Fréttablaðið - 10.09.2011, Síða 41

LAUGARDAGUR 10. 3
Getum bætt við okkur
nokkrum nemendum á
píanó og í söng
Grensásvegi 3,
108 Reykjavík sími: 553 9210
postur@nyitonlistarskolinn.is
www.nyitonlistarskolinn.is
Píanó og hljómborðsnámskeiðin
að hefjast.
Skráning er hafin.
Börn og fullorðnir -
byrjendur og lengra komnir.
10 - 14 vikna námskeið í boði.
Fleiri skemmtileg námskeið á döfinni.
Ármúla 38 • s. 691 6980
pianoskoli@gmail.com
pianoskolinn.is
Fæst í Bónus og Inspired,
Keflavíkurflugvelli
HOLLUR
BITAFISKUR
+ 80% prótín
Fiskneysla er góð
fyrir heilabúið
Töfraflautan verður frumsýnd í Hörpu 22. október næstkomandi og þegar eru
yfir 5.000 miðar seldir. Upphaflega var gert ráð fyrir sex sýningum en aukasýningu
hefur verið bætt við sunnudaginn 20. nóvember til að mæta eftirspurn. Æfingar
eru hafnar og munu margir af fremstu söngvurum þjóðarinnar stíga á stokk. TÓNLIST
Fyrstu tónleikarnir í Ljáðu okkur
eyra verða miðvikudaginn 14.
september og síðan vikulega til 7.
desember. Þetta er í þriðja sinn
sem tónleikaröðin er haldin og
er dagskráin aldrei auglýst fyrir
fram. Áhorfendur vita því ekki á
hverju þeir eiga von hverju sinni
og er leyndardómurinn orðinn
hluti af tónleikunum.
„Það var nú ekki ætlunin þegar
við byrjuðum,“ segir Gerrit
Schuil, píanóleikari og umsjónar-
maður Ljáðu okkur eyra, glaðlega
þegar Fréttablaðið náði af honum
tali í sólinni við Fríkirkjuna.
„Mig langaði til að gera eitthvað
fyrir fólk þegar kreppan skall á,
bjóða því inn í kirkju til að hlusta
á frábæra tónlist og þá skiptir í
raun engu máli hver er að spila
eða hver er að syngja hvað,“ segir
Gerrit og bætir við að allir tón-
leikarnir hafi verið vel sóttir og
almenn ánægja með tiltækið.
„Það gerist eitthvað mjög
sérstakt þennan hálftíma sem
erfitt er að útskýra. Ég held að
það hafi líka eitthvað að gera með
Fríkirkjuna sjálfa. Hún er falleg
og inni í henni er mjög fallegt
andrúmsloft. Það myndast mjög
góð stemming bæði hjá þeim sem
koma fram og hjá áhorfendum.“
Þó að Gerrit fáist ekki til að
gefa upp hverjir muni koma
fram segir hann þó einhverja
þeirra sömu listamanna koma
fram í vetur sem hafi áður verið
með. Þá muni líka bætast við nýtt
fólk. Tónleikarnir hefjast ævin-
lega klukkan 12.15 og standa í
hálftíma. Aðgangur er ókeypis
en minni háttar framlag til flytj-
enda í lok tónleika er þó vel þegið.
Gerrit segist vonast til að sjá sem
flesta.
„Við bjóðum öllu því fólki sem á
leið um Fríkirkjuveg í hádeginu á
miðvikudögum að líta við í kirkj-
unni og eiga þar stund með okkar
fremsta tónlistarfólki.“ - rat
Ljáðu okkur eyra
Ljáðu okkur eyra er röð hádegistónleika sem haldnir verða á
hverjum miðvikudegi í vetur í Fríkirkjunni. Píanóleikarinn og
hljómsveitarstjórinn Gerrit Schuil stendur á bak við tónleikana.
Gerrit Schuil segir einstaka stemningu ríkja í Fríkirkjunni í hádeginu á miðvikudögum.
FRÉTTABLAÐIÐ/ANTON
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meiri Vísir.