Fréttablaðið - 03.05.2011, Blaðsíða 4

3. maí 2011 ÞRIÐJUDAGUR4
SJÁVARÚTVEGUR „Það hlýtur að
vera svolítið afkáralegt að vera
Samfylkingarmaður um þessar
mundir. Verið er að knýja fram
inngöngu Íslands í Evrópusam-
bandið á sama tíma og fréttir
segja að verið sé að skoða ýmsa
þætti úr fiskveiðistjórnun hér á
landi og Samfylkingin er sífellt
að reka hornin í,“ segir Einar K.
Guðfinnsson, þingmaður og fyrr-
verandi sjávarútvegsráðherra, og
vísar til hugmynda innan fram-
kvæmdastjórnar ESB um að taka
upp framseljanlegar aflaheimildir
og banna brottkast.
Eins og kunn-
ugt er hefur
Samfylkingin
beitt sér fyrir
því að skera upp
íslenska kerfið
og framsalið er
ekki síst undir.
Einar segir
hugmyndir
innan fram-
kvæmdastjórn-
arinnar skammt á veg komnar.
„Við þekkjum að innan ESB eru
mjög skiptar skoðanir um fisk-
veiðistjórnun og mörg áhrifamikil
ríki hafa verið andvíg þessum hug-
myndum.“
Einar telur að hugmyndir innan
framkvæmdastjórnarinnar breyti
engu um aðild Íslands að ESB. Þar
sé ekki tekið á þeim stóru pólitísku
spurningum sem hér eru uppi. „Þá
á ég við spurningar sem lúta að
stjórn Íslendinga á fiskveiðilöggjöf-
inni, stjórn á veiði úr deilistofnum
og fleira. Hugmyndirnar kunna að
vera skynsamlegar en það er mikil
óvissa um niðurstöðuna og þær
taka ekki á þeim álitamálum sem
þarf að svara í aðildarumsóknar-
viðræðum,“ segir Einar. - shá
Einar K. Guðfinnsson segir vinnu innan ESB um fiskveiðistjórn skammt komna:
Erfitt að vera í Samfylkingunni
EINAR K.
GUÐFINNSSON
NÚ LOKAÐ FRAM Á HAUST Skíðasvæðið
í Bláfjöllum var opið í 63 daga í vetur,
en slakasti veturinn er varðar opnun
var árið 2003 til 2004, þegar opið var
einungis í 25 daga. FRÉTTABLAÐIÐ/VILHELM
ÚTIVIST Skíðasvæðinu í Bláfjöllum
hefur nú verið lokað eftir vetur-
inn. Flestir opnunardagar voru
stakir eða með lítilli samfellu
vegna veðurs og kom það niður á
gestafjöldanum, að því er segir í
tilkynningu. Svæðið var opið í 63
daga og gestir voru 46 þúsund,
að undanskildum gönguskíða-
mönnum.
Veturinn 2007 til 2008 var opið
67 daga í Bláfjöllum. Veturinn
2009 var svæðið opið í 56 daga.
„Þó að nægur snjór hefði verið
þá var veðurfarið okkur óhag-
stætt og sem dæmi þá náðist ekki
að hafa opið nema eina heila helgi
eftir áramót,“ segir í tilkynningu
frá forsvarsmönnum Bláfjalla um
veturinn sem var að líða. - sv
Bláfjöll lokuð fram á haust:
Opið í 63 daga
þennan vetur
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
22°
17°
12°
11°
15°
15°
9°
9°
20°
14°
22°
23°
32°
9°
17°
18°
7°Á MORGUN
3-8 m/s, en örlítið
stífari syðst.
FIMMTUDAGUR
5-10 m/s, hvassast
syðst.
7
5
14
10
10
10
15
10
12
5
11
2
6
5
3
2
4
4
3
2
8
2
8
8
10
10
7
13
10
10
15
12
MILT OG BJART
Sól og blíða í all-
fl estum landshlut-
um í dag og má
búast við 8-16°C.
Svipað á morgun
en kólnar lítillega.
Á fi mmtudag eru
horfur á bjart-
viðri víðast hvar
en þykknar smám
saman upp syðra
um kvöldið.
Elísabet
Margeirsdóttir
veður-
fréttamaður
Þorskverð hækkar
Á fundi úrskurðarnefndar sjómanna
og útvegsmanna var ákveðið að
hækka verð á slægðum og óslægðum
þorski, sem ráðstafað er til eigin
vinnslu eða seldur til skyldra aðila,
um fimm prósent. Verð þetta gildir frá
og með 2. maí 2011.
SJÁVARÚTVEGUR
VIÐSKIPTI Icelandair og flugfélag-
ið JetBlue Airways kynntu í gær
samstarf sem meðal annars felur
í sér sölu og farseðlaútgáfu á
flugleiðum hvors annars.
Viðskiptavinir Icelandair geta
nú keypt einn farseðil frá Íslandi
til þeirra tuga bandarísku borga
sem JetBlue flýgur til og jafn-
framt geta viðskiptavinir JetBlue
keypt miða til Íslands og Evrópu-
landa með flugi Icelandair.
Forystumenn félaganna undir-
ritu samninginn í New York og
hann tekur gildi í dag.
Icelandair víkkar út starfsemi:
Komið í sam-
starf við JetBlue
EFNAHAGSMÁL Íslensk stjórnvöld
höfðu ekki annan kost til að verja
innstæðueigendur í bankahruninu
en að setja neyðarlögin. Með því var
ekki brotið gegn tilskipun Evrópska
efnahagssvæðisins (EFTA) um að
innleiða og framfylgja tilskipun um
innstæðutryggingar, að því er segir
í formlegu svari stjórnvalda til ESA,
eftirlitsstofnunar EFTA.
Með þessu bregðast stjórnvöld við
áminningarbréfi sem ESA sendi í
maí á síðasta ári. Íslensk stjórnvöld
krefjast þess að málið verði látið
niður falla hjá stofnuninni.
Í áminningarbréfi ESA kemur
fram að það sé skylda íslenskra
stjórnvalda að ábyrgjast innstæð-
ur breskra og hollenskra eigenda
innstæðna á Icesave-reikningum
Landsbankans að því ríflega 20 þús-
und evra marki sem reglur um inn-
stæðutryggingar kveða á um.
ESA mun fara yfir rök íslenskra
stjórnvalda og annaðhvort láta
málið niður falla eða gefa út rök-
stutt álit um brot Íslands. Verði síð-
ari leiðin ofan á þurfa stjórnvöld að
svara fyrir afgreiðslu sína á málinu.
Fallist ESA ekki á þau rök verður
höfðað mál gegn íslenskum stjórn-
völdum fyrir EFTA-dómstólnum.
Í svari íslenskra stjórnvalda, sem
sendiherra Íslands í Brussel afhenti
í gær, segir að innleiðing innstæðu-
tilskipunarinnar hafi átt sér stað
með eðlilegum hætti. Því er mót-
mælt að tilskipunin feli í sér ríkis-
ábyrgð á innstæðum, aðeins sé hægt
að krefjast greiðslu þeirra fjármuna
sem fyrir séu í Tryggingarsjóði inn-
stæðueigenda og fjármagnseigenda.
Árni Páll Árnason, efnahags- og
viðskiptaráðherra, sagði á fundi
Áttu engan annan
kost en neyðarlögin
Íslensk stjórnvöld mótmæla því að brotið hafi verið gegn EFTA-tilskipun með
setningu neyðarlaganna. Þess er krafist í svari til EFTA að málið verði fellt
Aðgerðir Breta og Hollendinga eftir hrunið takmörkuðu svigrúm íslenskra stjórnvalda
til að bregðast við bankahruninu, sagði Árni Páll Árnason, efnahags- og viðskipta-
ráðherra, í gær. Það hafi til að mynda verið gert með frystingu eigna í Bretlandi og
Hollandi. Það var með því að beita ákvæðum hryðjuverkalaga í Bretlandi, eins og
frægt er orðið. „Það er algerlega óumdeilt að Bretar og Hollendingar brutu gegn
ákvæðum tilskipunar [EFTA] um slit á fjármálafyrirtækjum með einhliða aðgerðum
sínum,“ sagði Árni í gær. Það hafi tafið uppgjör á þrotabúi Landsbankans verulega.
Bretland og Holland einnig brotleg
SVARBRÉF Árni Páll Árnason, efnahags- og viðskiptaráðherra, kynnti svar Íslands
til ESA, eftirlitsstofnunar EFTA, í Þjóðmenningarhúsinu í gær. FRÉTTABLAÐIÐ/VALLI
með fjölmiðlafólki að íslensk
stjórnvöld hefðu tryggt eftir því
sem hægt hafi verið að innstæðu-
eigendur fengju eign sína greidda.
Það hefðu þau gert með setningu
neyðarlaganna svokölluðu, þar
sem innstæður hefðu verið gerðar
að forgangskröfum í þrotabú föllnu
bankanna.
Hann benti jafnframt á að nú
væru allar líkur á því að inn-
stæðueigendur fengju kröfur sínar
greiddar úr þrotabúi Landsbankans.
Ekkert innstæðukerfi getur stað-
ið af sér algert bankahrun, sagði
Árni. Því verði ekki talið að Ísland
hafi með nokkrum hætti vanrækt
skyldur sínar þó að greiðslur til inn-
stæðueigenda tefjist.
Árni sagði víðtækt samráð hafa
verið við vinnslu svars íslenskra
stjórnvalda til ESA. Hann sagði
sérstaklega ánægjulegt að þeir
sem barist höfðu hvað harðast fyrir
því að Íslendingar höfnuðu Icesave-
samningunum í þjóðaratkvæða-
greiðslu hefðu hjálpað til við að
finna rök og gögn sem komið hefðu
að gagni. Meðal þeirra voru Jóhann-
es Karl Sveinsson, Peter Dyrberg,
Dóra Guðmundsdóttir, Eiríkur S.
Svavarsson, Reimar Pétursson og
Stefán Már Stefánsson.
brjann@frettabladid.is
STJÓRNSÝSLA Eiríkur Tómas-
son lagaprófessor og Þorgeir
Örlygsson, dómari við EFTA-
dómstólinn, eru hæfastir af sex
umsækjendum til að gegna emb-
ætti hæstaréttardómara að mati
sérstakrar dómnefndar. Á eftir
þeim voru sett í sama flokk þau
Benedikt Bogason dómstjóri,
Gréta Baldursdóttir héraðsdóm-
ari, Helgi I. Jónsson dómstjóri og
Sigríður Ingvarsdóttir héraðs-
dómari.
Upphaflega voru átta umsækj-
endur um dómaraembættin þrjú
en tveir drógu sína umsókn til
baka. Í dómnefndinni eru Páll
Hreinsson, formaður hennar,
Allan V. Magnússon, Brynjar
Níelsson, Guðrún Agnarsdóttir
og Stefán Már Stefánsson. - gar
Umsóknir um dómarastöður:
Tveir hæfastir
fyrir Hæstarétt
SAMGÖNGUR Þota Iceland Express
til Berlínar í gærkvöld var snúið
aftur til lendingar skömmu eftir
flugtak frá Keflavík í gær. Ekki
tókst að fá upplýsingar um atvik-
ið frá félaginu í gær. Samkvæmt
heimildum Fréttablaðsins var það
gert í öryggisskyni vegna þrýst-
ingsvandamáls um borð.
Farþegi sem var um borð í vél-
inni sagðist í samtali við Frétta-
blaðið einnig hafa fengið slík-
ar skýringar. Hins vegar hafi
farþegar engar aðrar upplýs-
ingar fengið um áætlaða fram-
vindu málsins. Þeim hafi þó verið
fengnar 1.500 krónur fyrir veit-
ingum. „Það fæst ekkert fyrir
1.500 krónur á Keflavíkurflug-
velli,“ sagði farþeginn. Engin
hætta mun hafa verið á ferðum
og ekki var óskað aðstoðar við
lendinguna. - gar
Truflun hjá Iceland Express:
Þotu snúið við
eftir flugtak
GENGIÐ 02.05.2011
GJALDMIÐLAR KAUP SALA
HEIMILD: Seðlabanki Íslands
218,2483
GENGISVÍSITALA KRÓNUNNAR
110,75 111,27
184,79 185,69
164,25 165,17
22,024 22,152
21,063 21,187
18,408 18,516
1,3585 1,3665
179,46 180,52
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Benedikt Freyr Jónsson benediktj@365.is RAÐAUGLÝSINGAR /FASTEIGNIR SÍMI 512-5403:
Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is KYNNINGARSTJÓRI: Einar Skúlason einar.skulason@365.is