Fréttablaðið - 03.05.2011, Blaðsíða 38
3. maí 2011 ÞRIÐJUDAGUR26
folk@frettabladid.is
Kanadíska ofurstirnið Justin
Bieber hefur augljóslega gaman
af prakkarastrikum. Hann setti
nýlega símanúmerið sitt, að því
er virtist, inn á Twitter-síðu sína
nýlega og hvatti aðdáendur sína til
að hringja í sig og spjalla. „Leyfið
mér að heyra frá ykkur,“ voru
skilaboðin frá táningsstjörnunni.
Seinna kom í ljós að þetta var
hrekkur og hálfgerð afmælis-
gjöf Biebers til vinar síns Wilsons
Warren en sá var svo óheppinn að
eiga símanúmerið. Eins og gefur
að skilja stoppaði síminn ekki og
aumingja Wilson vissi vart hvaðan
á sig stóð veðrið þegar móðursjúk-
ar unglingsstúlkur fóru að láta í
sér heyra. Wilson tók hins vegar
gríninu vel og þeir tveir sömdu
frið á Twitter-síðunni skömmu
seinna.
Bieber er
prakkari
SPAUGARI Justin Bieber þykir fátt jafn
skemmtilegt og að hrekkja vini sína eins
og vinur hans Wilson Warren fékk að
kynnast.
Breska þjóðin má vart vatni halda
yfir yngri systur Katrínar hertoga-
ynju af Cambridge, Pippu Middle-
ton, en hún lék lykilhlutverk sem
fyrsta brúðarmær í konunglega
brúðkaupinu og stóð sig með prýði.
Partíljónið Pippa getur orðið næsta
stjarna Bretlandseyja ef hún vill.
Pippu Middleton grunaði eflaust
ekki að hún myndi hleypa af stað
fjölmiðlasirkus þegar hún steig
brosandi út úr brúðarbílnum til að
hjálpa systur sinni að laga slóðann.
Í þröngum kjól úr smiðju Söruh
Burton hjá tískuhúsi Alexander
McQueen og með breitt brosið að
vopni heillaði hin 27 ára gamla
Phil ippa Middleton, kölluð Pippa,
alla upp úr skónum. Kjóllinn virtist
beina athygli sumra að afturenda
Pippu sem hefur einnig fengið sinn
skerf af athyglinni og hafa meðal
annars verið stofnaðar margar
aðdáendasíður honum til heiðurs.
Sumir sérfræðingar vilja meina
að klæðnaður brúðarmeyjarinnar
hafi verið of þröngt sniðinn og fleg-
ið hálsmálið sæmi ekki konunglegu
brúðkaupi. Aðrir telja að Katrín
hertogaynja hafi gjarna viljað deila
sviðsljósinu með litlu systur.
Daily Mail er með ýtarlega
grein um litlu systurina og veltir
því fyrir sér hvernig fröken Pippa
ætli að fara með frægðina. Aðeins
eitt ár er á milli systranna sem eru
samkvæmt vinum og vandamönn-
um mjög ólíkar. Flestir vilja meina
að partíljónið Pippa hafi frekar
verið líkleg til að næla sér í fræg-
an og ríkan mann en hin hljóðláta
eldri systir. Pippa er vön að vera
miðpunktur athyglinnar.
Pippa vinnur hjá veisluþjón-
ustu en þar sameinar hún tvö af
sínum helstu áhugamálum, partí
og tengslamyndun. Sjónir manna
beinast nú að einkalífi hennar, en
hún er í sambandi með fyrrver-
andi krikketspilara og núverandi
bankastarfsmanni Alex Loudon, en
margir vona að hún hreinlega taki
saman við yngri bróður Vilhjálms,
Harrý Bretaprins en þau gengu
saman út kirkjugólfið á föstudag-
inn. Samkvæmt breskum miðlum,
sem bíða nú í ofvæni eftir næstu
skrefum Pippu, hefur biðin í skugg-
anum á stóru systur verið óþolandi.
Nú gæti hennar tími verið kominn
og nokkuð ljóst að við eigum eftir
að heyra meira af fröken Pippu
Middleton í framtíðinni.
alfrun@frettabladid.is
BRÚÐARMÆRIN SEM STAL SENUNNI
GLÆSILEG Philippa Middleton var glæsileg sem fyrsta brúðarmær í konunglega brúð-
kaupinu og vakti kjóll hennar athygli sem beindist einkum að afturhluta Pippu sem
hefur eignast fjöldann allan af aðdáendum á internetinu.
milljónir dala flugu í vasa framleiðenda fimmtu Fast and Furious-
myndarinnar um helgina. Engin mynd frumsýnd í apríl hefur náð viðlíka
árangri, en í íslenskum krónum eru þetta um níu milljarðar.
83,6
PARTÍLJÓN Pippa er ólík systur sinni að
því leyti að hún er mikill partípinni og
leiðist alls ekki sviðsljósið.
Unnusti söng- og leik-
konunnar Jennifer Hud-
son, David Otunga, hefur
bannað henni að grenn-
ast meira, en fjölmiðlar
vestanhafs hafa einnig
deilt áhyggjum hans af ört
minnkandi umfangi líkama
Óskarsverðlaunahafans.
Hudson hefur grennst
um fjórar fatastærðir á
síðustu tveimur árum og
segist leikkonan einnig
eiga erfitt með að venjast
þessum hröðu breytingum
á líkama sínum „Ég hef
grennst mjög hratt enda
fylgi ég ströngu matar-
plani. Mér bregður stund-
um þegar ég lít í speg-
il en ég vil ekki grennast
meira. Þetta er nóg,“ segir
Hudson.
Bannar meiri megrun
MIKIL BREYTING Söng- og leikkonan Jennifer Hud-
son hefur grennst um fjórar fatastærðir á síðustu
tveimur árum en vill ekki grennast meira.
NORDICPHOTOS/GETTY
Taktkjafturinn Beardyman kemur
fram á tónleikum á Nasa næsta
laugardag, 7. maí.
Beardyman vakti fyrst athygli
þegar hann vann keppnina UK
Beatbox Champion árin 2006 og
2007. Árið 2008 sat hann í dóm-
nefnd. Hann hefur verið í farar-
broddi taktkjafta og blandar saman
nýjustu tækni og hæfileikum sínum
til að skapa heilu tónverkin á sviði.
Hann ku vera afar fjölhæfur og
tónleikar hans þykja skemmtileg-
ir, fyndnir og áhugaverðir.
Fjölmargir tónlistarmenn koma
fram á Nasa á laugardaginn ásamt
Beardyman: Mc Messiah, Mc
Chiovas og Nasty Shit frá Lithá-
en, Dj Mira Joo frá Ungverjalandi,
íslensku hipphopp-hljómsveitirn-
ar Forgotten Lores og 32C; Rapp-
ararnir Emmsjé Gauti og Dabbi T
ásamt PLX, Gnúsa Yones, Marlon
Pollock og 3. hæðinni.
Forsala fer fram í verslunum
Skór.is í Kringlunni og Smáralind
og í plötubúðinni Lucky Records
á Hverfisgötu. Miðaverð er 3.000
krónur í forsölu og 3.500 við dyrn-
ar. - afb
Besti taktkjaftur Breta á Nasa
SÁ BESTI Þegar Beardyman mætti
í viðtal á BBC fyrir nokkrum miss-
erum var hann titlaður konungur
hljóða og takta. Lærðu að kenna
börnum jóga
Námskeið sem er opið öllum og hentar
sérstaklega leikskóla- og grunnskólakennurum,
verður haldið helgina 7. og 8. maí í Jóga stúdíó.
Jóga er góð leið til þess að ná betri einbeitningu, auka liðleika
og styrk, það eykur sjálfstraust, bætir skap og kætir.
Börnin læra samvinnu og að bera virðingu fyrir sér og öðrum.
Farið verður yfir æfingar og leiki sem henta börnum vel,
hvernig gott er að byggja upp jógatíma og hvernig hægt er að
færa jóga inn í skólastofuna og leikskólann
Laugardagur 7. maí. kl: 9 - 16
Sunnudagur 8. maí kl: 10 - 15
Verð 28.000 kr.
Skráning er hafin á www.jogastudio.is
og í síma: 772-1025 - Ágústa og 695-8464 - Drífa
JÓGA
Stúdíó