Fréttablaðið - 04.08.2011, Blaðsíða 30
4. ÁGÚST 2011 FIMMTUDAGUR4 ● fréttablaðið ● heilsa
● TÓNAR LÍKAMANN
Heitt djúpvöðva fitness, eða HD
fitness, er nýtt æfingakerfi fyrir
konur sem sækjast eftir tónuð-
um líkama. Æfingarnar eru gerð-
ar í heitum sal og byggjast á
rólegum styrktaræfingum og
djúpum teygjum. Eingöngu er
unnið með eigin líkamsþyngd.
Sérstök áhersla er á styrkingu
djúpvöðva í kvið og baki og
á djúpar teygjuæfingar sem
lengja og styrkja alla helstu
vöðva líkamans. Hitinn í salnum
hitar líkamann fljótt og vel og
auðveldara er að ná djúpum
teygjum. HD-fitness nýtur
meðal annars vinsælda hjá
stjörnum á borð
við Jennifer
Aniston og
Gwyneth
Paltrow.
Nýtt þriggja
vikna nám-
skeið hefst
í Hreyfingu
á mánu-
dag.
● TAI CHI HJÁLPAR SYKURSJÚKUM Nýjar
rannsóknir benda til þess að kínverska æfingakerfið Tai
Chi efli ónæmiskerfið og jafni blóðsykursójafnvægi hjá
fólki með sykursýki 2. Rannsóknin var gerð af Dr. Kuen-
der D. Yang og teymi hans frá Chang Gung Memorial
Hospital í Taívan. Þátttakendur í rannsókninni voru 32
einstaklingar með sykursýki. Æfðu þau Tai Chi í klukku-
stund þrisvar sinnum í viku yfir tólf vikna tímabil.
Eftir þann tíma hafði magn A1C lækkað verulega en
það segir til um langtíma blóðsykursjafnvægi hjá fólki
með sykursýki. Einnig hafði jafnvægi T-frumna aukist
mikið en þær frumur hjálpa ónæmiskerfinu að berjast
á móti óæskilegum örverum í líkamanum.
Einstaklingar með sykursýki 2 eiga yfirleitt við
langvarandi og síendurteknar bólgur í líkamanum að
stríða. Því geta erfiðar æfingar stundum verið skað-
legar fyrir sykursjúka. Tai Chi æfingarnar eru hins vegar
byggðar upp af flæðandi og mjúkum hreyfingum. Þær
hafa góð áhrif á hjarta, lungu, allt blóðflæði líkamans
og eru jafnframt styrkjandi fyrir ónæmiskerfið, eins
og rannsóknin sýnir. Undir lok rannsóknarinnar var
augljós munur á ónæmiskerfi, hjarta, lungum og
bólguviðbrögðum. Blóðsykur hélst einnig í mun betra
jafnvægi og almenn heilsa varð betri.
Litlatúni 3 210 Garðabæ Sími 577 5010 Fax 577 5030
HAGSTÆTT
LYFJAVERÐ
GÓÐ OG PERSÓNULEG ÞJÓNUSTA
Opið 10-19 alla virka daga og 12-18 laugardaga
Nýtt glæsilegt, einkarekið apótek hefur opnað í Garðabæ:
Við hliðina
á Hagkaup
!
● VÖRUMST BLÖÐRUR
Flestir hlauparar hafa upplifað
að fá blöðrur á fæturna, einkum
hæla, tær og táberg. Blöðrurnar
myndast undir húðinni þegar
hún verður fyrir miklum núningi
og þeim getur fylgt mikill
sársauki.
Til að fyrirbyggja það að
fá blöðrur er mikilvægt að
hlaupa aldrei í nýjum skóm
heldur venjast þeim smátt og
smátt. Einnig er reynandi að
nota sérstaka hlaupasokka. Þeir
eru gerðir úr efnum sem verja
fæturna gegn ertingu, hita og
svita. En ef illa fer, þrátt fyrir alla
varúð, eru til sérstakir blöðru-
plástrar í apótekum.
Heimild: aflid.is
● NÆG HVÍLD NAUÐ
SYNLEG Svefn er undirstaða
góðrar heilsu. Hvort sem um af-
reksmenn í íþróttum er að ræða
eða ofurvenjulegt fólk sem
gengur til sinna daglegu verka,
er þörfin fyrir nægan svefn sam-
eiginleg öllum. Þegar gengið
er til náða er því mikilvægt að
reyna að firra sig svefntruflun-
um með öllu móti, nota eyrna-
tappa ef hávaði er í nágrönnum
og augnhlífar ef birta heldur
fyrir mönnum vöku.