Fréttablaðið - 04.08.2011, Blaðsíða 42
4. ágúst 2011 FIMMTUDAGUR30
tonlist@frettabladid.is
TÓNNINN GEFINN
Trausti Júlíusson
> PLATA VIKUNNAR
Steindinn okkar - Án djóks
samt djók
★★★★
„Foooookk hvað þetta er
skemmtileg plata!“ - TJ
Tyler Okonma er eitt heitasta nafnið í hip-hop heiminum í dag. Hann
kallar sig Tyler the Creator og er hluti af Odd Future-teyminu. Tyler,
sem er frá Los Angeles, rappar, býr til takta og myndbönd og hefur
verið ótrúlega afkastamikill síðustu tvö ár. Odd Future er reyndar
stytting á OFWGKTA (Odd Future Wolf
Gang Kill Them All). Í hópnum eru m.a.
auk Tylers rappararnir Hodgy Beats, Earl
Sweatshirt og Domo Genesis og taktasmið-
irnir Left Brain og Matt Martians.
Tyler og félagar hafa farið sína eigin leið
til þess að skapa sér nafn. Framan af var
plötunum þeirra dreift ókeypis á netinu, en
fyrsta hefðbundna útgáfa Tylers, Goblin,
kom út hjá breska fyrirtækinu XL Record-
ings í vor. Tyler segist ekki bera mikla virð-
ingu fyrir bandarísku rappsenunni. Hann
hefur engan áhuga á „fertugum köllum sem
rappa um Gucci“ og öfugt við flesta hip-hop
tónlistarmenn síðustu áratuga þá nota Odd
Future-menn ekki brot úr tónlist annarra í taktana sína: „Hef enga þörf
fyrir það,“ segir Tyler í nýlegu viðtali. „Af hverju ætti ég að nota ann-
arra manna hljóð? Af hverju ekki að búa til sín eigin?“
Myndbönd Odd Future-manna eru líka ólík þessum dæmigerðu
rappara myndböndum. Gott dæmi er myndband Tylers við lagið
Yonkers af nýju plötunni. Það er einfalt að gerð og í svart-hvítu og
Tyler sjálfur er það eina sem þú sérð. Engar léttklæddar stelpur, ekk-
ert kampavín, ekkert partí. Textarnir hjá Odd Future-mönnum hafa
farið fyrir brjóstið á mörgum. Þeir þykja yfirfullir af ofbeldi, klámi og
hómófóbíu og Tyler hefur notað slagorð eins og „Kill people, burn shit,
fuck school“. Ýmis samtök vestanhafs hafa mótmælt við tónleikastaði
þar sem Odd Future hefur troðið upp.
Ef ástæðan fyrir öllum orðasoranum var að vekja athygli á Odd Fut-
ure hefur það tekist. Gömlu rappararnir eru fullir aðdáunar. P Diddy
steig á svið með hópnum á SXSW-hátíðinni í vor og Jay-Z hefur kallað
Yonkers-myndbandið það besta á árinu.
Fer sínar eigin leiðir
TYLER OKONMA Tyler
Okonma og félagar í Odd
Future hafa hrist upp í rapp-
heiminum undanfarið.
Caleb Followill, söngv-
ari Kings of Leon,
hefur tjáð sig í fyrsta
sinn síðan hljómsveit-
in aflýsti tónleikaferð
sinni um Bandarík-
in, alls 28 tónleikum.
Ástæðan sem var gefin
upp var vandamál
Followills með röddina
og ofþreyta en sumir
telja að annað búi að baki.
Ákvörðunin um að aflýsa tónleikaferð-
inni var tekin eftir að Followill gekk af
sviðinu á tónleikum í Dallas þegar aðeins
nokkur lög voru eftir. „Ég er bara að reyna
að jafna mig,“ sagði Followill. Spurður
hvers vegna hann
hefði gengið af sviðinu
kenndi hann röddinni
um og sagði hana illa
farna.
Blaðið US Weekly
hélt því fram að félagar
Followills í sveitinni
hefðu hvatt hann til að
fara í meðferð vegna
óhóflegrar drykkju
sinnar. Trommarinn Nathan Followill
hefur vísað því á bug á Twitter að Kings
of Leon sé að hætta. Bassaleikarinn Jared
Followill segir aftur á móti að hljómsveitin
glími við stór vandamál innan sinna her-
búða.
Segjast ekki vera að hætta
EKKI AÐ HÆTTA Hljómsveitin Kings of Leon er
ekki að hætta að sögn Nathans Followill.
TÓNLISTINN
Vikuna 28. júlí - 3. ágúst 2011
LAGALISTINN
Vikuna 28. júlí - 3. ágúst 2011
Sæti Flytjandi Lag
1 Páll Óskar ..................................................... La Dolce Vita
2 Of Monsters and Men ................................... Little Talks
3 Coldplay .........................Every Teardrop Is a Waterfall
4 Bubbi Morthens............................................Háskaleikur
5 Steindi JR / Bent / Matti Matt .........Gull af mönnum
6 Berndsen & Bubbi ...........................................Úlfur Úlfur
7 Jón Jónsson .................................................Wanna Get It
8 Steven Tyler ............................................It Feels so Good
9 Adele ................................................. Set Fire to the Rain
10 Mugison ...........................................................Stingum af
Sæti Flytjandi Plata
1 Helgi Björns & Reiðmenn... .....Ég vil fara uppí sveit
2 Steindinn okkar.......................... Án djóks ... samt djók
3 Björgvin & Hjartagosarnir ...........................Leiðin heim
4 Gus Gus ......................................................Arabian Horse
5 Bubbi ..............................................................Ég trúi á þig
6 Jón Jónsson ..................................................Wait for Fate
7 Valdimar ............................................................Undraland
8 Ýmsir ................................................................. Pottþétt 55
9 Ýmsir ......................... Miklu meira veistu hver ég var?
10 Ýmsir ...........................................................Stuð stuð stuð
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
Síðustu tvær plötur ensku
popparanna í Wild Beasts
hafa fengið flotta dóma.
Hljómsveitin spilar á Big
Chill-hátíðinni á morgun.
Enska hljómsveitin Wild Beasts
gaf út sína þriðju plötu, Smother,
fyrr á árinu. Platan hefur fengið
frábæra dóma og telja tónlistar-
spekúlantar líklegt að hún lendi
ofarlega á hinum ýmsu árslistum
í desember.
Wild Beasts var stofnuð árið 2002
í bænum Kendal á Englandi. Hljóm-
sveitin hét upphaflega Fauve (villi-
köttur á frönsku) og stofn meðlimir
voru þeir Hayden Thorpe og Ben
Little. Fauve var upphaflega dúó
en þegar trommarinn Chris Talbot
gekk til liðs við sveitina var nafn-
inu breytt í Wild Beasts. Síðar meir
átti bassaleikarinn Tom Fleming
eftir að bætast í hópinn.
Eftir að hafa gefið út tvær
EP-plötur og flutt til borgar-
innar Leeds gerði hljómsveitin
útgáfusamning við Bad Sneakers
Records og skömmu síðar við Dom-
ino Records. Fyrsta platan í fullri
lengd, Limbo, Panto, vakti athygli
á sveitinni og töldu tónlistarblaða-
menn hana líklega til vinsælda.
Falsettusöngstíll Thorpe þótti
fyrirtak rétt eins og silkimjúkt
poppið og nýir aðdáendur skriðu
fram úr fylgsnum sínum.
Næsta plata, Two Dancers, sem
kom út 2009, sló í gegn og varð
ofarlega á mörgum árslistum. Í
framhaldinu var sveitin tilnefnd
til Mercury-verðlaunanna í Bret-
landi árið 2010 en verðlaunin féllu
í skaut The XX.
Tónlist Wild Beasts hefur verið
lýst sem blöndu af indítónlist og
draumpoppi. Hljóðgervlar eru
áberandi á nýju plötunni, sem
hefur fengið fantagóða dóma, þar
á meðal fjórar stjörnur hjá Q og
The Guardian og 9 af 10 hjá Clash
og NME.
Til að fylgja Smother eftir er
Wild Beasts á leið í stóra tón-
leikaferð um Evrópu og Norður-
Ameríku og verða fyrstu tónleik-
arnir á The Big Chill-hátíðinni
á Englandi annað kvöld. Þar
stíga einnig á svið The Chemical
Brothers, Robert Plant og Kanye
West. freyr@frettabladid.is
Silkimjúkt indí-draumpopp
WILD BEASTS Ensku poppararnir hafa fengið frábæra dóma fyrir tvær síðustu plötur sínar. NORDICPHOTOS/GETTY
>Í SPILARANUM
Ruddinn - I Need A Vacation
Snorri Helgason - Winter Sun
Wild Beasts - Smother
SNORRI HELGASON BERTEL ÓLAFSSON (RUDDINN)
Allt sem þú þarft
Þú færð Fréttablaðið
á kostnaðarverði á 120 stöðum
um land allt. Nánari upplýsingar
á visir.is/dreifing