Faxi - 01.01.1987, Side 31

framhald AF BLS. 3
Myndirnar hér á sfðunni eru úr Höfimm. Ljósm. Vfkurfréttir.
uðu betur, gefa þeim þátt í lífi
okkar sem var og fyrrum. Það
fæst ekki allt með byggingu elli-
heimila, þó þau hjálpi og séu
nauðsynleg. Mín kynslóð stend-
ur frammi fyrir því að e.t.v. á okk-
ar gamals aldri verði öngþveiti
vegna gamalmennamála. Við
þurfum því að nýta tímann vel og
breyta hugsunarhætti fólksins til
hinna öldruðu. Síðast en ekki síst
þarf unga fólkið að taka sér tak og
þeir sem eru 20—30 ára og eldri
ættu að setja markið hátt og miða
við að eiga a.m.k. 3—4 börn, því
þau eru lykillinn að framtíðinni.
Ef til vill finnst ykkur nú tekið of
djúpt í árinni að ræða um þetta hér
en í bók bókanna segir í I. Móse-
bók 1. kap. 18. „Verið frjósöm,
margfaldist og uppfyllið jörðina
og gjörið ykkur hana undirgefna
og drottnið yfir fiskum sjávarins
og yfir fuglum loftsins og yfir öll-
um dýrum sem hrærast á jörð-
unni“.
I upphafi máls míns vék ég að
því að mín kynslóð væri e.t.v. sú
fyrsta hér á landi sem byggi við
verulega góðan kost ef svo mætti
að orði komast. Hvernig tekst
okkur síðan að skila börnunum
okkar áleiðis í li'finu við enn betra
viðurværi en við fengum? Hafa
þau nægilega styrkan bakgrunn
til að standa á eigin fótum og
verða hæfir og nýtir þjóðfélags-
þegnar? Hvernig verða síðan af-
komendur þeirra, getum við
treyst þeim fyrir okkur í ellinni?
Viljum við kannske hafa þetta
eins og það er hverju sinni og gera
lítið sem ekkert í málinu því það
er þægilegast? Það mætti af orð-
um mínum draga þá ályktun að ég
óttaðist ellina, en því fer fjarri.
Það dýrmætasta sem við eigum
í dag eru börnin, þau eru framtíð
þjóðarinnar. Allar mannfjölda-
spár í dag benda til þess að draga
muni úr fæðingatíðni. Það hefur
gerst hér í nokkur ár í röð og æ
færri börn eru nú að meðaltali í
árgangi. Á ráðstefnu sem ég sat
nýverið var flutt mjög merkilegt
erindi sem íjallaði m.a. um mann-
fjölda á íslandi. Þar var rætt um
viðhorf unga fólksins til framtíð-
arinnar og þau spurð um barn-
eignaáform og ijölskyldustærð.
Sömuleiðis var rætt um breyting-
ar á lífsháttum næstu áratugi. Þar
kom í ljós að unga fólkið vill eign-
ast 2 börn eða fleiri og það ætlar
sér að stofna til hjúskapar eða
sambúðar. Sem aftur bendir til
þess að það leggi áherzlu á fjöl-
skyldulíf og er það vel. En vanda-
málin blasa alls staðar við hvort
heldur í nútíð eða framtíð og þau
sem sérstaklega var minnst á voru
íjármálin almennt, húsnæðis-
vandamál, vinnuálag og fíkniefni
sé miðað við daginn í dag. Ef litið
er til framtíðarinnar, ársins 2020,
var það álit unga fólksins að
vandamálin yrðu fíkniefni, glæp
ir, fjármálin, atvinnuleysi og upp-
lausn fjölskyldunnar. Og lífs-
gæðakapphlaupið verði enn við
lýði. í bók nokkurri sem óþekkt-
ur höfundur er að segir: „Þegar
listamaður málar mynd, getur
hann aldrei birt sjálfan raunveru-
leikann á léreftinu, heldur aðeins
eftirmynd af því sem er innra með
honum sjálfum. Raunverulega
myndin er á andlegu tilverusviði
og hefur sannari tilveru en á lér-
eftinu. Myndin, sem þar er, hin
sanna mynd, verður alltaf til, en
léreftið og litirnir ekki. Ekkert
skáld getur gefið sitt sanna ljóð.
Listaskáldið gjörir svo vel sem
það getur, til að túlka fegurð og líf
ljóðsins, en jafnvel þegar best
tekst til, verður verkið þó langt frá
hugsjóninni.“ Er þetta ekki eins
'með okkur í daglega lífinu, við
sjáum hlutina ganga upp fyrir
hugskotssjónum okkar, en þeir
takast aldrei eins vel í raunveru-
leikanum.
Á þessum nýársdegi sem og
endranær er margs að minnast.
Þegar frá eru skildar persónuleg-
ar minningar hvers og eins mun
mörgum bæjarbúum eflaust ofar-
lega í huga bæjarstjórnarkosning-
arnar á sl. sumri. í kjölfar þeirra
fylgdi ný bæjarstjórn til næstu
fjögurra ára. Það eitt að kosningar
fóru fram minnir okkur á hvað
lýðræðisþjóðfélag er og til hvaða
ábyrgðar menn eru kallaðir. Ég er
ekki í nokkrum vafa um að þeir
sem bæjarstjórn skipa munu bera
hag bæjarfélagsins fyrir brjósti í
öllum málum.
Góðir kirkjugestir nú er mál að
linni, ég hef lítt minnst á trúarlífið
sem á þó að vera einn af horn-
steinum fjölskyldunnar. Leitið og
þér munuð finna stendur í Biblí-
unni. Þegar þú vaknar að morgni
dags, lítur þú út og sérð að veður
er kalt. Því þú bæði sérð og finnur
kuldann. Þú verður að sjá áður en
þú finnur til, hvort heldur er um
að ræða rétt eða rangt. Það er lög-
mál. En við skulum blátt áfram
snúa þessu við. Þú horfir inn á við
og sérð Guð og ekkert annað. Þú
munt finna til Guðs og skilja
hann. Hversu veik sem tilraun
okkar er í þessa átt hlýtur hún
óhjákvæmilega að bera árangur.
Góðir kirkjugestir, ég óska ykk-
ur gleðilegs árs, megi heill og
hamingja og Guðs blessun fylgja
okkur öllum á nýárinu.
(Vilhjálmur Ketilsson).
FAXI 31