Fréttablaðið - 09.09.2011, Blaðsíða 16
9. september 2011 FÖSTUDAGUR16
Föstudagsviðtaliðföstuda
gur Magnús Scheving frumkvöðull
S
amkvæmt fréttatilkynningu sem
send var út til fjölmiðla í gær um
kaupin nemur fjárfesting Turner
tveimur og hálfum milljarði
íslenskra króna. Í kaupsamningn-
um er gert ráð fyrir því að sölu-
andvirði hlutabréfa Magnúsar Scheving og
eiginkonu hans, Ragnheiðar Melsteð, renni
inn sem fjárfesting í nýtt félag Turner.
Fyrir tækið gerir ráð fyrir því að þróa sér-
stakan Latabæjarheim á netinu, setja á
markað alþjóðlega fata- og leikfangalínu
ásamt því að hefja framleiðslu á nýrri sjón-
varpsþáttaröð með Magnúsi í hlutverki
Íþróttaálfsins. „Það var eiginlega erfiðasti
hluturinn í samningnum, að leika Íþrótta-
álfinn, ég velti því fyrir mér hvort ég gæti
það hreinlega,“ segir Magnús, sem upplýsir
jafnframt að það hafi komið til tals að flytja
alla Latabæjarframleiðsluna til Banda-
ríkjanna, sem hefði verið gríðarlegt áfall.
„Okkur tókst hins vegar að sannfæra þá um
að þetta væri best svona, að hafa hana hér
á landi.“
Fundum raforkuver í Turner
Ár er liðið frá því að Turner sýndi því áhuga
að kaupa Latabæ en fyrirtækið er eitt það
stærsta í framleiðslu og dreifingu á afþrey-
ingu í heiminum. „Við ákváðum að fara í
endur skipulagningu á félaginu. Allir hlut-
hafar vildu vera með og við ákváðum að
finna kaupanda til að losa þá út.“ Magnús
hefur verið á þönum síðastliðnar tvær vikur
vegna kaupanna, varla sofið meira en fjóra
tíma á sólarhring og það verður ekkert mikið
meira um svefn á næstunni á meðan kaupin
ganga í gegn. „Án gríns þá hefur fólk unnið
hér bókstaflega dag og nótt.“
Magnús verður eftir undirskriftina for-
stjóri í nýju fyrirtæki Turner-samsteyp-
unnar. Hann lítur á daginn í gær sem sigur-
dag fyrir Latabæ en ekki sem persónulegan
ósigur fyrir sig eins og einhverjir kynnu að
halda. „Staðreyndin er sú að við höfum verið
að leita að svona samstarfsaðila í mörg ár,
fyrirtæki sem hefur yfir að ráða dreifikerfi
í sjónvarpi og á vörum. Við höfum alltaf
verið með annað hvort; vorum komin á vöru-
markað en þá tók of langan tíma að komast í
sjónvarp og svo öfugt.“ Magnús líkir Latabæ
við kló sem hafi verið að leita eftir straumi.
„Og við fundum eiginlega heilt raforkuver
í Turner.“
Magnús kveðst sáttur við þá stefnu sem
Latibær sé að taka, vörumerkið sé smám
saman að verða fært um að standa á eigin
fótum eftir að hafa verið nátengt hans pers-
ónu. „Latibær á eftir að verða til án mín og
á eftir að lifa mig.“
Bjargar breskum börnum
Magnús viðurkennir að honum finnist sorg-
legt að þeir sem fjárfestu með honum í
Latabæ til að byrja með skuli ekki njóta þess
í dag. En þetta sé saga frumkvöðla, hún sé
öldudalur. Hann rifjar upp að þrisvar sinn-
um hafi Disney verið nálægt því að fara á
hausinn þegar hann var að byrja. „Meðal
annars vegna þess að hann vildi fá sinfóníu-
hljómsveit til að leika undir barnaefni. Það
hafði aldrei verið gert áður.“ Hann segist
á hinn bóginn aldrei eiga eftir að gleyma
þeim sem tóku þátt í þessu ævintýri og hann
verði þeim ævinlega þakklátur. „En nú eru
að koma þrjú til fimm hundruð störf inn í
landið og tveir og hálfur milljarður inn í
efnahagskerfið. Ég á ennþá í Latabæ en er
ekki að fá neina peninga, bara nýjan starfs-
titil. Ég er ennþá með en þeir ráða öllu. Það
hefur því eiginlega ekkert breyst hjá mér
nema hvað að sviðið sem ég dansa á er orðið
miklu, miklu stærra.“
Magnús viðurkennir að honum þyki
stundum eins og Latibær njóti ekki sann-
mælis heima fyrir. Hann er til að mynda að
fara hleypa af stokkunum nýju átaki með
bresku ríkisstjórninni í beinni útsendingu
á BBC á þriðjudaginn. „Við erum búnir að
vera að skipuleggja þetta með forsætis-
ráðherranum, David Cameron, í margar
vikur. Bretar velja íslenskt fyrirtæki til að
kynna fyrir börnum holla lífshætti. Ég held
að menn fatti stundum ekki hvað Latibær er,
það eru þrjátíu þúsund manns að fara hlaupa
með okkur maraþon í Búlgaríu í næstu viku
og við jukum grænmetisneyslu í Mexíkó um
rúmlega tuttugu prósent. En það kveikir
enginn á þessu á Íslandi.“
Vilja hafa mig eins og ég er
Magnús segir mestu breytinguna fyrir sig
persónulega þá að nú muni hann vinna fyrir
aðra, það hafi hann ekki gert lengi. Hann
hafi verið einn í baráttunni en nú hafi hann
bandarískan risa á bakvið sig. „Og það verð-
ur forvitnilegt að sjá hvernig það fer í mark-
aðinn, að maður er ekki lengur einstæðingur
sem hefur örugglega hjálpað mér oft.“
Magnús játar að hann svífi eilítið um í
lausu lofti, hann viti ekki hvort það komi
yfir sig einhver tilfinning þegar hann skrifi
formlega undir samninginn við Turner.
„Þetta er örugglega í síðasta skipti sem ég
get sagt hvað sem er. Eftir undirskriftina
verð ég að fylgja PR-stefnu Turner og það
er enginn smá doðrantur að læra,“ en Turner
setti það sem skilyrði að Magnús yrði for-
stjóri næstu fjögur ár. Eftir það getur hann
hætt. „Maður þarf að læra á þetta og kannski
breytast, ég held samt ekki. Ég held að þeir
vilji hafa mig akkúrat eins og ég er.“
Framleiðslan á nýju þáttunum hefst strax
eftir áramót og Magnús upplýsir að þeir ætli
sér að finna nýja fleti á þeim. Hann er jafn-
framt bjartsýnn á að fá Stefán Karl Stefáns-
son aftur til liðs við sig, fáir ef nokkrir geti
leikið Glanna Glæp betur en hann. „Hann er
okkar allra besti leikari og við Stefán höfum
haldið góðu sambandi. Það er örugglega hægt
að fá einhvern annan til að leika Glanna en
Stefán gerir það best. Mér fyndist það líka
vera við hæfi að við Stefán riðum saman út í
sólarlagið þegar þættirnir renna sitt skeið.“
Latibær mun alltaf lifa mig
Magnús Scheving segist vera fyllilega sáttur við sitt eftir að hafa selt Latabæ til bandarísku fjölmiðlasamsteypunnar Turner. Hann
verður forstjóri fyrirtækisins hér á landi og klæðir sig aftur í Íþróttaálfsbúninginn í nýrri þáttaröð. Freyr Gígja Gunnarsson ræddi við
Magnús um breytingarnar og framtíð þessa fyrirbæris sem hefur unnið hug og hjörtu barna úti um allan heim.
SIGURDAGUR Magnús Scheving sér mikil tækifæri í kaupum Turner á Latabæ. Loksins hafi fyrirtækið aðgang að bæði sjónvarps- og vörudreifingu. Latibær hafi verið kló sem hafi verið að leita að rafmagni og fundið heilt
raforkuver í Turner. FRÉTTABLAÐIÐ/ANTON
Ég er ennþá
með en þeir
ráða öllu. Það
hefur því eiginlega ekkert
breyst hjá mér nema hvað
að sviðið sem ég dansa á er
orðið miklu, miklu stærra.
SAMNINGAR UNDIRRITAÐIR Magnús Scheving og Jeff Kupsky, forstjóri Turner í Evrópu, fagna undirritun
samninga um kaup Turner-samsteypunnar á Latabæ. FRÉTTABLAÐIÐ/VALLI