Fréttablaðið - 31.08.2011, Blaðsíða 16

16 31. ágúst 2011 MIÐVIKUDAGUR
Það klúður sem málefni Kvik-myndaskólans eru komin í
einkenna alla aðkomu núverandi
ríkisstjórnar að málefnum kvik-
myndagerðar á Íslandi – en eru
aðeins toppurinn á ísjakanum.
Ríkisstjórnin skar niður samn-
ingsbundin framlög til kvikmynda-
sjóða um rúm 35% í fjárlögum
síðasta árs. Sá niðurskurður var
margfalt meiri en til annarra list-
greina – og hann stendur enn í fjár-
lögum þessa árs. Engin skýring
hefur fengist á svo miklum niður-
skurði í þessari einu grein.
Í kjölfar þessa létu kvikmynda-
framleiðendur vinna skýrslu um öll
fjármál greinarinnar þar sem fram
kemur svart á hvítu að „sparnaður“
ríkisins af þessum niðurskurði er
alls enginn. Þvert á móti tapar ríkið
á þessum niðurskurði, 300 störf
tapast og það dregur úr umsvifum
og jákvæðum hliðaráhrifum kvik-
myndagerðar t.d. á ferðaþjónustuna
(Sjá producers.is).
Skýrslan sýnir að 2,6 milljarða
framlag ríkisins til kvikmynda-
sjóða á fjögurra ára tímabili laðaði
að sér innlent og erlent fjármagn
svo hér var framleitt kvikmynda-
efni fyrir 12 milljarða króna. Ein-
ungis launatengd gjöld af þessari
starfsemi skiluðu ríkinu 2,5 millj-
örðum króna, svo hvert mannsbarn
getur séð að fjárfesting ríkisins í
kvikmyndasjóðum er skynsamleg.
Þegar skýrslunni var dreift á
Alþingi las hana einn maður; Gunn-
ar Bragi Sveinsson, formaður þing-
flokks Framsóknarflokksins. Hann
sá auðvitað að í þessu er ekkert vit
og flutti þegar tillögu um að horf-
ið væri af þessari vitlausu braut.
Tillagan hefur ekki enn hlotið
afgreiðslu.
Spurningunni hvers vegna núver-
andi ríkisstjórn er í nöp við kvik-
myndagerð er erfitt að svara. Það
er ekki að sjá nein skynsamleg rök
fyrir þessum niðurskurði. Einn
félagi minn telur að ástæðan sé
sú að Georg Bjarnfreðarson var í
Næturvaktinni látinn vera félagi í
Vinstri grænum og það hafi farið í
taugarnar á einhverjum þar á bæ.
Kannski er það rétt en varla er vit í
að láta slíkan pirring verða til þess
að eyðileggja atvinnuveg sem hefur
gríðarlega framtíðarmöguleika.
Kvikmyndaframleiðsla skapar
störf sem unga fólkið okkar hefur
mikinn áhuga á. Störf við að fram-
leiða íslenskar menningarafurðir,
íslenskar sögur sagðar á tungu-
máli kvikmyndarinnar; tungu-
máli sem nær til fólks um alla
veröldina. Markaður heimsins
fyrir kvikmyndaafurðir er óseðj-
andi og á þann markað eigum við
fullt erindi.
Ef rétt er að málum staðið, til
dæmis með góðri menntun í fag-
inu, getur kvikmyndaiðnaðurinn
veitt þúsundum manna atvinnu og
aflað verulegra gjaldeyristekna.
Er nema von að spurt sé?
Hvers vegna er ríkis-
stjórnin á móti fram-
leiðslu kvikmynda?
Kvikmyndagerð
Björn B.
Björnsson
kvikmyndagerðarmaður
Opið bréf til landbúnaðarráðherra
Hæstvirti sjávarútvegs- og landbúnaðarráðherra Jón
Bjarnason.
Á undanförnum mánuðum
hefur borið á mikilli fjölmiðla-
umfjöllun um velferð eldisdýra.
Þar hafa m.a. samtök um dýra-
velferð látið til sín taka og bent
á að núgildandi reglugerðar-
ákvæði heimili framleiðendum
dýraafurða að halda eldisdýr við
aðstæður sem eru ekki í samræmi
við gildandi lög um dýravernd. Í
lögunum er m.a. kveðið á um að
dýrum skuli séð fyrir viðunandi
vistarverum og þeim tryggt eðli-
legt frelsi til hreyfingar sam-
kvæmt viðurkenndri reynslu og
þekkingu. Þessi skýru lagafyrir-
mæli er m.a. að finna í 3. gr. dýra-
verndarlaga nr. 15/1994. Upp-
lýst hefur verið að þessu er ekki
fylgt eftir í tilteknum greinum
búfjárhalds, einkum þó í eggja-
framleiðslu, alisvínarækt, loð-
skinnaframleiðslu (minka) og
eggjaframleiðslu þar sem stuðst
er við reglugerð um vistvæna
landbúnaðarframleiðslu.
Samkvæmt íslenskum stjórn-
skipunarrétti hefur ráðherra sem
æðsti handhafi framkvæmdar-
valds það meginhlutverk að fylgja
eftir landslögum, sbr. 2. gr. stjórn-
arskrár lýðveldisins nr. 33/1944.
Þrátt fyrir ábendingar um veru-
lega hnökra í málefnum sem lúta
að dýravelferð hefur ekki verið
brugðist við þeim nema að mjög
takmörkuðu leyti. Margir mán-
uðir eru nú liðnir frá því að fyrsta
ábendingin kom fram um þetta
efni en hún fjallaði um aðbúnað og
meðferð alisvína skv. aðbúnaðar-
reglugerð. Í framhaldi af þeirri
ábendingu var reglugerðinni um
alisvínarækt breytt. Ný reglu-
gerð nr. 353/2011 er til bóta en þó
ekki hnökralaus og má sem dæmi
nefna að gotstíur þar sem gylt-
ur eru hafðar með grísum voru
einungis rýmkaðar lítillega eða
um 30 cm á breiddina og 10 cm á
lengdina eða úr 1,5x2,4 m í 1,8x2,5
m. Þá þykir orðalag 12. gr. reglu-
gerðarinnar afar óljóst með tilliti
til dýravelferðar en þar segir m.a.
„Ennfremur er óheimilt að gelda
grísi án deyfingar eldri en 7 daga
gamla“. Spyrja má, er heimilt að
gelda grísi án deyfingar yngri en
7 daga gamla? Skv. 15. gr. tillögu
að nýjum dýravelferðarlögum
verður fyrir það tekið, þau hafa
hins vegar ekki tekið gildi og óvíst
er hvort þetta bannákvæði verði
samþykkt af Alþingi.
Í upphafi árs 2010 skoraði Dýra-
læknafélag Íslands á ráðherra að
beita sér fyrir breytingu á reglu-
gerð um loðskinnaframleiðslu svo
samrýmdist dýravelferðarsjónar-
miðum og til samræmis við dýra-
verndarlög. Í svari sjávarútvegs-
og landbúnaðarráðuneytisins frá
15. mars 2010 kemur fram að það
sé eindreginn ásetningur ráðu-
neytisins að beita sér fyrir breyt-
ingum í þessum efnum. Nú 16 mán-
uðum síðar hafa engar breytingar
verið framkvæmdar. Á meðan ekk-
ert er að gert er dýrunum skv.
núgildandi reglugerð búnar óvið-
unandi aðstæður þar sem innilok-
un við þröngar aðstæður veldur
þeim mikilli áþján og langvar-
andi kvalræði. Að óbreyttu mun
það ástand vara áfram en þess-
um dýrum er gert að þola hinar
þrengstu aðstæður í allt að fjögur
ár sem er sá tími sem bestu eld-
isdýrunum er leyft að lifa þar til
þau eru aflífuð með útblæstri frá
vinnuvélum. Því ber að fagna að sú
deyðingaraðferð verður bönnuð, ef
ný lög taka gildi, óvíst er þó hvort
þau verða samþykkt óbreytt.
Eggjaframleiðsla skv. gildandi
reglugerð er eitt umdeildasta
búfjárhald á Íslandi í dag. Varp-
hænur hafa rými sem samsvarar
blaðstærðinni A4 og er í þessari
framleiðslu á engan hátt komið
til móts við eðlislægar þarfir
fuglanna til hreyfingar auk þess
sem þeir sjá aldrei dagsljós né
geta andað að sér heilnæmu and-
rúmslofti.
Eggjaframleiðendur sem fram-
leiða egg samkvæmt reglugerð
um vottun vistvænnar landbún-
aðarframleiðslu fá undanþágu
frá ákvæði í henni sem kveður á
um að varphænur skuli fá útivist.
Engin haldbær rök eru fyrir því
lengur að veita slíkar undanþág-
ur skv. upplýsingum frá framleið-
endum sem framleiða skv. vottun-
inni. Þrátt fyrir að ekkert sé því
til fyrirstöðu lengur hafa fram-
leiðendur ekki sýnt neitt frum-
kvæði í þá veru að breyta þessu til
samræmis við gildandi reglugerð
og bæta þannig aðbúnað varp-
fuglanna. Þá er eftirlit með þess-
ari framleiðslu í algeru lágmarki
skv. upplýsingum frá framleið-
endunum sjálfum. Það eftirlit er á
vegum Matvælastofnunar og við-
komandi búnaðarfélaga undir yfir-
stjórn sjávarútvegs- og landbúnað-
arráðherra.
Það er borgaraleg skylda hvers
manns að standa vörð um dýrin og
huga að velferð þeirra. Sérstaklega
ber að huga að eldisdýrunum, mál-
lausum og oft á tíðum málsvara-
lausum, sem í mörgum tilvikum er
gengið svo hart í fénýtingarskyni
að ýtrustu þolmörkum þeirra er
ofboðið. Helsti tilgangur og mark-
mið starfshóps Samtaka lífrænna
neytenda – Velferð búfjár, er að
bæta aðbúnað eldisdýra og jafn-
framt að hvetja almenning til að
breyta neysluvenjum sínum í átt
til sjálfbærrar nýtingar náttúru
og dýralífs.
Með þessu bréfi óskar starfs-
hópurinn, Velferð búfjár, eftir
svörum frá ráðherra sem fram-
kvæmdarvaldshafa skv. íslensk-
um stjórnlögum og æðsta hags-
munagæsluaðila íslensks búfjár.
Þess er góðfúslega farið á leit að
hann svari því hvernig og hve-
nær hann hyggst beita sér fyrir
því að reglugerðarákvæðum sem
kveða á um velferð dýra verði
breytt í þá veru að þau samrým-
ist dýraverndarlögum. Hópurinn
bendir á að þrátt fyrir að tillaga
að nýjum dýravelferðarlögum geri
ráð fyrir verulegum áherslubreyt-
ingum í átt að aukinni dýravelferð
þá sé óviðunandi að láta dýrin
þola meiri bið hvað varðar velferð
þeirra enda með öllu óljóst hvaða
meðferð hin nýja tillaga hlýtur hjá
löggjafanum. Núgildandi reglu-
gerðir eru ekki í samræmi við þau
ákvæði sem kveða á um dýravel-
ferð í gildandi lögum og því ber
að breyta án frekari tafa að mati
hópsins. Þá skorar hópurinn á ráð-
herra að leita til þeirra sem láta
sig málefni dýraverndar og dýra-
velferðar varða í því skyni að afla
sér sérfræðiþekkingar í sem víð-
ustum skilningi. Þar telur starfs-
hópurinn Velferð búfjár hjá Sam-
tökum lífrænna neytenda sig hafa
mikilvægu hlutverki að gegna.
Dýravernd
Velferð búfjár
– starfshópur
Samtaka lífrænna
neytenda
Anna Lilja Valgeirsdóttir
Árni Stefán Árnason
Guðríður Ragnarsdóttir
Guðrún Garðarsdóttir
Halldóra Snorradóttir
Dr. Helga
Ögmundardóttir
Linda Björk Kvaran
Linda Pétursdóttir
Oddný Anna
Björnsdóttir
Dr. Ólafur R.
Dýrmundsson
Óskar Halldór
Valtýsson
Ragnheiður
Gunnarsdóttir
Steinunn Friðgeirsdóttir
Þá skorar hópurinn á ráðherra að leita til
þeirra sem láta sig málefni dýraverndar
og dýravelferðar varða í því skyni að afla
sér sérfræðiþekkingar í sem víðustum skilningi.
Spurningunni
hvers vegna nú-
verandi ríkisstjórn er í
nöp við kvikmyndagerð
er erfitt að svara. Það
er ekki að sjá nein skyn-
samleg rök fyrir þessum
niðurskurði.
Dalvík
Sparisjóður Svarfdæla – söluferli
Fyrirtækjaráðgjöf H.F. Verðbréfa hf. hefur til sölumeðferðar, fyrir hönd Bankasýslu ríkisins, 90% stofn-
fjárhlut ríkisins í Sparisjóði Svarfdæla.
Um Sparisjóð Svarfdæla
Sparisjóður Svarfdæla hefur verið starfræktur í yfir 120 ár. Skrifstofa Sparisjóðs Svarfdæla og aðal -
afgreiðsla er í ráðhúsinu á Dalvík, en auk þess er rekin afgreiðsla í Hrísey. Alls starfa nú níu starfs-
menn hjá sjóðnum. Sparisjóðurinn er eina fjármálafyrirtækið á Dalvík og því mikilvægur í fjölbreyttu
atvinnulífi Dalvíkurbyggðar. Í sveitarfélaginu eru sterk fyrirtæki sem hafa skapað sér sérstöðu og er
Dalvíkurhöfn stór og umsvifamikil fiski- og vöruhöfn.
Fjárhagslegri endurskipulagningu Sparisjóðs Svarfdæla lauk í desember 2010 og er stofnfé að henni
lokinni 424,4 milljónir króna. Í kjölfar endurskipulagningarinnar varð ríkissjóður eigandi stofnfjár
að nafnverði 382,0 milljónir króna eða 90% af heildarstofnfé. Á grundvelli laga nr. 88/2009 um
Bankasýslu ríkisins fer Bankasýslan með hlut ríkisins. Sparisjóður Svarfdæla hefur að undanförnu
starfað á grundvelli undanþágu frá kröfu Fjármálaeftirlitsins um 16% eiginfjárhlutfall, en eiginfjárhlut-
fall sjóðsins skv. ársreikningi fyrir árið 2010 er 10,5%.
Söluferlið
Frá og með mánudeginum 5. september n.k. geta áhugasamir fjárfestar nálgast samantekt um Spari-
sjóð Svarfdæla og önnur gögn vegna fyrirhugaðrar sölu hjá H.F. Verðbréfum hf. Frestur til að skila
inn óskuldbindandi tilboðum er til kl 12:00 mánudaginn 19. september n.k. Tilboð skulu berast
á sérstöku formi sem nálgast má hjá H.F. Verðbréfum hf.
Söluferlið er aðeins opið hæfum fjárfestum, sbr. 9. tölulið 43. gr. laga um verðbréfaviðskipti nr.
108/2007. Auk þess þurfa fjárfestar að uppfylla tiltekin skilyrði sem gerð er grein fyrir í sölugögnum
og lúta einkum að fjárhagslegum styrk og hæfi að öðru leyti til að fara með virkan eignarhlut
í fjármálafyrirtæki.
Fjárfestum er frjálst að bjóða í allan eignarhlut seljanda og/eða hluta hans. Seljandi áskilur sér rétt til
þess að breyta söluferlinu og/eða stöðva það án fyrirvara. Einnig áskilur seljandi sér rétt til að hafna
öllum tilboðum.
Fjárfestar sem vilja taka þátt í söluferlinu geta haft samband við fyrirtækjaráðgjöf H.F. Verðbréfa hf.
í síma 585 1700 eða sent tölvupóst á spsv@hfv.is.