Fréttablaðið - 16.04.2011, Page 86

16. apríl 2011 LAUGARDAGUR46
Sjónarhorn
Ljósmynd: Stefán Karlsson
LANDIÐ FÝKUR BURT Margir eru orðnir langeygir eftir raunverulegu vorveðri og skyldi engan undra, enda sumar-
dagurinn fyrsti á næsta leiti. Hvassviðrið býður þó upp á ýmsa möguleika, eins og þann að festa á filmu plastpoka
sem fýkur um holt og hæðir og tekur á sig ýmsar myndir með hjálp ímyndunaraflsins. Til dæmis lögun Íslands,
sitjandi hunds, kjúklings eða hvers sem lesendur geta gert sér í hugarlund.
Gildi - lífeyrissjóður
Sætúni 1
105 Reykjavík
Sími 515 4700
www.gildi.is
gildi@gildi.is
Á R S F U N D U R
Ársfundur Gildis-lífeyrissjóðs verður haldinn á Grand Hótel,
Reykjavík fimmtudaginn 28. apríl kl. 17.00.

Dagskrá fundarins:

1. Venjuleg ársfundarstörf.
2. Tillögur til breytinga á samþykktum sjóðsins.
3. Tillögur um réttindabreytingar.
a. Um hækkun vegna örorkuframlags.
b. Um lækkun vegna tryggingafræðilegrar stöðu.
4. Önnur mál, löglega upp borin.
Tillögur til breytinga á samþykktum sjóðsins liggja frammi á
skrifstofu sjóðsins og eru birtar á heimasíðunni,
Allir sjóðfélagar eiga rétt til setu á ársfundinum með málfrelsi
og tillögurétti. Sérstakt fulltrúaráð, að jöfnu skipað fulltrúum
stéttarfélaga og samtaka atvinnurekenda sem að sjóðnum
standa, fer með atkvæði á ársfundinum.
Reykjavík 12. apríl 2011,

lífeyrissjóður
Stjórn Gildis-lífeyrissjóðs.
2 0 11
www.gildi.is
Á þessum degi, 16. apríl árið 1917, fyrir réttum 94 árum,
sneri Vladimír Lenín, hugmynda-
fræðingur rússnesku byltingar-
innar, úr útlegð um það leyti sem
mikill órói var í samfélaginu.
Byltingarandinn lá í loftinu og
Nikulás II Rússakeisari hafði
verið settur af.
Lenín, sem hét réttu nafni
Vladimír Ilitsj Úljánov, var lög-
fræðingur sem lengi hafði verið
virkur í starfi róttæklinga og var
meðal annars dæmdur í fangelsi
árið 1895 fyrir að hafa unnið gegn
keisaranum.
Hann fór síðar í útlegð og dvaldi
í Sviss á árum fyrri heimsstyrj-
aldarinnar. Þaðan skrifaði hann
fjölda verka og var afar áhrifarík-
ur innan hóps bolsévika, róttæk-
asta arms Sósíaldemókrataflokks-
ins. Þeim óx stöðugt ásmegin og
Lenín sneri aftur til Rússlands, til
St. Pétursborgar, til að leiða hreyf-
ingu bolsévika í byltingunni og
naut til þess fjárstuðnings þýskra
stjórnvalda.
Lenín þurfti þó að flýja til Finn-
lands um stund, en hann sneri
aftur í nóvember þar sem hann
stýrði hinni svokölluðu Október-
byltingu. Byltingin gekk hratt
fyrir sig og áður en langt var um
liðið höfðu bolsévikar náð völdum
víðast hvar í Rússlandi. Friður var
saminn við Þjóðverja, að kröfu
Leníns, en nokkrir kollega hans,
líkt og Nikolaj Búkharín, höfðu
viljað halda stríðsrekstri áfram og
breyta heimsstyrjöldinni í stétta-
stríð.
Næstu ár börðust kommúnist-
ar gegn hvítliðum og útsendur-
um erlendra ríkja en höfðu loks
fullnaðarsigur. Lenín varð leið-
togi hinna nýju Sovétríkja og ríkti
sem slíkur allt þar til hann lést
árið 1924.
Við tók grimmdarleg harðstjórn
Jósefs Stalín, en Sovétríkin lifðu
allt fram til ársins 1991. - þj
Heimild: Vísindavefurinn
Í ÞÁ TÍÐ: Árið 1917
Lenín snýr aftur
Byltingarforinginn snýr aftur úr útlegð til að leiða bolsévika
LENÍN