Sameiningin - 01.05.1918, Blaðsíða 20

82
það, sem sjúklingana vanhagar um. Eg get ekki lýst því,
hvemig þessi auka-þægindi gleðja sjúklingana, drengina
særðu úr skotgröfunum. ó, hvað fögnuður þeirra er mikill!
Sem stendur er eg til bráðabirgða starfandi á ensku
hospítali, og þar eru ekki fáanlegar þessar nauðsynjar, sem
Red Cross félagið leggur til, og mér finst eg vera ráðalaus
án þeirra. Eg er þá enn á ný mint á 'það, hve hamingjusam-
ir Canadamenn eru, að eiga þetta ágæta félag.”
Án þess eg ætli mér að fara hér að lýsa nákvæmlega
starfi “þessa ágæta félags”, sem systir vor á Frakklandi
nefnir svo, skal eg taka það fram, að í skýrslu sinni telur
félagið sex starfsliði:
1. Að koma upp spítulum og heilsuhælum.
2. Að viðhalda vistabúrum á Englandi og Frakklandi,
þar sem gefins fáist alt það, er sjúkir og særðir
þarfnast.
3. Að annast sjúka og særða hermenn í spítulum með
því,
a) að leggja þeim til nauðsynjar þeirra.
b) að heimsækja sjúklinga og skrifa fyrir þá bréf.
c) að leggja sjúkum til ávexti og aldini og þá sér-
stöku fæðu, er þeir þarfnast.
d) að sjá þeim fyrir skemtunum og dægrastytting.
e) útvega þeim blöð og bækur.
f) gera aðstandendum aðvart um líðan þeirra.
4. Að sjá um jólagjafir hermanna.
5. Að liðsinna herföngum.
6. Að lána eða gefa hermönnum fé, er þeim liggur á —
“Vinur í raun”, heitir þessi sérstaki liður starfsins.
Starf þetta er ekki fárra manna, heldur allra. Félagið
og hin mörgu þúsund starfsmanna þess, er verkfæri alþjóð-
ar. Einn og allir leggja til starfsins eftir mætti. Konurnar
prjóna og sauma, börnin safna eincentapeningum sínum og
gefa þá. peir ríku gefa stórar upphæðir, þeir fátæku smáar.
Ekkjuskerfurinn litli er hér jafn stór, þó smár sé, eins og
var þegar Jesús horfði á fátæku ekkjuna forðum leggja smá-
peningana tvo í guðskistuna — og sagði hennar tillag hæst.
Munið eftir Krossinum rauða, elskið hann og fórnið í
þarfir hans á þessari neyðartíð. Orð postulans ihljóða um
það: “Svo áminni eg yður, bræður, að þér vegna miskunnar
Guðs, bjóðið fram líkami yðar að lifandi, heilagri guðiþókn--
anlegri fórn, og er það skynsamleg guðsdýrkun yðar”.