Fréttablaðið - 04.08.2011, Blaðsíða 54

4. ágúst 2011 FIMMTUDAGUR42
BESTI BITINN Í BÆNUM
„Þetta er vinaleg íþrótt sem
leggur mikið upp úr góðum liðs-
anda og jákvæðni,“ segir sænski
klappstýrumeistarinn Alexander
Ström, sem ásamt félaga sínum
Pétri Sveinssyni ætlar að kynna
klappstýruíþróttina fyrir Íslend-
ingum og standa fyrir námskeiði
um helgina. „Ég er viss um að
Íslendingar eru forvitnir að vita
um hvað íþróttin snýst,“ segir
Pétur og bætir við að klappstýr-
ing sé íþróttagrein og ekki einung-
is klapp frá hliðarlínunni á öðrum
íþróttaleikjum.
Vinsældir klappstýruíþrótt-
arinnar fara vaxandi í Skandi-
navíu, á meginlandi Evrópu og í
Bandaríkjunum. Alexander er til
að mynda margfaldur sænskur
meistari í íþróttinni og sá um að
kynna hana fyrir Pétri. „Ég fór
á eitt mót í Svíþjóð fyrir fimm
mánuðum og varð uppnuminn af
íþróttinni. Það er svo mikil orka
og jákvæðni sem streymir í gegn
að ég vildi strax fara að æfa,“
segir Pétur, sem hefur hvorki æft
dans né fimleika áður. „Ég hef
bakgrunn úr fótbolta og það að ég
geti æft þessa íþrótt sýnir að allir
geta verið með.“
Alexander tekur undir þessi orð
Péturs og bætir við að það sé einn
af kostum íþróttarinnar. „Allir fá
sitt hlutverk óháð líkamlegri getu
og stærð. Þetta er hið fullkomna
liðssport þar sem allir verða að
leggjast á eitt og treysta hver
öðrum.“
Alexander hefur verið staddur
hér á landi í þrjár vikur og það
kom honum skemmtilega á óvart
hversu góða aðstöðu Ísland hefur
upp á að bjóða. „Það er ekkert
skrýtið að þið náið langt í íþrótt-
um því þið hafið allt til alls. Ég er
viss um að Ísland getur náð langt í
íþróttinni og verið á toppnum eftir
nokkur ár.“
En hvað vill hann segja við þá
sem halda að íþróttin sé bara fyrir
stelpur? „Lítið á mig. Auðvitað eru
fleiri stelpur en strákar í þessu
núna en hún er samt karlmannleg.
Ég hef til dæmis fengið vini mína
til að yfirgefa íshokkí og byrja að
æfa klappstýruíþróttina frekar.“
Alexander og Pétur hvetja alla
til að skrá sig á námskeiðið sem
haldið verður í Fagralundi um
helgina. Ekkert aldurstakmark
og enginn sérstakur íþróttalegur
bakgrunnur er nauðsynlegur. Þeir
ætla svo að sýna afrakstur nám-
skeiðsins víðs vegar um borgina
um helgina.
Hægt er að skrá sig og fá nán-
ari upplýsingar á vefsíðunni http://
www.icelandcheer.com/.
alfrun@frettabladid.is
ALEXANDER STRÖM: ÞETTA ER HIN FULLKOMNA LIÐSÍÞRÓTT
Vinirnir hætta í íshokkí til
þess að gerast klappstýrur
ÍÞRÓTT FYRIR ALLA Þeir Alexander Ström og Pétur Sveinsson ætla að kynna klapp-
stýruíþróttina fyrir Íslendingum um helgina. Ström er margfaldur sænskur meistari í
íþróttinni, sem er mjög vinsæl úti í heimi. FRÉTTABLAÐIÐ/VALLI
„Þetta hefur ekki verið gert síðan fyndnasti
maður Íslands var síðast krýndur,“ segir grín-
istinn Halldór Halldórsson, Dóri DNA.
Dóri, Steindi Jr. og Ágúst Bent setjast í
dómarasætið á Prikinu á morgun þar sem
keppni í uppistandi fer fram klukkan átta.
Dóri segir skráningu í keppnina ganga vel, en
þeir sem vilja spreyta sig geta ennþá skráð
sig til leiks með því að senda póst á bokanir@
prikid.is.
Að hverju eruð þið að leita?
„Það eru rosalega margir frumlegir og
með steiktar pælingar sem eru fyndnar. Það
sleppur oft. En sá sem kemur á sviðið, skín
af sjálfsöryggi og hefur lag á tímasetningu
brandara ber sigur úr býtum á morgun,“ segir
Dóri ákveðinn.
Hann segir sigur í svona keppni geta
opnað ýmsar dyr og bendir á að Margrét
Björnsdóttir, úvarpskona á FM957, hafi fyrst
vakið athygli eftir sigur í uppistandskeppni
Verslunarskólans. „Ég held að fyndnir menn
og fyndnar konur á Íslandi eigi alltaf góða
möguleika,“ segir Dóri.
Sjálfur kom hann fyrst fram á Prikinu
ásamt Bergi Ebba Benediktssyni. Upp úr því
spratt uppistandshópurinn Mið-Ísland, sem
hefur slegið í gegn og byrjar með þátt á Stöð
2 í vetur. „Nú erum við bara á leiðinni í sjón-
varpið og ég er með aflitað hár og allir halda
að ég sé orðinn geðveikur,“ grínast Dóri,
sem þurfti að breyta háralit sínum fyrir
sjónvarpsþáttinn.
- afb
Keppt í uppistandi á Prikinu
AFLITAÐUR DÓMARI Dóri dæmir uppistandskeppnina
á Prikinu á morgun ásamt Steinda Jr. og Ágústi Bent.
Breytt hár hans má ekki túlka sem yfirlýsingu dómara,
heldur var það aflitað í þágu væntanlegs sjónvarps-
þáttar Mið-Íslands. FRÉTTABLAÐIÐ/HAG
„Þetta er í þriðja sinn sem við förum hingað út. Alltaf
gaman þó að auðvitað séu þetta fyrst og fremst við-
skipti,“ segir Jóel Pálsson, annar eigenda fatamerkis-
ins Farmers Market.
Jóel var að lenda í Kaupmannahöfn ásamt eigin-
konu sinni, Bergþóru Guðnadóttur, þegar Fréttablaðið
náði af honum tali. Danska tískuvikan hefst í dag og
er Kaupmannahöfn stútfull af innkaupafólki og fata-
hönnuðum víðs vegar að úr heiminum.
„Við erum með bás á CPH Vision og ætlum að
sýna sumarlínuna 2012 en það er í fyrsta sinn sem
við erum með sérstaka sumarlínu,“ segir Jóel, en
Farmers Market hefur hingað til verið þekkt fyrir
lopapeysur og aðrar vetrarvörur.
Fleiri íslenskir hönnuðir leggja leið sína til Kaup-
mannahafnar um helgina til að koma nafni sínu á
framfæri. Íslandsstofa heldur uppteknum hætti og
styrkti þrjú íslensk fatamerki til fararinnar í ár. Það
eru merkin Lúka art & design, Kron by KronKron og
Diza by Alprjón.
Einnig er fatamerkið Andersen & Lauth í Kaup-
mannahöfn en þau eru með bás í Galleri-sýningar-
höllinni. Þess má því vænta að íslensk tíska veki verð-
skuldaða athygli í Kaupmannahöfn yfir helgina. - áp
Hönnuðir flykkjast til Köben
SUMARLÍNA Þau Bergþóra Guðnadóttir og Jóel Pálsson
eru stödd með sumarlínu Farmers Market fyrir árið 2012 á
tískuvikunni í Kaupmannahöfn. FRÉTTABLAÐIÐ/GVA
„Það er Hamborgarabúllan. Ég
fæ mér alltaf bernaiseborgar-
ann.“
Davíð Kristinsson, rekstrarstjóri
Glaumbars.
Buxum var stolið frá Árna Plúseinum og félögum í hljómsveitinni FM Belfast
á tónlistarhátíðinni Rocken an Brocken í Þýskalandi um síðustu helgi. Atvikið
átti sér stað þegar hljómsveitarmeðlimir fóru úr buxunum eins og venjan er í
laginu vinsæla Underwear. Það vildi ekki betur til en svo að æstur aðdáandi
gat ekki á sér setið og stal einum buxum. FM Belfast-liðar hafa óskað eftir
liðsinni hjá tónleikagestum hátíðarinnar við að finna
buxurnar. - fb
FRÉTTIR AF FÓLKI
Laugavegi 26 | s.512 1715 | www.ntc.is
erum á
ÚTSALAN
afsláttur
40-50%
BRUUNS BAZAAR BY MALENE BIRGER DKNY FRENCH CONNECTION FREE LANCE
GERARD DAREL IMPERIAL KRISTENSEN DU NORD TWIST&TANGO
...er hafin í evu
Rakarastofan
Klapparstíg
S: 551 3010
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI FRÓÐLEIKUR
Meiri Vísir.