Fréttablaðið - 16.04.2011, Page 78

6 matur
„Það á að gefa sér góðan tíma við að
elda lamb og leyfa sér að dúlla svolítið
við það,“ segir Guðlaugur P. Frímanns-
son, matreiðslumaður á Fiskmarkaðnum,
þegar Fréttablaðið forvitnast um galdur-
inn á bak við meyrt og gott páskalamb.
Guðlaugur mælir með því að fólk noti
kjöthitamæli og kjöreldað lambalæri eigi
að vera á bilinu 58 til 60 gráður.
„Meðallæri á að brúna í ofni á 180
gráðum í 30 mínútur, lækka svo hitann
niður í 150 gráður og elda lærið áfram
í klukkutíma. Öðru hverju yfir eldunar-
tímann er gott að taka það út úr ofninum
og hvíla í tvær til þrjár mínútur áður en
það fer aftur inn, þannig helst safinn í
kjötinu og steikin verður mjúk og safa-
rík.“
Fyrir þá sem ekki ætla sér hefðbundið
lambalæri á páskadag gefur Guðlaugur
uppskrift að steiktum lambahryggvöðva
í hnetuhjúp sem brúnaður er á pönnu
áður en hann fer inn í ofn. Guðlaugur
mælir einnig með því að draga fram
grillið ef veðrið verður gott um páskana
og grilla vöðvann, þá í fjórar mínútur á
hvorri hlið.
Sjálfur er Guðlaugur mikið fyrir grill
en hann verður einmitt yfirkokkur á
Grillmarkaðnum, nýjum veitingastað
Hrefnu Rósu Sætran matreiðslumeist-
ara sem opnar 20. maí. „Þar verðum við
með íslenskt hráefni, meðal annars lamb
og kaupum beint af bónda,“ segir Guð-
laugur. - rat
Þolinmæði er galdurinn
Góður tími og þolinmæði er allt sem þarf til að töfra fram ljúffenga lambasteik. Guðlaugur P.
Frímannsson matreiðslumaður gefur lesendum uppskrift að meyru páskalambi og ljúffengu meðlæti.
Guðlaugur P. Frímannsson matreiðslumaður gefur uppskrift
að grilluðu páskalambi en hann opnar nýtt veitingahús, Grill-
markaðinn, ásamt Hrefnu Rósu Sætran matreiðslumeistara í
maí.
Grillaður lambahryggvöðvi í hnetuhjúp ásamt eplasalati og sætkartöflukrókettu. Galdurinn er að
gefa sér tíma þegar elda á lamb. FRÉTTABLAÐIÐ/VALLI
MA
PÁSKALAMB OG MEÐLÆTI
STEIKTUR LAMBAHRYGG-
VÖÐVI MEÐ KRYDDJURTA-
PESTÓI OG HNETUHJÚP
FYRIR 4
Brúnið kjötið á lágum hita á
pönnu í um 4 mín. á hvorri
hlið og setjið inn í 150 gráðu
heitan ofn í 5 mín. Takið út og
hvílið í 2 mín. og setjið aftur
inn í ofninn í 5 mín. Hvílið kjöt-
ið einnig aðeins, áður en það
er borið fram. Einnig má grilla
hryggvöðvann ef veðrið er
gott, þá í 4 mín. á hvorri hlið.
EPLASALAT
2 græn epli skorin í litla
kubba
Rúsínur
100 g majónes
20 g flórsykur
2 msk. léttþeyttur rjómi
Smátt saxaður graslaukur
Salt eftir smekk
Öllu blandað saman og
smakkað til með salti.
KREMAÐ HVÍTKÁL
2 hvítkálshausar skornir fínt
í strimla
500 g rjómi
1 msk. kjötkraftur
Salt og pipar
Allt sett saman í pott og
soðið við vægan hita þar til
hvítkálið er orðið mjúkt.
SÆTKARTÖFLUKRÓKETTA
3 sætar kartöflur
Cumin eftir smekk
Fínt söxuð steinselja
Salt og pipar eftir smekk
Bakið kartöflurnar á 180 gráð-
um í 40 mín. Skafið innan úr og
kryddið með cumin, steinselju,
salti og pipar. Mótið kúlur úr
maukinu og frystið. Frosnum
kúlunum er svo velt upp úr 4
eggjum og brauðraspi og djúp-
steiktar svo þær verða stökkar
að utan og mjúkar að innan.
SÓSAN
1,5 l nautasoð
2 laukar
4 hvítlauksgeirar
20 ml eplaedik
2 gulrætur
5 greinar blóðberg
100 ml rauðvín
Skerið grænmetið í teninga og
svitið í potti. Öllu hinu bætt út
í pottinn og soðið vel niður.
Sigtið og smakkið sósuna til
með klípu af smjöri. Saltið og
piprið eftir smekk.
KRYDDJURTAPESTÓ
50 g basil
50 g kóríander
2 hvítlauksgeirar
100 g ristaðar furuhnetur
200 ml olía
Salt og pipar eftir smekk
Öllu blandað saman í mat-
vinnsluvél.
HNETUHJÚPUR
100 g kasjúhnetur
100 g salthnetur
Fínt saxaður kerfill
Saxið hneturnar í litla bita og
blandið svo kerflinum út í.