Fréttablaðið - 12.03.2011, Qupperneq 80

12. mars 2011 LAUGARDAGUR52
Tónlist ★★★★
Tríó Reykjavíkur
Hafnarborg
Ónefndur gagnrýnandi hneykslað-
ist einu sinni á því að Tríó Reykja-
víkur skyldi ekki halda tónleika
sína í Reykjavík.
Tríóið kemur jú alltaf fram í
Hafnarborg í Hafnarfirði og hefur
gert það frá byrjun, eftir því sem ég
best veit. Mér finnst það fínt. Hafn-
arborg, sem er gallerí, er skemmti-
legur tónleikasalur. Salurinn er svo
opinn og víður, en samt er maður í
notalegri nálægð við tónlistarfólkið.
Gunnar Kvaran, sellóleikari Tríós-
ins, kynnir ætíð dagskrána og gerir
það vel. Hann hefur þægilegan tal-
anda, er hátíðlegur – en þó er stutt
í kímnina. Stemningin er eins og að
vera heima í stofu hjá listafólkinu.
Ekki í kuldalegum, ópersónulegum
tónleikasal. Þetta eru kammertón-
leikar, þ.e. stofutónleikar í orðsins
fyllstu merkingu.
Tónleikarnir á sunnudagskvöld-
ið voru engin undantekning. Dag-
skráin hófst á stórbrotnu verki eftir
Beethoven, Erkihertogatríóinu svo-
kallaða. Það heitir þessu nafni eftir
erkihertoganum í Austurríki. Hann
sótti tónsmíðatíma hjá Beethoven
sem tileinkaði honum verkið. Tón-
skáldið spilaði á píanóið þegar tríó-
ið var frumflutt og það heppnaðist
vægast sagt illa. Beethoven var að
verða heyrnarlaus, og hann lamdi
píanóið til að heyra í sjálfum sér.
Þetta var í síðasta sinn sem hann
kom fram opinberlega sem píanó-
leikari.
Flutningurinn nú tókst mun
betur! Peter Maté, píanóleikari
hópsins, spilaði mjúklega, en samt
af viðeigandi krafti, leikur hans
var skýr og öruggur og í prýðilegu
jafnvægi við raddir hinna hljóðfær-
anna. Þau Gunnar Kvaran og Guðný
Guðmundsdóttir fiðluleikari léku
líka fallega, af fölskvalausri ein-
lægni og næmri tilfinningu fyrir
framvindu og heildarmynd tón-
smíðarinnar. Útkoman var sérlega
lífleg; þetta var grípandi túlkun.
Nýtt verk leit dagsins ljós á tón-
leikunum, „Eflaust“ eftir Halldór
Smárason. Undirtitillinn var „gera
allir einhvern tímann hluti sem þeir
síðar sjá eftir“. Halldór er fæddur
1989 og sigraði í samkeppni sem
Tríó Reykjavíkur efndi til á meðal
tónsmíðanema í Listaháskólanum.
Tónlistin hans var flott, byggðist á
áleitnum hugmyndum sem þróuðust
skemmtilega. Þær fóru í gegnum
spennandi umbreytingar og hlutu
óvænt örlög, sem samt voru rök-
rétt. Dramað sem titillinn vísaði til
skilaði sér í sannfærandi strúktúr,
óhugnanlegum á köflum. Halldór er
greinilega efnilegt tónskáld.
Lokaatriði dagskrárinnar var
hið kraftmikla tríó op. 67 eftir
Sjostakóvitsj, ein aðgengilegasta
kammertónsmíð tónskáldsins.
Hún er tileinkuð minningu vinar
hans, Ivan Sollertinsky. Hann var
gyðingur og Sjostakóvitsj byggði
því hluta verksins á klezmer-tón-
list, eins konar þjóðlegri danstón-
list gyðinga. Í verki Sjostakóvitsj
er sorgin þó yfirgnæfandi og líka
óhugnaður. Enda lést Sollertinsky
árið 1944, þegar fréttir voru farnar
að berast af örlögum ótal gyðinga í
fangabúðum nasista.
Þessi myrka stemning var
heillandi í meðförum Tríósins.
Túlkunin var tilfinningaþrungin, og
tæknileg atriði á borð við samspil,
hraðar tónahendingar og óljós, en
merkingarþrungin blæbrigði, voru
glæsilega útfærð. Óneitanlega var
þetta rafmagnaður flutningur.
Jónas Sen
Niðurstaða: Vel samsett dagskrá,
vandaður flutningur og nýtt, spenn-
andi verk var frumflutt.
Eflaust glæsilegt
Sýning á 25 verkum úr textasam-
keppni Hugvísindasviðs Háskóla
Íslands var opnuð í Kringlunni í
gær. Samkeppnin er haldin í til-
efni af aldarafmæli skólans og var
öllum nemendum, kennurum og
öðru starfsfólki Háskólans boðið
að taka þátt.
Hátt í tvö hundruð textar bár-
ust í keppnina og valdi dómnefnd
25 texta af ýmsu tagi til sýning-
arinnar. Í dómnefnd sátu Oddný
Eir Ævarsdóttir, Rúnar Helgi
Vignisson og Sigurbjörg Þrast-
ardóttir. Við val á textum reyndi
dómnefndin að endurspegla sem
mesta fjölbreytni; í textunum er
fengist við persónulega reynslu
jafnt sem akademíska hugsun og
það í ýmsum formum, til dæmis
ljóðum, smáprósum, örsögum og
stuttum einþáttungum. Sýningin
er beint fyrir framan ÁTVR á 1.
hæð í Kringlunni. Hún stendur til
19. mars en þá verða úrslit keppn-
innar tilkynnt. Þrjú bestu verkin
að mati dómnefndar verða síðan
birt í Fréttablaðinu.
Textasýning í Kringlu
FRÁ SÝNINGUNNI Alls bárust um 200 verk í textasamkeppni Hugvísindasviðs HÍ en
dómnefnd hefur valið 25 verk sem sýnd eru í Kringlunni. FRÉTTABLAÐIÐ/STEFÁN
Sun. 13. mars kl. 20.00
Fim. 17. mars kl. 20.00
Sun. 20. mars kl. 20.00
Fös. 8. apríl kl. 20.00 - í HOFI, Akureyri.
Lau. 9. apríl kl. 20.00 - Í HOFI, Akureyri.
MIðasala á www.midi.is og í síma 562-9700
Allra síðustu
sýningar!
Þetta er lífi ð
... og om lidt er kaffen klar!
E.B. Fréttablaðið J.V. V. DV. K.H.H.Fréttatíminn.
J.S.Bach BWV 245
Sunnudaginn 3. apríl 2011 kl. 17
Minningartónleikar um Áskel Jónsson
söngstjóra f. 5. apríl 1911.
Hallgrímskirkja
Reykjavík
Menningarhúsið Hof
Akureyri
Laugardaginn 2. apríl 2011 kl. 17
Föstudaginn 1. apríl 2011 kl. 20
Jóhannesarpassía
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI FRÓÐLEIKUR
Meiri Vísir.