargoði og
núverandi herratískumó-
gúll mun standa fyrir
námskeiði í skóhirðu á
Faktorý í kvöld klukkan
21. Snyrtilegur klæðn-
aður, óhirtir leðurskór
og vandað framferði
er skilyrði. Aðgangur er
ókeypis. Allir velkomnir.
Upplýsingar um viðburði sendist á
hvar@frettabladid.is og einnig er
hægt að skrá þá inni á visir.is.
KÓR MH Í HÁTEIGSKIRKJU Kór Menntaskólans við Hamrahlíð syngur við messu í Háteigskirkju á sunnudag klukkan 11.
Blásarar úr hópi kórfélaga leika á hljóðfæri sín og Kári Allansson leikur á orgelið. Stjórnandi kórsins er Þorgerður Ingólfsdóttir. Sr. Helga
Soffía Konráðsdóttir prédikar og þjónar fyrir altari. Að messu lokinni verður boðið upp á léttan hádegisverð í safnaðarheimilinu.