Fréttablaðið - 03.05.2011, Blaðsíða 24

3. MAÍ 2011 ÞRIÐJUDAGUR2 ● reiðhjól
Reiðhjólasala er með besta
móti þessa dagana. Örninn
í Skeifunni 11d býður upp á
hjól frá gæðamerkinu Trek
auk þess sem fyrirtækið rekur
hjólreiðaverkstæði.
„Reiðhjól hafa átt miklum vin-
sældum að fagna undanfarið.
Við fundum fyrir söluaukningu
síðasta sumar en síðan í mars á
þessu ári hefur verið geysimikið
að gera,“ segir Jón Þór Skaftason,
verslunarstjóri Arnarins. Hann
segir mestu aukninguna vera í
fullorðinshjólum og fólk velji sér
orðið dýrari og vandaðri hjól.
„Það er greinilegt að fólk ætlar
að kaupa hjól til að nota það,“
segir Jón Þór og telur ástæðuna
helst mega rekja til hækkandi
bensínverðs. „Fólk talar um að
minnka notkun á bílnum og ein-
hverjir ætla að selja annan bílinn
ef tveir eru á heimilinu,“ segir
hann. Þannig réttlæti fólk líka
kaup á dýrara hjóli. „Slík hjól fara
betur með fólk, endast lengur og
fólk gefst síður upp á að nota þau.“
Jón Þór segir viðskiptavini
Arnarins aðallega kaupa götuhjól
eða blendinga en minna sé keypt
af fjallahjólum. „Á götuhjólunum
situr fólk beinna í baki og fær því
minni verki, þá eru hjólin grennri
og sléttari og renna þar af leið-
andi betur á malbiki,“ segir Jón
Þór.
Í Erninum er boðið upp á hjól
frá merkinu Trek sem Jón Þór
segir leiðandi í heiminum í flest-
um gerðum hjóla. Þá er í Ern-
inum einnig boðið upp á fjölda
aukahluta. „Fólk kaupir sérstak-
lega bögglabera, körfur og tösk-
ur á bögglaberana,“ segir Jón Þór
en sala í fatnaði hefur einnig auk-
ist mjög undanfarið. „Við seljum
mikið af regn- og vindfatnaði sem
er sérstaklega sniðinn að hjólreið-
um,“ segir hann.
Örninn heldur einnig úti hjól-
reiðaverkstæði fyrir allar gerð-
ir hjóla. „Þar vinna fimm menn
og hafa vart undan,“ upplýsir Jón
Þór en bendir á að öllum nýjum
hjólum frá Erninum fylgi upp-
hersla innan árs.
Jón Þór segir einnig algengt
að fólk kaupi varahluti í Erninum
til að gera upp gömul hjól. „Við
höfum orðið varir við mikla við-
horfsbreytingu. Það er ekki leng-
ur asnalegt að hjóla,“ segir Jón
Þór glaðlega.
Götuhjólin eru vinsælust
Vönduð götuhjól eru vinsælust meðal viðskiptavina Arnarins, að sögn Jóns Þórs Skaftasonar verslunarstjóra. MYND/VALLI
● HJÓLAÐ Í VINNUNA
Á NÝ
Átakið Hjólað í vinnuna hefst
á miðvikudaginn 4. maí og
stendur til 24. maí. Íþrótta-
og Ólympíusamband Íslands
hefur staðið fyrir átakinu frá
árinu 2003 en því er ætlað að
efla hreyfingu og starfsanda
á vinnustöðum auk þess sem
markmiðið er að vekja athygli
á hjólreiðum sem heilsusam-
legum, umhverfisvænum og
hagkvæmum samgöngu-
máta.
Þátttaka í átakinu hefur
margfaldast frá upphafi. Í
upphafi stóð verkefnið yfir í
eina viku en í ár í þrjár vikur.
Á heimasíðunni www.hjo-
ladivinnuna.is er hægt að fá
allar upplýsingar um átakið
auk þess sem hægt er að skrá
vinnustaði til þátttöku og fá
góð ráð um ýmislegt sem
snýr að hjólreiðum.
Útgefandi: 365 miðlar ehf., Skaftahlíð 24, s. 512 5000
Umsjónarmenn auglýsinga: Sigríður Dagný Sigurbjörnsdóttir sigridurdagny@365.is s. 512 5462
og Ívar Örn Hansen ivarorn@365.is s. 512 5429.
Margar skemmtilegar hjólaleiðir er að
finna á höfuðborgarsvæðinu. Fréttablaðið
tók saman nokkra skemmtilega hringi til
að hjóla með hækkandi sól.
● Einn fjölfarnasti útivistarstígur landsins
er stígurinn sem liggur meðfram Sæbraut,
Geirs- og Mýrargötu, Ánanaustum, Eiðis-
granda og nær svo alla leið út í Fossvogs-
dal, meðfram Ægisíðu og Skerjafirði. Sé
allur stígurinn hjólaður er leiðin meira en
tuttugu kílómetra löng og er skemmtileg að
því leyti að hún liggur að mestu meðfram
sjónum.
● Mjög skemmtilegan höggmyndagarð Hall-
steins Sigurðssonar er að finna í Gufunesi
í Grafarvogi og tilvalið að skella sér í hjó-
latúr í Grafarvoginn og njóta listar um
leið. Margar skemmtilegar hjólaleiðir er að
finna í Grafarvogi, bæði meðfram strand-
lengjunni og svo er ein sem liggur í hlykkj-
um milli Grafarvogs og Grafarholts, einmitt
nálægt höggmyndagarðinum.
● Seltjarnarnesið er stutt og góð hjólaleið
sem er nokkuð aflíðandi. Stígurinn með-
fram sjávarsíðunni er um fimm kílómetra
langur og hentar því hjólreiðamönnum í ná-
grenninu vel sem vilja til dæmis fara í stutt-
an túr fyrir kvöldmat.
● Elliðaárdalurinn er ein af fjölsóttustu nátt-
úruperlum höfuðborgarsvæðisins. Þar má
finna stíga sem lagðir hafa verið um dal-
inn og ef hjólafólk er sérstaklega kraftmik-
ið má lengja leiðina og hjóla sem leið ligg-
ur upp í Heiðmörk í gegnum dalinn. Styttri
hjólahringi er einnig hægt að fara í dalnum
og staldra við í Indíánagili og bregða á leik.
● Kópavogsbúar búa svo vel að geta hjól-
að strandstíg um Kársnes í Kópavogi og
bruna stíga alla leið að álverinu í Hafnar-
firði. Góðar leiðbeiningar um hjólaleiðir er
að finna á vefsíðu Landssamtaka hjólreiða-
manna, lhm.is, en þar má finna nákvæmar
leiðbeiningar um hvaða götur má hjóla til
að ná settu markmiði; göturnar Súlunes og
Hegranes í Garðabæ, strandstíg um Arnar-
nesvog og stíginn meðfram Reykjavíkur-
vegi og Strandveg í Hafnarfirði. Jafnframt
eru þar margar tillögur að ýmsum góðum
hjólaleiðum.
Lengri og styttri túrar
Margar skemmtilegar hjólaleiðir er að finna í borginni og heimasíður hjólareiðafélaga gefa oft góðar upplýsingar
um leiðir.