Fréttablaðið - 09.09.2011, Blaðsíða 12

9. september 2011 FÖSTUDAGUR12
Uppbygging Landspítalans við Hringbraut
á morgun.
Fjöldi tilboða
í tilefni dagsins.
Opið frá 10 til 16.
Nóatúni 4 · Sími 520 3000
www.sminor.is
Sölusýning
Fleiri starfsmenn Land-
spítala eiga að hjóla eða
ganga til vinnu. Átakið á að
draga úr umferðartöfum
á álagstímum. Dýrara að
byggja á nýjum stað.
Ljóst þykir að umferðartafir
verði á álagstímum við stærstu
starfstöðvar nýs Landspítala við
Hringbraut. Meðal annars þess
vegna ætlar spítalinn að standa að
hugarfars breytingu. Markmiðið
er að fleiri starfsmenn hjóli eða
gangi til vinnu.
„Spítalinn hefur sett sér mark-
mið um breyttar ferðavenjur
starfsfólks til ársins 2015. Það
verður endurskoðað í haust með
hliðsjón af nýrri samgöngu-
könnun,“ segir Ingólfur Þórisson,
framkvæmdastjóri á Landspítala,
sem er sérstakur ábyrgðarmaður
samgöngustefnunnar.
Samgöngustefnan nær til allrar
starfsemi spítalans óháð staðsetn-
ingu og jafnt til starfsfólks, sjúk-
linga og gesta.
Samkvæmt samgöngukönn-
un spítalans árið 2008 fóru fjór-
ir af fimm með bíl í og úr vinnu,
flestir á eigin bíl. Samtals 13 pró-
sent fóru gangandi eða hjólandi.
„Helmingur starfsmanna getur
gengið eða hjólað á innan við 14
mínútum inn á lóð spítalans en
hún er sú lóð borgarinnar sem
best er tengd almannasamgöng-
um,“ segir Ingólfur.
Við fullbyggðan fyrsta áfanga
spítalans er gert ráð fyrir stæð-
um fyrir örlítið færri bíla en nú
komast fyrir á stæðunum við
Hringbraut og í Fossvogi saman-
lagt. „Það er gert ráð fyrir 1.600
bílastæðum. Þau verða fyrir
starfsmenn spítalans, sjúklinga,
aðstandendur og nema,“ greinir
Ingólfur frá.
Eftir byggingu nýs spítala
verða skráðir starfsmenn á svæð-
inu við Hringbraut um 4.000, að
því er segir á vef spítalans.
Þar segir jafnframt að
umferðar tafir verði á álagstímum
við stærstu starfsstöðvar spítal-
ans. Slíkar tafir geti haft áhrif á
neyðarflutninga og aðra sem eigi
brýnt erindi. Það að draga úr bíla-
umferð vegna starfsemi spítalans
sé því einnig liður í að greiða og
tryggja aðgengi neyðarflutninga.
Bent er á að nú noti bæði gestir
og starfsfólk spítalans við Hring-
braut bílastæði utan lóðar hans í
óþökk íbúa í nágrenninu.
„Komi starfsmenn með öðrum
hætti til vinnu en á bíl leita færri
út fyrir lóð spítalans eftir bíla-
stæðum,“ segir Ingólfur.
Hann bendir á að innleiðing
samgöngustefnu og framkvæmda-
áætlunar fyrir spítala í Bretlandi
hafi leitt til 5 til 30 prósenta færri
ferða á einkabíl til vinnu.
Ingólfur útilokar ekki að minni
líkur verði á umferðaröngþveiti
nálægt spítalanum verði hann
reistur austan Elliðaáa. „Það
getur vel verið að það komi eitt-
hvað jákvætt út úr því með til-
liti til umferðar. Það yrði hins
vegar miklu dýrara að byggja þar.
Kvennadeildin og barnaspítalinn
verða áfram í notkun við Hring-
braut. Háskólinn er með bygging-
ar á svæðinu og það er mikilvægt
atriði í huga margra að ákveð-
inn heilbrigðiskjarni myndist við
svæðið. Það yrði dýrt að reisa
nýjar byggingar fyrir heilbrigðis-
vísindasviðið líka. Það getur vel
verið að það yrði styttra fyrir ein-
hverja að bruna í austurátt en það
er styttra á Hringbrautina fyrir
þá sem koma með flugi.“
Vilja breyta ferðavenjum starfsfólks
FYRSTI ÁFANGI Stefnt er að því að fyrsta áfanga nýs Landspítala verði lokið árið 2017.
Í drögum að breytingum á aðalskipulagi Reykjavíkur 2001-2024 segir að
matsvinna verði unnin samhliða. Fyrst og fremst verði fjallað um áhrif
þess að fella byggingu Holtsganga úr áætlun en þeim var ætlað að tengja
Sæbraut við Hringbraut.
Í matinu verði litið til væntanlegrar umferðar í miðbæ Reykjavíkur sem
myndast verði ekki farið í gerð Holtsganga. Gerður verður samanburður
á umferð með og án Holtsganga á Snorrabraut, Hringbraut, Sæbraut og
Lækjargötu. Einnig verður fjallað um hugsanlegar breytingar á gegnum-
akstursumferð um Þingholtin.
Áhrif uppbyggingar á Landspítalalóðinni verða skoðuð nánar í umhverfis-
mati deiliskipulags segir í drögunum sem dagsett eru þann 24. janúar 2011.
Breytingar á aðalskipulagi
Sjúkraflutningamenn hafa lýst yfir áhyggjum af
umferðarmálum í kringum nýjan Landspítala, að sögn
Birgis Finnssonar varaslökkviliðsstjóra.
„Við vorum kallaðir á undirbúningsfund fyrir nokkru
síðan og komum okkar sjónarmiðum á framfæri. Við
lýstum yfir áhyggjum vegna mögulegra umferðarhnúta.
Það hefur verið skipaður umferðarhópur til þess að fara
í gegnum þessi mál með spítalanum til þess að tryggja
aðgengi okkar þannig að menn lendi ekki í umferðar-
teppum. Við leggjum okkur ekki í hvar spítalinn er stað-
settur. Nú er búið að ákveða að spítalinn verði þarna og
svo spilum við úr því,“ segir Birgir.
Með áhyggjur af aðgengi sjúkrabíla
Stefán Thors, forstjóri Skipulagsstofnunar, segir skipu-
lagsmál í hverju sveitarfélagi heyra undir sveitarstjórn.
Aðkoma embættis hans að staðarvali nýs Landspítala
hafi ekki verið nein.
„Það er alfarið sveitarstjórnarinnar að marka stefnu
um legu vega og staðarval íbúða- og iðnaðarsvæða
og svo framvegis. Aðkoma skipulagsstofnunar ríkisins
að því er að fara yfir drög að aðalskipulagi sem á að
fara að auglýsa. Stofnunin sér um að farið sé að lögum
og reglum og að rétt sé staðið að kynningarmálum.
Heilbrigðisráðuneytið stóð frammi fyrir þremur kostum og komst að þessari
niðurstöðu en Landspítalinn hafði sitt að segja varðandi staðarvalið.“
Aðkoma Skipulagsstofnunar engin
Ingibjörg Bára
Sveinsdóttir
ibs@frettabladid.is