Faxi - 01.06.1962, Blaðsíða 4

Gagnfræðaskólinn í Keflavík 10 óra
Nií í vor hefur gagnfræðaskólinn í
Keflavík starfað í 10 vetur. Kennarafélag
skólans fór þess á leit við mig, að ég
minntist skólans á þessum tímamótum
hans með smágrein, og er ætlun mín að
verða við þeim tilmælum.
Nemendur þeir, sem sótt hafa skólann,
hafa einkum verið úr Keflavík og Njarð-
víkum, en einnig hafa nokkrir nemendur
verið úr öðrum byggðarlögum á Suður-
nesjum og annars staðar af landinu.
Fyrstu tvö árin starfaði skólinn í barna-
skólahúsinu, og tókst það sambýh skól-
anna vonum framar, þegar þess er gætt,
að t. d. voru frímínútur skólanna ekki á
sama tíma, að nokkru leyti önnur viðhorf
og skólavenjur, og færi ég starfsbræðrum
mínum við barnaskólann og skólastjóra
þakkir, hve vel sambúðin tókst, og sann-
aðist þar vel málshátturinn, að oft mega
sáttir þröngt sitja.
Það- er alkunna, að fólksfjölgunim í
Keflavík og Njarðvíkum hefur verið mjög
ör síðasta áratug og raunar lengur, enda
ber nemendafjölgun skólans þess glögg
merki. Þegar skólinn tók til starfa haustið
1952, voru skráðir 99 nemendur í skólan-
um í 4 bekkjardeildum. Fastir kennarar
voru þá 3 auk skólastjóra. Skólaárið 1958
—59 voru skráðir 278 nemendur í 10
bekkjardeildum. Fastir kennarar voru þá
9 auk skólastjóra. A þessum sex árum
hafði því fjölgunin numið 180,8%. Síðast-
liðinn vetur voru skráðir 270 nemendur í
skólanum. Er sú tala nokkru lægri en
skólaárið 1958—59. Stafar það af því, að
nemendur þeir úr Njarðvíkum, sem voru
í skyldunámi, hættu að sækja skólann, þar
sem unglingadeild hafði verið sett á stofn
í Njarðvíkunum. Alls hafa um 2000 nem-
endur verið skráðir í skólanum þau ár,
sem skólinnn hefur starfað. Alls hafa líka
útskrifazt 185 gagnfræðingar.
Fólk getur því gert sér í hugarlund,
hversu þrengslin í skólanum eru orðin
gífurleg, og hversu miklir erfiðleikar,
jafnvel vandræði, hafa af þeim hlotizt, þar
sem bókleg kennsla hefur farið fram í að-
eins 5 kennslustofum — þar af einni í
Sjálfstæðishúsinu — og rýmið í skólanum
utan kennslustofanna mjög lítið. Ég tel
vægt að orði komizt, í þessu sambandi,
þótt sagt sé, að við þetta hefði ekki lengur
verið unað.
Nú er nýtt skólahús í smíðum, og verð-
Rögnvaldur Sæmundsson, skólastjóri.
ur það að öllum líkindum tekið að ein-
hverju leyti í notkun næsta haust. Mun þá
að nokkru leyti rætast úr þeim erfiðleik-
um, sem kennarar og nemendur hafa átt
við að stríða að þessu leyti. En betur má,
ef duga skal. Nemendum skólans á enn
eftir að fjölga að miklum mun. Auk þess
hefur aukin tækni, aukin vélvæðing, nýir
orkugjafar og fjölbreyttara atvinnulíf
haldið innreið sína eða munu halda inn-
reið sína í þjóðfélag okkar. Til þess að
þjóðfélag okkar geti mætt þeim breyttu
aðstæðum, sem af þessari óhjákvæmilegu
þróun leiðir, verður að auka að miklum
mun verklega kennslu í skólanum og
kennslu í raunvísindum, enda eru kröfur
um slíkt að verða sífellt háværari og há-
værari. En til þess að svo geti orðið, verða
ráðamenn bæjar-, sveita- og þjóðmála að
gefa þessu meiri gaum framvegis en raun
hefur orðið á, ef við eigum ekki að drag-
ast aftur úr í þróuninni.
Það er því von mín og trú, að ráðamenn
bæjarins — og raunar allir íbúar skóla-
hverfisins — skapi skólanum þau starfs-
skilyrði, að hann megni að búa æskuna
sem bezt undir lífsstarfið og gera það að
góðum og nýtum þjóðfélagsþegnum. Þetta
kostar að sjálfsögðu stórt átak og of fjár,
en það kostar meir að dragast aftur úr
þróuninni. Efnishyggjan má þó ekki ná
yfirtökum á okkur, og andleg verðmæti
halda ávallt gildi sínu.
Félagslíf í skólanum hefur verið ágætt.
Þar eru starfandi ýmis félög, svo sem skóla-
félagið, sem allir nemendur skólans eru
skyldugir að vera í. Aðaltilgangur þess
félags er að halda málfundi og sjá urn
skemmtanir nemenda innan skólans. —
Hagnaður af skólaskemmtunum er lagður
í ferðasjóð nemenda, sem skiptist jafnt á
milli bekkja skólans. Skemmtanir skólans
eru ávallt undir eftirliti kennara.
A s. 1. vetri voru 33 þús. kr., sem komu
til skipta milli bekkja í ferðasjóð. Félags-
gjöld nemenda, sem eru 10 kr., skiptast
milli félagssjóðs, sem er ætlað að standa
straum af útgjöldum félagsins öðrum en
þeim, sem standa í beinu sambandi við
rkemmtanirnar, og bókasafnssjóð, en fé úr
honum skal varið til bókakaupa handa
bókasafni skólans.
Iþróttafélag er einnig starfandi með
miklum glæsibrag. Handknattleiksmót
innan skólans eru haldin árlega, stúlkna-
og drengjasveitir hafa tvisvar á vetri hverj-
um tekið þátt í sundmótum framhalds-
skólanna í Reykjavík. Hefur stúlknasveit-
in verið mjög sigursæl á þeim mótum.
Taflfélag og frímerkjaklúbbur eru einnig
starfandi. Nemendurnir gefa einnig út
skólablað, sem nefnist Stakkur, og er það
jafngmalt skólanum.
Töluverðar breytingar hafa orðið á kenn-
araliði skólans á téðu tímabili. Ég hef áður
getið um fjölgunina á föstum kennurum
skólans, en auk þess hafa ávallt starfað
nokkrir stundakennarar. Aðeins skóla-
stjórinn, Rögnvaldur Sæmundsson, og
undirritaður hafa starfað óslitið við skól-
ann frá upphafi.
Það er ávallt erfiðara að stjórna og
kenna við skóla, sem er að hefja starfsemi
sína en skóla, sem starfað hefur lengi, því
að þar hafa skapazt fastar skólavenjur og
viss skólabragur, sem bæði kennarar og
nemendur ósjálfrátt lúta. Ég tel, að enginn
einstaklingur hafi átt meiri þátt í að móta
þann skólabrag, sem skapazt hefur, og ég
tel í flestu góðan, en einmitt Rögnvaldur,
enda hefur hann unnið starf sitt af alúð
og samvizkusemi, og stöndum við, íbúar
skólahverfisins, í mikilli þakkarskuld við
hann.
Þeir fastir kennarar, aðrir, sem starfað
hafa við skólann 4 ár eða lengur, eru sem
hér segir:
Oskar Jónsson, sem einkum hefur kennt
teiknun og reikning.
Ingólfur Halldórsson, kennt reikning og
íslenzku.
Oskar Olafsson, kennt sögu, kristin-
fræði, landafræði o. fl.
Björn Guðnason, kennt dönsku og nátt-
úrufræði.
88 — F A X I