Frjáls verslun - 01.04.2004, Síða 26

Sigurður Einarsson fær 400
þúsund sem starfandi
stjórnarformaður KB banka.
Raunverulegar greiðslur
voru 5,4 milljónir á mánuði.
Hannes Smárason,
aðstoðarforstjóri Islenskrar
erfðagreiningar, fær 141.666
sem stjórnarformaður Flug-
leiða.
Björgólfur Guðmundsson
fær 176 þúsund sem for-
maður bankaráðs Lands-
banka íslands.
Víglundur Þorsteinsson,
stjórnarformaður BM Vallár,
fær 110 þúsund fyrir að sitja
í stjórn íslandsbanka.
Stjórnarlaunin hafa hækkað!
Stjórnarlaun í fyrirtækjum hafa hækkað gríðarlega. Algengt var að þau væru 30-60 þúsund
krónur á mánuði. í dag eru þau allt að 120-150 þúsundum. Tvöfalt meira fyrir formennskuna.
Efiir Guðrúnu Helgu Sigurðardóttur Myndir: Geir Ólafsson
Stjórnarlaun hafa farið hækkandi síðustu misseri. Tón-
inn gaf Síminn í hittifyrra þegar hann tvöfaldaði launin.
Á þeim tíma var algengast að laun fyrir stjórnarsetu
væru 30-60 þúsund krónur á mánuði fyrir almennan stjórn-
armann og 120-150 þúsund krónur fyrir stjórnarformann.
Virkni stjórnanna hefur ekki endilega áhrif á upphæðina.
Líklegra er að hefðin hafi þar meira að segja og svo stærð
félaganna. Morgunblaðið sagði frá því í lok apríl að
stjórnarlaunin hefðu hækkað um 62% á tveimur árum og
tilfinning viðmælenda Fijálsrar verslunar er sú að stjórnar-
launin séu að eða hafi um það bil tvöfaldast upp á síðkastið og
má segja að það sé í takt við það sem hefur verið að gerast í
viðskiptalífinu. Hræringar hafa verið miklar og stöðugt meiri
kröfur eru gerðar til stjórnarmanna.
Allt niður í 20 búsund Viðhorf til stjórnarsetu hafa breyst.
Áður fyrr litu menn eingöngu á þann tíma sem fór í það að
sitja á stjórnarfundum þegar stjórnarlaun voru ákveðin. I
dag horfa menn líka á umstangið í kringum stjórnarsetuna
og erindisrekstur fyrir fyrirtækið. Starf stjórnarformanns
getur verið mjög tímafrekt og jafnvel allt að margfalt starf
venjulegs stjórnarmanns. Þó hefur hann aðeins tvöföld laun
almenns stjórnarmanns. Misjafnt er hvernig varaformaður
stjórnar er launaður, hvort hann fær sömu þóknun og
almennir stjórnarmenn eða hvort hann er einhvers staðar
þarna mitt á milli. Varamenn fá oft greitt fyrir hvern fund
sem þeir sitja, jafnvel mun minni upphæð en venjulegir
stjórnarmenn og getur það farið allt niður í 20 þúsund
krónur samkvæmt lauslegri athugun Frjálsrar verslunar.
Það getur reynst heilmikið mál að vera í stjórn fyrirtækis
ef á að sinna því vel og í samræmi við þær kröfur sem eru
gerðar. Stjórnarmenn, og kannski sérstaklega stjórnarfor-
mennirnir, þurfa að fylgjast vel með málefnum fyrirtækisins
og geta lent í því að þurfa að taka þátt í alls konar umræðu
og veijast gagnrýni í ijölmiðlum. Þess eru jafnvel dæmi að
menn hafi verið lögsóttir, t.d. vegna skattrannsóknar, auk
þess sem menn geta lent í ýmsu óskemmtilegu.
Náið samstarf Mjög misjafnt er hvernig andrúmsloftið er í
fyrirtækinu og stjórninni og hvernig viðkomandi stjórnir vinna,
hvort þær leyfa forstjóranum að sprikla lausum eða hvort þær
taka alls kyns ákvarðanir sem jafnvel geta haft áhrif á daglegan
rekstur fyrirtækisins. Misjafnt er hvernig stjórnir beita sér. For-
stjóri og stjórnarformaður vinna venjulega náið saman og
hringja hvor í annan milli mánaðarlegra stjórnarfunda, oft
nokkrum sinnum í viku, og aðrir stjórnarmenn hringja jaihvel
sín á milli eða í forstjóra eða stjórnarformann til að fylgjast með,
ræða málefni fyrirtækisins eða koma á framfæri nýjum hug-
myndum. Stundum verða stjórnarmenn að gæta þess að vera
ekki of afskiptasamir, fylgjast með og veita aðhald án þess að
það sé heftandi fyrir daglegan rekstur fyrirtækisins.
I einhverjum tilfellum eru stjórnarformenn starfandi og má
búast við að þeim sé betur greitt en hinum. Sigurður Einars-
son er dæmi um slíkt en hann er starfandi stjórnarformaður í
KB banka. Hann fær 400 þúsund fyrir stjórnarsetu sína. Inn í
það er ekki búið að taka aðrar greiðslur og hlunnindi, t.d.
kaupréttarsamning sem gerður hefur verið við hann og for-
stjóra félagsins. Raunverulegar greiðslur til Sigurðar í fyrra
voru 64,8 milljónir eða 5,4 milljónir á mánuði.
Einniö í Stjórn dótturfélaga í sumum tilvikum sitja stjórnar
menn móðurfélags einnig í stjórn dótturfélaga og má segja að
eðlilegt sé að greiða sérstaklega fyrir hveija stjórnarsetu, hvort
sem þær eru fleiri en færri. Misjafnt er hvort greitt sé sérstak-
lega fyrir stjórnarsetu í dótturfélagi eða hvort hún telst innifalin
í stjórnarlaununum frá móðurfélaginu. Ef stjórnarsetan telst
innifalin er litið svo á að það sé minni vinna og að ábyrgðin hvíli
á aðalstjórninni. Þetta fer líka eftir því hve viðamikil störfin eru.
26