Fréttablaðið - 08.04.2011, Blaðsíða 2

8. apríl 2011 FÖSTUDAGUR2
DÓMSMÁL Baldur Guðlaugsson,
fyrrverandi ráðuneytisstjóri í
fjármálaráðuneytinu, var í Hér-
aðsdómi Reykjavíkur í gærmorg-
un dæmdur í tveggja ára óskilorðs-
bundið fangelsi fyrir innherjasvik.
Þetta er fyrsti dómurinn sem fellur
í máli á vegum sérstaks saksókn-
ara og í fyrsta sinn sem sakfellt er
fyrir innherjasvik á Íslandi.
Baldur var einn æðsti embættis-
maður landsins þegar hann seldi
hlutabréf sín í Landsbankanum
tveimur vikum fyrir bankahrunið
haustið 2008. Um hann sagði Björg-
vin G. Sigurðsson, fyrrverandi við-
skiptaráðherra, í skýrslutöku hjá
rannsóknarnefnd Alþingis: „Baldur
var mjög valdamikill maður í þess-
ari ríkisstjórn, kannski valdamesti
maðurinn af okkur öllum.“
Ákæran byggði nær eingöngu á
því að Baldur hefði átt sæti í sam-
ráðshópi þriggja ráðuneyta, Seðla-
bankans og Fjármálaeftirlitsins um
fjármálastöðugleika, og hefði þar
öðlast mjög viðkvæmar upplýsing-
ar um slæma stöðu bankakerfisins,
einkum Landsbankans.
Þessu mótmælti Baldur á öllum
stigum málsins. Hann hélt því fram
að upplýsingarnar sem fram komu
á fundunum hefðu verið þess eðlis
að allir sæmilega upplýstir borg-
arar hefðu getað nálgast þær með
léttum leik. Þær gætu því ekki tal-
ist innherjaupplýsingar.
Þessar fullyrðingar fengu hins
vegar takmarkaða stoð í framburði
vitna, sem töldu upplýsingarnar
mikið trúnaðarmál og að þær hefðu
getað valdið áhlaupi á bankakerfið.
Guðjón Marteinsson héraðsdóm-
ari hafnar skýringum Baldurs og
segir í niðurstöðu dómsins að fimm
af þeim sex atriðum sem talin eru
upp í ákæru séu sannarlega inn-
herjaupplýsingar, þvert á neitun
Baldurs.
Í niðurstöðunni er meðal annars
vitnað til orða Bolla Þórs Bollason-
ar, fyrrverandi ráðuneytisstjóra í
forsætisráðuneytinu, og Tryggva
Pálssonar úr Seðlabankanum, sem
báðir sátu í samráðshópnum og
töldu sig því ekki geta selt bréf sín
í bönkunum. Það hafi þó ekki ráðið
úrslitum í málinu.
Segir í dómnum að brot Baldurs
sé stórfellt og að hann hafi misnot-
að aðstöðu sína sem opinber starfs-
maður. Milljónirnar 192 eru gerðar
upptækar.
Saksóknarinn Björn Þorvalds-
son segir að fallist hafi verið á
allar kröfur ákæruvaldsins í mál-
inu. „Ég átti alveg eins von á því,“
segir hann. Hann segir að það sé
undir Baldri eða ríkissaksóknara
komið hvort málinu verður áfrýjað
til Hæstaréttar. Næsta víst þykir
að svo verði, enda um fordæmis-
gefandi mál að ræða. Ekki náðist í
Karl Axelsson, verjanda Baldurs, í
gær.
stigur@frettabladid.is
Tímamótadómur yfir
Baldri Guðlaugssyni
Fyrsti dómurinn í máli á vegum sérstaks saksóknara markar tímamót. Niður-
staðan er tveggja ára fangelsi yfir einum valdamesta manni landsins fyrir hrun.
Brotið þykir stórfellt. Milljónirnar 192 sem hann sveik út eru gerðar upptækar.
ÁFRÝJAR LÍKLEGA Baldur var einn æðsti embættismaður landsins fyrir hrun. Fyrr-
verandi ráðherra sagði hann líklega valdamesta manninn í ríkisstjórninni.
FRÉTTABLAÐIÐ/GVA
DÓMSMÁL Héraðsdómur Reykjaness framlengdi í gær
gæsluvarðhald yfir tveimur mönnum, sem grunaðir
eru um kynferðisbrot gegn dreng á áttunda árinu, til
14. apríl næstkomandi. Úrskurðurinn er á grundvelli
rannsóknarhagsmuna, en lögreglan mun eiga eftir að
rannsaka talsvert magn gagna sem fundust í tölvum
mannanna.
Annar mannanna kærði úrskurðinn til Hæstaréttar
en óvíst var með hinn.
Mennirnir tveir sem um ræðir eru faðir og frændi
litla drengsins. Þeir eru grunaðir um gróf brot gegn
honum. Við húsleit hjá þeim eftir handtökur fannst
marijúana og kókaín. Þeir hafa sætt yfirheyrslum en
báðir hafa neitað sök. - jss
Lögregla rannsakar enn gögn úr tölvubúnaði grunaðra kynferðisbrotamanna:
Framlengt á föður og frænda
FYRIR DÓMARA Mennirnir voru leiddir fyrir dómara í gær.
VIÐSKIPTI Skilanefnd gamla Landsbankans reynir nú
að fá 1,8 til 2 milljarða punda, eða 333 til 370 millj-
arða króna, fyrir verslanakeðjuna Iceland Foods í
Bretlandi.
Þetta er fullyrt á vef Financial Times. Skilanefnd
þrotabúsins hefur þó aðeins staðfest að hún sé byrjuð
að kanna hvaða möguleikar eru á að selja Iceland
Foods. Eignin er þar með komin í söluferli og á næstu
vikum verður rætt við ýmsar fjármálastofnanir um
ráðgjöf við söluna. Samkvæmt heimildum Frétta-
blaðsins er um að ræða margar af stærstu fjármála-
stofnunum heims.
Fáist um 2 milljarðar punda fyrir Iceland Foods,
líkt og Financial Times heldur fram, væri Icesave-
skuld bankans, samkvæmt þeim samningi við Breta
og Hollendinga sem borinn verður undir þjóðina á
morgun, í reynd úr sögunni og kostnaður ríkissjóðs
þar af leiðandi enginn.
Eignarhlutur þrotabúsins í Iceland Foods er tæp 67
prósent þannig að úr sölunni gætu fengist 220 til 250
milljarðar króna. Hlutur Tryggingarsjóðs innstæðu-
eigenda af þessari fjárhæð væri 112 til 126 milljarðar
króna, sem er 52 til 66 milljörðum meira en gert var
ráð fyrir að Tryggingarsjóðurinn myndi fá af þeim
117 milljörðum sem skilanefndin hafði reiknað með
að fengist samtals út úr allri hlutabréfaeign þrotabús-
ins, þar með töldum hlutabréfum í Iceland Foods. - gb
Skilanefnd þrotabús Landsbankans hefur sett Iceland Foods í söluferli:
Gæti hreinsað út Icesave-skuld
ICELAND Í BRETLANDI Verslunarkeðjan er að stórum hluta í
eigu þrotabús Landsbankans.
HVERGI BANGINN Leifur ætlar að toga
sig áfram uns takmarkinu er náð.
FRÉTTABLAÐIÐ/GVA
FÓLK Leifur Leifsson þjónustu-
fulltrúi ætlar ekki að láta lömun
í fótum stöðva sig í því að komast
á Hvannadalshnúk, hæsta tind
landsins. Þangað stefnir hann í
lok maí eða byrjun júní í sérút-
búnum stól sem verið er að þróa
og smíða. „Ég kný mig sjálfur
upp á eigin handafli,“ segir hann.
Ferðafélagar Leifs eru úr Flug-
björgunarsveit Reykjavíkur og
hafa farið leiðina áður. Þeir munu
færa akkeri með spili um 250
metra í senn fram fyrir Leif og
hann síðan toga sig áfram í átt að
því. - gun / sjá Allt í miðju blaðsins
Leifur Leifsson stefnir hátt:
Ætlar í hjólastól
upp á Hnúkinn
STJÓRNARSKRÁ Salvör Nordal,
forstöðumaður Siðfræðistofn-
unar Háskóla
Íslands, var í
gær kjörin for-
maður stjórn-
lagaþings á
öðrum fundi
ráðsins.
Salvör varð
hlutskarpari
í kjöri á milli
hennar og Þor-
valds Gylfa-
sonar, sem urðu
efst í kjöri á
milli þeirra
átta stjórnlaga-
ráðsmanna sem
gáfu kost á sér í
formennskuna.
Ari Teits-
son bóndi var
kjörinn vara-
formaður.
Samkvæmt starfsreglum sem
samþykktar voru um kosninguna
máttu formaður og varaformaður
ekki vera af sama kyni. - sh
Ari Teitsson er varaformaður:
Salvör fer fyrir
stjórnlagaráði
SALVÖR NORDAL
ARI TEITSSON
Heiður, er þá gróðrarvon á
Íslandi eftir allt saman?
Já, svei mér þá, hér er fólk stöðugt
að græða og græða.
Heiður Agnes Björnsdóttir, tómstunda-
ræktandi segir alla geta ræktað mat- og
kryddjurtir á Íslandi, jafnvel utandyra.
ALÞINGI Áætlaður kostnaður við
landsdóm á þessu ári er 113,4
milljónir króna. Þetta kemur
fram í svari Ögmundar Jónas-
sonar innanríkisráðherra við
fyrirspurn Guðlaugs Þórs Þórð-
arsonar, þingmanns Sjálfstæðis-
flokksins.
Meirihluti Alþingis ákvað á síð-
asta ári að höfða bæri mál gegn
Geir H. Haarde, fyrrverandi for-
sætisráðherra og formanni Sjálf-
stæðisflokksins, fyrir landsdómi
fyrir vanrækslu í starfi í aðdrag-
anda bankahrunsins.
Málaferli gegn Geir Haarde:
Kosta 113,4
milljónir í ár
Hraðakstur á steypubíl
Lögreglan á Egilsstöðum stöðvaði í
gær ökumann á steypubíl á tæplega
80 kílómetra hraða á vegarkafla
innanbæjar þar sem er 50 kílómetra
hámarkshraði. Maðurinn reyndist vera
með útrunnið meirapróf. Hann fær
sekt fyrir vikið.
Hörð aftanákeyrsla
Hörð aftanákeyrsla varð um þrjúleytið
á gatnamótum Nýbýlavegar og Þver-
brekku. Nýbýlavegur var lokaður á
tímabili til austurs vegna þessa.
LÖGREGLUFRÉTTIR
SPURNING DAGSINS
JAPAN, AP Engar meiriháttar
skemmdir urðu af snörpum jarð-
skjálfta sem reið yfir norður-
hluta Japans í gær, Skjálftinn,
sem mældist 7,1 stig á Richter-
kvarða, er sá harðasti af fjöl-
mörgum eftirskjálftum sem hafa
orðið eftir hamfarirnar þann
11. mars síðastliðinn sem kost-
uðu allt að 25.000 manns lífið og
leiddu til geislamengunar.
Flóðbylgjuviðvörun var gefin
út eftir skjálftann í gær en var
síðar dregin til baka.
Rafmagnslaust varð í hluta
landsins en engin hætta myndað-
ist við kjarnorkuver landsins.
- þj
Eftirskjálfti í Asíu:
Engin flóðbylgja
á leið til Japans