Fréttablaðið - 04.08.2011, Blaðsíða 50
4. ágúst 2011 FIMMTUDAGUR38
golfogveidi@frettabladid.is
Stefán Teitur Þórðarson, 12 ára
kylfingur, náði þeim glæsilega
árangri að fara holu í höggi á 16.
brautinni á Hamarsvelli í Borgar-
nesi fyrir skömmu. Hann tók þar
þátt í Íslandsmóti unglinga í holu-
keppni.
Sextánda brautin er mjög sér-
stæð. Flötin er á manngerðri eyju
úti í tjörn.
„Þetta var svona rúmlega 60
metra högg. Ég notaði 56 gráðu
fleygjárn og það var náttúrulega
alveg frábært að sjá boltann fara
ofan í holuna. Þetta er í fyrsta skipti
sem ég fer holu í höggi og ekki
leiðinlegt að gera það á svona holu.“
Það kemur kannski ekki á óvart
að drengur sem ber nafnið Stefán
Teitur Þórðarson sé ættaður ofan
af Skaga. Eins og lesendur hafa
kannski þegar getið sér til er hann
fæddur inn í mikla fótboltafjöl-
skyldu. Faðir hans er Þórður Þórð-
arson, sem lék í marki með ÍA um
árabil og þjálfar nú meistaraflokk
liðsins. Frændur drengsins eru
meðal annars Ólafur Þórðarson,
Teitur Þórðarson og Stefán Þórðar-
son en allir eru þetta kunnir knatt-
spyrnukappar. Langafi Stefáns Teits
er Þórður Þórðarson, sem lék í gull-
aldarliði Skagamanna hér á árum
áður.
„Hann er ótrúlega sleipur í golfi
en fótboltinn á samt hug hans
allan,“ segir Þórður um strák-
inn. „Ég hef nú passað mig á því
að vera ekkert að ýta Stefáni Teiti
eða bróður hans, Þórði Þorsteini,
út í íþróttir. Áhuginn er algjörlega
sjálfsprottinn og maður þakkar
bara fyrir það enda geta börn eytt
tímanum í margt verra en að stunda
íþróttir.“
Sjálfur segist Þórður hafa mjög
gaman af golfi þótt hann komist
ekki oft út á völl.
„Það fer auðvitað mikill tími í að
þjálfa. Ætli ég fari ekki svona tíu
sinnum á ári í golf. Það góða við
þessa íþrótt er að maður þarf ekki
að eiga nema eitt gott högg eða eina
góða holu til þess að komast í gott
skap.“
Stefán Teitur, sem verður 13 ára
í október, segist hafa byrjað að æfa
golf fyrir fjórum árum. Hann og
margir vinir hans séu bæði í fót-
bolta og golfi. Á sumrin gefist því
lítill tími í annað en þetta tvennt.
„Ég æfi golf fjórum sinnum í
viku með Golfklúbbnum Leyni og
ætla að halda því áfram.“
Stefáni Teiti gekk ljómandi vel
í holukeppninni á Hamarsvelli.
Hann komst í sextán manna úrslit
en þess má geta að hann lék í flokki
14 ára og yngri. Þegar blaðamaður
spurði Stefán Teit hvort það væri
rétt sem faðir hans hefði sagt – að
honum þætti fótboltinn skemmti-
legri stóð ekki á svari. „Ég ætla
að verða atvinnumaður í fótbolta,“
segir Stefán Teitur. „Ég spila með
fjórða flokki ÍA – á miðjunni. Mér
finnst samt mjög gaman í golfi en
bara enn skemmtilegra í fótbolta.”
Stefán Teitur og Þórður játa
því að mikið sé talað um íþróttir
á heimilinu, sérstaklega fótbolta.
Þeir halda að sjálfsögðu báðir með
ÍA hér heima en leiðir skilja í enska
boltanum.
„Ég held með Arsenal og pabbi
Liverpool en við erum samt góðir
vinir.“ trausti@frettabladid.is
Skagastrákur með sterk
fótboltagen fór holu í höggi
Tólf ára strákur af Skaganum gerði sér lítið fyrir og fór holu í höggi á Hamarsvelli. Hann hefur mikinn
áhuga á golfi en stefnir á atvinnumennsku í fótbolta, sem kemur ekki á óvart ef Íslendingabók er skoðuð.
STEFÁN TEITUR OG ÞÓRÐUR Feðgarnir eru báðir á kafi í íþróttum. Stefán Teitur æfir bæði golf og fótbolta og Þórður hefur þjálfað
meistaraflokk ÍA með frábærum árangri.
Tiger Woods stígur út á keppnisvöllinn í dag í fyrsta
sinn í þrjá mánuði þegar hann hefur leik á Bridge-
stone Invitational heimsmótinu á Firestone-vell-
inum í Ohio-fylki. Hann verður þó án kylfusveins-
ins Steve Williams sem hann sagði upp störfum á
dögunum eftir tólf ára samstarf.
Ferill Tigers hefur verið í uppnámi í næstum tvö
ár, fyrst vegna vandamála hans í einkalífinu og þrá-
látra meiðsla. Hann hefur verið frá keppni undan-
farið vegna meiðsla á hné og hásin, en sagði á blaða-
mannafundi á þriðjudag að sér hefði ekki liðið eins
vel í mörg ár.
Kylfusveinninn Steve Williams verður fjarri góðu
gamni, en Tiger sagði honum upp fyrir stuttu eftir
rúmlega tólf ára samstarf þar sem Tiger vann þrett-
án af fjórtán risatitlum sínum.
Williams tók fréttunum illa og sagði meðal annars
í sjónvarpsviðtali í heimalandi sínu Nýja-Sjálandi
að hann hafi sóað síðustu tveimur árum ferils síns.
„Ég hef staðið að baki Tigers og sýnt honum
fádæma hollustu. Ég er ekki vonsvikinn yfir að hafa
misst vinnuna, það er hluti af bransanum, en tíma-
setningin er ótrúleg.“
Williams bætti því við að margir hefðu ráðlagt
honum að yfirgefa Tiger á sínum tíma, en hann hafi
ekki tekið það í mál.
Williams bar pokann fyrir ástralska kylfinginn
Adam Scott í tveimur síðustu risamótum, án þess
að bera það undir Tiger eftir því sem sögur herma.
Hann hefur nú fengið fasta vinnu hjá Scott.
Spurður um uppsögnina sagði Tiger einungis að
honum hefði fundist „kominn tími á breytingu“ og
hann væri mjög sáttur við ákvörðun sína.
„Við Stevie höfum átt frábæran tíma. Steve er
óneitanlega hörku kylfusveinn. Hann hefur hjálpað
mér mikið og ég held að ég hafi hjálpað honum líka.“
Tiger tjáði sig ekki um ummæli Williams um að
síðustu tvö ár hafi verið sóun.
„Það eru hans orð og hans skoðun.“
Tiger verður með æskuvin sinn, Byron Bell,
á pokanum í næstu mótum og keppir að því að
landa sínum fyrsta sigri í tæp tvö ár og vinna sér
þátttöku rétt í úrslitakeppni PGA mótaraðarinnar.
Tiger er sem stendur í 28. sæti heimslistans og
hefur ekki verið neðar síðan hann hóf keppni af
fullum krafti á PGA mótaröðinni árið 1996. - þj
Tímamót þegar frægasti kylfingur heims snýr aftur eftir langvinn meiðsli:
Tiger Woods mætir án Williams
VÍK MILLI VINA Steve Williams segist illa svikinn að hafa verið
sagt upp störfum hjá Tiger Woods fyrir skömmu. Í tólf ára
samstarfi unnu þeir tugi móta um allan heim, þar af þrettán
risamót. NORDICPHOTOS/AFP
Ég notaði 56 gráðu
fleygjárn og það var
náttúrlega alveg frábært að
sjá boltann fara ofan í holuna.
STEFÁN TEITUR ÞÓRÐARSON
KYLFINGUR OG FÓTBOLTAMAÐUR
Íslandsmót unglinga:
Færri komast
að en vilja
Íslandsmót unglinga í höggleik
hefst á Grafarholtsvelli á laugar-
daginn.
Stefán Garðarsson, hjá GSÍ,
segir mikla ásókn í mótið enda
sé þetta hápunktur sumarsins hjá
ungum kylfingum. Alls fá 144 að
taka þátt í mótinu en ríflega 180
sóttu um. Tugir ungmenna eru því
á biðlista fyrir mótið sem stendur
í þrjá daga. - th
ÁR FRÁ SÍÐASTA SIGRI Tigers Woods á
risamóti. Hann á fjórtán risatitla í safni sínu, en vantar
en fjóra til að jafna met Jacks Nicklaus.
3
Yani Tseng frá Taívan er á góðri
leið með að skrifa nýja síðu í
sögubækur
kvennagolf-
sins þar sem
hún vann sitt
fimmta risa-
mót um síðustu
helgi með þvÍ
að verja titil
sinn á Opna
breska meist-
aramótinu,
aðeins 22 ára að aldri.
Tseng hefur verið á mikilli
siglingu síðustu tö ár og situr á
toppi heimslistans eftir sjö sigra
á síðustu tveimur árum, þar af
eru fjögur risamót. - þj
Tímamótatitill Yani Tseng:
22ja ára með
fimm risatitla
YANI TSENG
Fyrir sjó og
lax 8’ eða
All round 7’.