Fréttablaðið - 31.08.2011, Qupperneq 8

31. ágúst 2011 MIÐVIKUDAGUR8
1. Hvert flúði fjölskylda einræðis-
herrans Múammars Gaddafí?
2. Hver heldur risaball á Ljósanótt
í Reykjanesbæ á laugardag?
3. Hvernig kvikmynd vill banda-
ríski leikarinn Tom Cruise taka upp
hér á landi?
SVÖR
1. Hún flúði til Alsírs. 2. Óli Geir Jónsson,
þekktur sem Óli Geir. 3. Geimverumynd.
Þú færð Fréttablaðið á kostnaðarverði á 120 stöðum um land allt.
DRÖG AÐ DEILISKIPULAGI
NÝS LANDSPÍTALA
Almennur kynningarfundur um drög að deiliskipulagi
nýs Landspítala við Hringbraut fer fram í stofu 105 á Háskólatorgi
kl. 17:30 í dag, miðvikudaginn 31. ágúst.

Á fundinum munu forstjóri Landspítala, rektor Háskóla Íslands,
fulltrúar hönnunarhópsins SPITALog formaður byggingarnefndar
kynna verkefnið. Veggspjöld með uppdráttum og þrívíddarmyndum
verða til sýnis og sérfræðingar á vegum verkefnisstjórnar NLSH
svara spurningum gesta.

Opið hús verður 1.-6. september í Heilsuverndarstöðinni við
Barónsstíg (gengið inn frá Egilsgötu) frá kl. 9-16.
Kynningarefni verður einnig aðgengilegt í þjónustuveri Reykjavíkur-
borgar á Höfðatorgi, á vef borgarinnar www.reykjavik.is og á
verkefnavef NLSH; www.nyrlandspitali.is.

Ábendingar og athugasemdir vegna deiliskipulagsdraganna skal
senda á netfangið skipulag@reykjavik.is fyrir 1. október 2011.
SPITAL
A
T
H
Y
G
L
I
Aðalfundur AO verður haldinn
þriðjudaginn 13. september í SÍBS
húsinu, Síðumúla 6, kl. 17.30.
Dagskrá:
Venjuleg aðalfundarstörf.
Stjórnin.
Aðalfundur Astma og ofnæmisfélagsins 2011.
FRÉTTASKÝRING
Hvers konar tollar takmarka inn-
flutning á kjöti?
Fréttir af kjötskorti í verslunum
hafa reglulega birst í fjölmiðlum
í sumar. Í gær sagði Fréttablaðið
svo frá veitingastöðum sem hafa
þurft að taka rétti af matseðlum
sínum vegna lítillar innlendrar
framleiðslu og hárra tolla á inn-
fluttu kjöti.
Nokkuð háir tollar eru lagðir
á flestar landbúnaðarafurðir á
Íslandi. Tollar valda því að verð
á markaði hækkar sem er slæmt
fyrir neytendur en gagnast fram-
leiðendum. Ábati framleiðenda er
þó minni en tap neytenda.
Í tilfelli kjöts og kjötvara bera
þær tvenns konar tolla. Er þar um
að ræða verðtoll sem er ákveðin
prósenta af verði vörunnar og
magntoll sem er föst upphæð sem
leggst á hverja innflutta einingu.
Á kjöti og kjötvörum er verð-
tollurinn 18 prósent á vörur frá
Evrópusambandinu (ESB) en
30 prósent á vörur frá öðrum
svæðum. Magntollurinn er hins
vegar ólíkur eftir vörum. Hæst-
ur er hann á nautalundir frá landi
utan ESB eða 1.462 krónur á kíló-
ið. Til samanburðar leggst 510
króna magntollur á kíló af hökk-
uðu nautakjöti, 382 króna tollur á
kílóið af lambalæri og 499 króna
tollur á kíló af beinlausu, sneiddu
kjúklingakjöti.
Auk verð- og magntolls leggst
síðan vægt úrvinnslugjald á inn-
fluttar vörur. Þá leggst vitaskuld
virðisaukaskattur á innfluttar
matvörur rétt eins og innlendar.
Með hinum almennu tollum
á kjötvörur er þó ekki öll sagan
sögð. Ísland gerðist árið 1995 aðili
að GATT-samningnum svokallaða
á vegum Alþjóðaviðskiptastofn-
unarinnar (WTO). GATT-samn-
ingurinn skuldbatt Ísland til að
hleypa litlu magni búvara inn
á innlendan markað með lægri
tollum en almennt tíðkast. Mark-
miðið með þessum tollkvótum
var að auka samkeppni á markaði
með búvörur og stuðla þannig að
lægra verði fyrir neytendur. Það
markmið hefur hins vegar trauðla
náðst.
Fyrir það fyrsta hafa kvótar
sem leyft hafa slíkan innflutning
verið boðnir út til hæstbjóðanda
sem gerir það að verkum að sá
sparnaður sem af lágu tollunum
hlýst rennur að stærstu leyti til
hins opinbera.
Í öðru lagi var fyrirkomulagi
þessara „lægri“ tolla breytt árið
2009. Lengst af voru þetta magn-
tollar þar sem föst krónutala
var lögð á hvert kíló. Árið 2009
breytti hins vegar Jón Bjarnason
landbúnaðarráðherra fyrirkomu-
lagi og eru þetta nú verðtollar. Við
breytinguna hækkuðu tollarnir.
Raunar svo mikið að í mörgum
tilfellum er dýrara að flytja inn
vörur á undanþágunni en vörur
sem lagðir eru á almennir tollar.
Umboðsmaður Alþingis hefur
að vísu gert athugasemd við heim-
ild ráðherra til þessa gjörnings.
Starfshópur fjögurra ráðuneyta
skoðar nú hvernig bregðast skuli
við áliti embættisins.
Utan GATT-undanþágunnar
hefur í sumar verið opnað fyrir
innflutning á nautakjöti á lækk-
uðum tollum. Rennur heimild til
þess út 30. september en hefur
verið í gildi frá 10. júní. Þessi
heimild hefur þó verið gagnrýnd
fyrir að gilda einungis í skamm-
an tíma á þeim forsendum að ansi
tímafrekt sé að fá leyfi fyrir inn-
flutning og að uppfylla þau skil-
yrði sem um innflutning gilda.
magnusl@frettabladid.is
Tollar standa í vegi
fyrir kjötinnflutningi
Kjötskortur í verslunum virðist hafa verið viðvarandi vandamál í sumar. Erfitt
hefur reynst að leysa vandann með innflutningi vegna hárra tolla á búvörur.
NAUTAKJÖT Kjötskorturinn í sumar virðist hafa verið einna mestur þegar kemur að
nautakjöti.
SVÍÞJÓÐ Nefnd um starfsmannamál
í sveitar félaginu Landskrona í
Svíþjóð vill að starfsmönnum
þess sem vinni heima verði bann-
að að reykja á vinnutíma eins og
öðrum starfsmönnum sveitar-
félagsins. Þetta finnst íslensk-
um umhverfisstjóra Landskrona,
Högna Hanssyni, of langt gengið.
„Ég veit ekki með hvaða rétti
atvinnurekandi getur bannað
fólki að reykja heima eða á leið til
og frá vinnu og annað slíkt. Þar
að auki segja þeir þetta gert til
að koma í veg fyrir óbeinar reyk-
ingar. Ég hef
ekki trú á því
að margir verði
f y r i r þ e i m
þegar reykt er
heima,“ segir
Högni sem er
reyndar þekkt-
ur í Svíþjóð
fyrir baráttu
fyrir umhverf-
isvernd á mörgum sviðum.
Högni tekur það fram að hann
þekki vel til baráttunnar gegn
reykingum. „Ég skrifaði fyrir
þingmann fyrstu þingsályktunar-
tillöguna um bann við reykingum
á opinberum stöðum. Þetta var
árið 1986. Hún var ekki samþykkt
en árið 1993 voru sett slík lög.“
Að sögn Högna hafa í nokkr-
um sveitarfélögum verið settar
reglur um bann við reykingum á
vinnutíma opinberra starfsmanna
sem starfa heima. „Mér vitanlega
er þessu banni ekki fylgt eftir.
Það er enginn sem veit hvort
fólk reykir á vinnutíma eða ekki.
Þá er þetta eins og hver önnur
hræsni.“ -ibs
Íslenskur umhverfisstjóri í Landskrona gagnrýnir nýja hugmynd sveitarfélagsins:
Banna reykingar heima á vinnutíma
HÖGNI HANSSON
EFNAHAGSMÁL Stjórnvöld geta með
góðri samvisku fullyrt að aðlög-
un ríkisfjármála hafi gengið sam-
kvæmt efnahagsáætlun þeirra og
Alþjóðagjaldeyrissjóðsins.
Þetta er mat Greiningar Íslands-
banka á endurreisnaráætlun AGS
og íslenskra stjórnvalda. Áætlun-
inni lauk í síðustu viku. Ísland er
hið fyrsta þeirra landa sem leit-
uðu á náðist sjóðsins í kjölfar fjár-
málakreppunnar haustið 2008 til
að ljúka áætluninni.
Greining Íslandsbanka bend-
ir á að markmið stjórnvalda og
AGS hafi í stórum dráttum náðst
og gott betur. Áætlað sé að halli á
ríkisfjármálum verði 3,0 prósent
í stað 7,3 prósenta og endurreisn
fjármálakerfisins sé langt komin.
Þar af sé búið að endurskipuleggja
sparisjóðakerfið þótt enn liggi
ekki fyrir áætlun um framtíðar-
skipan þess.
Íslandsbanki bendir á að end-
urreisn bankanna hafi verið mun
ódýrari en upphaflega hafi verið
áætlað, auk þess sem einskiptis-
liðir á borð við hagnað af Avens-
skuldabréfaviðskiptunum í fyrra
hafi komið til. Ekki munu þó öll
kurl enn komin til grafar enda má
vænta að Icesave-málið fari fyrir
dómstóla á haustdögum, að sögn
greiningar Íslandsbanka. - jab
Efnahagsáætlun Alþjóðagjaldeyrissjóðsins gekk vel að sögn Íslandsbanka:
Telja endurreisnina hafa verið ódýra
AGS Í SEÐLABANKANUM Julie Kozack,
yfirmaður sendinefndar AGS, á blaða-
mannafundi. FRÉTTABLAÐIÐ/VILHELM
VIÐSKIPTI Fjárfestingarfélagið
Eyrir Invest tapaði 13,4 milljónum
evra á fyrstu sex mánuðum árs-
ins. Þetta jafngildir 2,2 milljörð-
um íslenskra króna. Á sama tíma
fyrir ári nam hagnaður félagsins
3,3 milljónum evra.
Ráðgjafarfyrirtækið IFS Grein-
ing bendir á að afkomuna megi
rekja til taps af sölu hlutabréfa í
Össuri miðað við bókfærða stöðu
hlutarins um áramótin. Eyrir
seldi hlutinn í maí fyrir níu millj-
arða. Stærsta eign Eyris Invest er
um 35% hlutur í Marel. - jab
Afkoma Eyris dregst saman:
Tapa eftir sölu
á hlut í Össuri
VEISTU SVARIÐ?