Faxi - 01.06.1962, Blaðsíða 6

að þeir ætluðu að fara að standa í „stór-
meistaranum", en hann átti ávallt ráð und-
ir hverju rifi og lumaði þá á leikfléttum,
sem gerðu út um taflið í fáum leikjum,
líkt og atómsprengja hefði fallið á herbúð-
ir óvinarins. I öðru sæti, en efstur Suður-
nesjamanna, varð Helgi Olafsson, með 4
vinninga, og hlaut hann þarna í fyrsta
sinn titilinn „Skákmeistari Suðurnesja“, en
Helgi hefur, þrátt fyrir ungan aldur, oft
verið nærri því að hreppa hann, en alltaf
misst af strætisvagninum þar til nú. Þótt
sigur Helga sé naumur, er hann vel að
honum kominn, því Helgi er, að öðrum
ólöstuðum, sá skákmaður hér syðra, sem
mest gerir sér far um að auka kunnáttu
sína. Hann hefur því ekki erfiðað til einsk-
is, þótt enn skorti hann öryggi. I þriðja
sæti kom svo Borgþór H. Jónsson, með 3!4
vinning og stóð hann, eins og oft áður, í
eldlínunni, þótt hann ætti við veikindi að
stríða, meðan á mótinu stóð. Páll G. Jóns-
son, sem teflt hefur í landsliðsflokki, og
lagt þar að velli marga af landsins beztu
skákmönnum, mátti þarna muna sinn fífil
fegri, því að hann hafnaði í fjórða sæti,
með 3 vinninga, enda æfingalítill, sökum
mikilla anna. Þótt Páll hafi ekki synt mik-
ið í sér vígtennurnar á þessu móti, trúir
enginn sem til þekkir, að blómaskeiði hans
við skákborðið sé lokið. Lestina í þessum
fámenna hópi rak svo Hörður Jónsson með
2 vinninga, og sýndi eins og honum reynd-
ar hættir mjög til, misgóða taflmennsku,
en hann er einn af þeim skákmönnum, er
getur verið hinum öflugri skeinuhættur,
en hinum veikari auðveldur.
I I. og II. flokki var teflt sameiginlega
og voru keppendur 19 og var þar notað hið
svonefnda Monrad-kerfi og tefldar 7 um-
ferðir. Þar urðu jafnir að vmningatölu
þeir Sigfús Kristjánsson og Olafur Björns-
son og hlutu þeir 5!4 vinning hvor, en þar
sem stigatala Sigfúsar reyndist vera hærri,
hlaut hann sigurinn og flytzt jafnframt
upp í meistaraflokk. Þriðji varð Magnús
Haraldsson. Af öðrum keppendum mætti
nefna hinn áhugasama Sigurð Daðason, er
enn teflir af miklu æskufjöri, þrátt fyrir
háan aldur, og svo fulltrúa kvenþjóðarinn-
ar, Vilborgu Auðunsdóttur, sem enginn
skyldi vanmeta að skákstyrkleika, ef um-
hugsunartími hennar er nægur, en sem
góðri skákkonu er tímahrakið hennar
versti óvinur.
Hraðskákmeistari Suðurnesja varð Helgi
Olafsson.
Skákmót Keflavíkur var svo haldið á
miðjum vetri og voru þátttakendur 46. Til
að auðvelda framkvæmd mótsins var tekið
það ráð að steypa öllum flokkum saman
og tefla eftir Monrad-kerfinu 9 umferðir,
þótt ekki þætti það beint vinsælt. Einnig
átti með notkun þess að reyna að koma í
veg fyrir ýmsa annmarka, sem verið hafa
fylgifiskar fyrri móta, en því miður tókst
það ekki sem skyldi. Þó ber að fagna því,
að mótið tók áætlaðan tíma og er það stórt
spor í framfaraátt.
Urslit mótsins urðu þau, að þar bar hinn
ósigrandi Lárus Johnsen sigur úr býtum
og hlaut hann 8 vinninga, en þar sem
hann tefldi þarna einnig sem gestur, varð
hann eigi titlaður, svo skákmeistari Kefla-
víkur varð öllum á óvænt, nýgræðingur-
inn í meistaraflokki, Sigfús Kristjánsson,
og skaut hann þarna aftur fyrir sig mönn-
um eins og Ragnari Karlssyni, sem tekið
hefur fram taflborðið að nýju og Helga
Olafssyni, en mesta athygli vakti hin
frækilega frammistaða Vilborgar Auðuns-
dóttur, sem varð meðal þeirra efstu. Að
mótslokum var svo haldin hraðskákkeppni
og bar Helgi Olafsson sigur úr býtum og
sannaði svo að ekki verður um villzt, að
hann er um þessar mundir sterkastur Kefl-
víkinga í þeirri grein.
Um miðjan aprílmánuð fór fram hin
árlega keppni SK við tafldeild Hreyfils í
Reykjavík, en SK hefur um nokkurra ára
skeið haft vinsamleg samskipti við þá. —
Hreyfilsmenn sigruðu nú með miklum
mun, eða 12!4 vinningi gegn 6/2. Teflt var
á 19 borðum og þótti þetta stóra tap SK
mikil tíðindi og ekki spá góðu fyrir Kefl-
víkinga i þeirri keppni, sem fram undan
var, en það var keppnin um „Sýslubikar-
inn“. En þegar útlitið er svartast, er oft
árangurinn beztur, því SK bar sigurorð af
báðum keppinautum sínum, sem voru
sveitir frá Kópavogi og Sandgerði, í keppn-
inni um bikarinn, og fengu hann til eign-
ar, þar sem þetta var í þriðja sinn í röð,
sem SK vinnur hann.
Eins og ég gat um í upphafi, var áhugi
hinna eldri og reyndari kappa félagsins
mjög lítill — svo lítill, að það er orðið aðal-
vandamál þess, hve mót meistaraflokks eru
illa sótt og eins líka, hve illa gengur að fá
menn til keppni við önnur félög. Orsak-
irnar fyrir því tel ég helzt vera þær, að
framkvæmd móta er í ýmsu ábótavant. T.
d. er næði á keppnisstað alls ekki nægi-
legt, þegar verið er að tefla og hefur það
mjög truflandi áhrif á keppendur, og svo
eru það hinar hvimleiðu frestanir á kapp-
skákum, sem miklum erfiðleikum valda
og mörgum hafa gert gramt í geði, vegna
hinnar auknu fyrirhafnar, sem af þeim
leiðir.
Það var að vísu gert í góðum tilgangi
einum, þegar skákfélagið hóf starf sitt að
nýju árið 1956, eftir nokkurra ára hlé, að
reyna að hliðra örlítið til fyrir þeim mönn-
um, sem vildu sækja mót, en gátu það
ekki vegna vinnu sinnar, nema því aðeins
að þeir fengju frest með að tefla sumar
skákir sínar. En með árunum hefur þessi
tilhliðrunarsemi verið svo ofnotuð, með
því að taka öll forföll gild, að nú er svo
komið, að fleiri skákir meistaraflokks eru
tefldar utan mótsstaðar en innan, enda
hefur sú litla „stemning", sem yfir mótun-
um ríkti, rokið út í veður og vind, og þeir
áhorfendur, sem töldu vel þess vert að eyða
einni og einni kvöldstund í sölum skákfé-
lagsins, eru fyrir löngu búnir að missa
þolinmæðina. Ef SK ætlar að halda styrk-
leika sínum, svo ég tali nú ekki um, að
auka hann verður að taka mótin fastari
tökum og bera í brestina, því ef það tekst,
er ekki að efa, að meira líf muni færast í
hinn vankaða meistaraflokk, með aukinni
keppendatölu, sem auðvitað leiðir af sér
harðari og skemmtilegri keppni, og þá er
tilganginum náð. m.
£XÍX><cXcX-><X><cX-X;XX><X<XcX<XcX<XcXcX-XcXc V
%
A
Margar stærðir af
Reiðhjólum
Og
Þríhjólum
Reiðhjólaverkstæði
MARGEIRS JÓNSSONAR
Keflavík . Sími 1130.
<■>
/>
é
6
6
é
é
é
é
é
é
é
é
<■>
é
é
é
é
I
Bæjarins mesta og bezta úrval
af gluggatjaldaefnum.
VERZLUN
SIGRÍÐAR SKÚLADÓTTUR
— Sími 2061 —
'XcXJxZxXXcxXXcXc^OOOOOO^ixe^íXXcXXXXXX^Oí?
90 — F A X I