Fréttablaðið - 03.05.2011, Blaðsíða 20

3. maí 2011 ÞRIÐJUDAGUR2
Stærsta fruma mannslíkamans er egg konunnar en sú
minnsta sæði mannsins. Eggfruman er sú eina sem sést með
berum augum en hún er um 1 millimetri að stærð.
Þrátt fyrir að heilabilunarsjúk-
dómar hrjái um tuttugu prósent
fólks sem er yfir áttrætt er þekk-
ingu á sjúkdómunum mjög ábóta-
vant. María K. Jónsdóttir, sérfræð-
ingur í klínískri taugasálfræði,
fékk á dögunum styrk til að fara
af stað með rannsókn á þekkingu
almennings á Alzheimers-sjúk-
dómnum.
„Þekking fólks á Alzheimer er
mikilvæg því aðstandendur gegna
stóru hlutverki í greiningu á sjúk-
dómnum. Ef fólk hefur brenglaða
mynd af því hvað er eðlileg öldrun
og að heilabilunarsjúkdómar séu
afskrifaðir sem eðlilegt minnis-
tap er líklegt að sjúklingar með þá
sjúkdóma fái ekki hjálp og stuðn-
ing,“ segir María. „Meirihluti aldr-
aðra er virkur og með gott minni.“
Erlendis hafa verið gerðar rann-
sóknir á þekkingu almennings og
heilbrigðisstarfsfólks á Alzhei-
mer-sjúkdómnum, sem hafa leitt
í ljós að þekkingu er ábótavant.
María segist ekki gera ráð fyrir að
ástandið í þeim málum sé öðruvísi
hérlendis. „Sjúklingar eru yfirleitt
ófærir um að átta sig sjálfir á ein-
kennunum og því skiptir miklu að
aðstandendur geti borið kennsl á
þau og leiti hjálpar, því sjúkling-
arnir gera það ekki sjálfir.“
Svava Aradóttir, framkvæmda-
stjóri FAAS, félags áhugafólks
og aðstandenda Alzheimers-sjúk-
linga, segir ljóst að þrátt fyrir að
almenn þekking á heilabilunar-
sjúkdómum hafi batnað á undan-
förnum árum sé langt í land.
Svava bendir á að þjóðin sé að
eldast og mikil fjölgun á eldra
fólki næstu áratugi sé staðreynd.
„Það kom skýrt fram í mann-
fjöldaspá sem Hagstofan birti
í lok síðasta árs. Þar af leiðandi
mun hópur fólks með heilabilun
stækka verulega á næstu áratug-
um og við verðum að undirbúa
okkur fyrir þá fjölgun. Sárlega
vantar heildræna stefnumótun í
þessum málaflokki. Hún er ekki
til hér á landi en mjög margar
þjóðir sem við viljum bera okkur
saman við eru búnar að vinna
slíka stefnumótun eða eru með
hana í vinnslu.“
FAAS verður gestgjafi í júní á
norrænum fundi Alzheimersfélaga
þar sem fulltrúar allra félaga á
Norðurlöndum mæta en aðalefni
fundarins verður þekking fólks
á heilabilun. „Það er oft ákveðið
tabú í kringum það þegar sjúkling-
ar með heilabilun sýna af sér óvið-
eigandi félagslega hegðun. Þegar
þekkingin er ekki til staðar getur
verið djúpt á skilningi gagnvart
aðstæðum þessara einstaklinga og
mikil hætta er á að fólk einangrist
félagslega.“ juliam@frettabladid.is
Lítil þekking á heilabilunum
Heilabilun er oft afskrifuð sem eðlileg minnisglöp vegna vanþekkingar á heilabilunarsjúkdómum. Heilabilunarsjúkdómar hrjá um 20 prósent
fólks, eldra en áttatíu ára. Þekking er afar mikilvæg til að sjúklingar fái hjálp og aðstandendur stuðning.
Svava Aradóttir, framkvæmdastjóri FAAS, bendir á að þjóðin sé að eldast og mikil
fjölgun á eldra fólki næstu áratugi sé staðreynd.
Heilabilun hrjáir um 20 prósent fólks
eldra en 80 ára.
Ný námskeið eru að
hefjast hjá Guðna
Gunnarssyni í Rope
Yoga-setrinu í Listhús-
inu í Laugardal. Boðið
er upp á Gló Motion
og Rope Yoga-nám-
skeið og einnig nám-
skeiðið Máttur viljans
– orku- og aðhalds-
námskeið sem hefst
12. maí. Fjöldi tíma er
í boði.

Heimild/
ropeyogasetrid.is